कर्जमाफीसाठी शेतकऱ्यांवर कर्ज घेण्याची वेळ
राजकुमार चौगुले
मंगळवार, 12 सप्टेंबर 2017

कोल्हापूर : दीड लाखापर्यंतचे कर्ज माफ होण्यासाठी जादा कर्ज असलेल्या शेतकऱ्यांना कर्ज रक्कम भरावी लागणार असून, त्यासाठी रक्कम उभी करण्यासाठी शेतकरी पै पाहुण्यांबरोबरच सावकारांचे उंबरठे झिजवत असल्याचे चित्र आहे. यामुळे कर्जमाफीचा लाभ घेण्यासाठी पुन्हा सावकारी कर्ज घेण्याची वेळ शेतकऱ्यांवर आली आहे.

सरकारने गेल्या महिन्यात कर्जमाफीचा निर्णय घेतला; पण ती सरसकट न करता अनेक अटी लावून व तांत्रिक निकष कडक करून शेतकऱ्यांना दिली. यामुळे प्रत्येक निकष पार करणे ही शेतकऱ्यांची डोकेदुखी बनत असल्याचे गावागावांत चित्र आहे.

कोल्हापूर : दीड लाखापर्यंतचे कर्ज माफ होण्यासाठी जादा कर्ज असलेल्या शेतकऱ्यांना कर्ज रक्कम भरावी लागणार असून, त्यासाठी रक्कम उभी करण्यासाठी शेतकरी पै पाहुण्यांबरोबरच सावकारांचे उंबरठे झिजवत असल्याचे चित्र आहे. यामुळे कर्जमाफीचा लाभ घेण्यासाठी पुन्हा सावकारी कर्ज घेण्याची वेळ शेतकऱ्यांवर आली आहे.

सरकारने गेल्या महिन्यात कर्जमाफीचा निर्णय घेतला; पण ती सरसकट न करता अनेक अटी लावून व तांत्रिक निकष कडक करून शेतकऱ्यांना दिली. यामुळे प्रत्येक निकष पार करणे ही शेतकऱ्यांची डोकेदुखी बनत असल्याचे गावागावांत चित्र आहे.

धीम्या यंत्रणेमुळे या प्रक्रियेला वेळ लागत आहे. मुदत संपण्याची वेळ जशी जवळ येत आहे, तसा यंत्रणेवर ताण वाढत आहे. काही सोसायट्यांनाही शासनाने थंबची यंत्रणा दिली आहे. तिथेही दिवसभर गर्दी होत आहे. ज्यांचे कर्ज दीड लाखापर्यंत आहे. त्यांच्या कर्जाची माफी होणार असली ज्यांचे कर्ज जास्त आहे, त्यांना वरची रक्कम भरल्याशिवाय माफी मिळणार नसल्याचे शासनाने सांगितले आहे.

ही रक्कम मिळविण्यासाठी आता शेतकरी ही रक्कम हात उसणे मागण्यासाठी वणवण करत असल्याचे चित्र आहे. सध्या अडचणीतल्या खरिपामुळे यंदाच्या हंगामावरही पाणी फेरावे लागणार आहे. यामुळे उर्वरित रकमेची जुळणी कशी करायची याच चिंतेत शेतकरी आहेत.

पश्‍चिम महाराष्ट्रातही निकषास पात्र असलेल्या शेतकरऱ्यांवरही उर्वरित रक्कम भरण्याचा दबाव स्पष्ट दिसून येत आहे. ऐनवेळी पैसे उपलब्ध होत नसल्याने निकषात बसूनही भरण्यासाठी रक्कम नसल्याने शेतकरी दीड लाखापर्यंतच्या कर्जमाफी पासून वंचित राहण्याची शक्‍यता आहे.

कर्जमाफीच्या अर्जासाठी शेतकरी गर्दी करत असल्याने गावागावातील सोसायट्या अव्याहतपणे सुरू आहेत. अनेक सोसायट्यांनी सुटीही न घेता कामकाज सुरू ठेवले आहे. निकष तपासणे व संबंधित बाबी पूर्ण करण्यात सोसायट्यांचे सचिव व कर्मचारी व्यस्त असल्याचे अनेक गावांत सध्या चित्र आहे.

तांत्रिक अडचणी अभावी गती येत नसल्याने मुदतीनंतरही अनेक शेतकरी कर्जमाफीपासून वंजित राहण्याची शक्‍यता आहे. अद्यापही अनेक प्रक्रियांबाबत संभ्रमावस्था असून, शासनाने मुदत वाढवून द्यावी, अशी मागणी शेतकऱ्यांतून होत आहे.

इतर ताज्या घडामोडी
चार हजार एकरांतील बटाटा पीक गेले वायामंचर, जि. पुणे : आंबेगाव तालुक्‍यात सातगाव पठार...
मन्याड, बहुळा प्रकल्पांतील पाणीसाठ्यात... जळगाव : जिल्ह्यातील मृतसाठा स्थितीत गेलेले...
अकोला जिल्ह्यात करार तत्त्वावर पिकणार... अकोला ः केळीच्या उत्पादनासाठी जिल्ह्यातील अकोट...
तब्बल २५१ ग्रामपंचायतींचा वीजपुरवठा...जळगाव : जिल्हाभरातील जवळपास २५१...
साडेसहा हजार शेतकऱ्यांचे तुरीचे चुकारे...परभणी : नांदेड, परभणी, हिंगोली जिल्ह्यात यंदाच्या...
औरंगाबादमध्ये हिरवी मिरची १५०० ते १६००... औरंगाबाद : येथील कृषी उत्पन्न बाजार समितीमध्ये...
पर्यावरणपूरक उपायातून पोल्ट्री...कॅनडा : येथील अंडी व त्यापासून पदार्थांचा वापर...
हरभरा पीक प्रात्यक्षिकातून धुळ्याला...धुळे : राष्ट्रीय अन्न सुरक्षा अभियानांतर्गत...
बेळगाव जिल्ह्यात ऊसटंचाईने गाळप... संकेश्‍वर, कर्नाटक ः बेळगाव जिल्ह्यातील काही...
शेतमाल विपणन यंत्रणा बदलायला हवी ः मोदी नवी दिल्ली ः शेतकरी अनेक समस्यांना तोंड देत...
प्रशासनाला समजते आंदोलनांचीच भाषा अकोला ः शासनाने या हंगामात सुरवातीला हमीभाव व...
तुरळक ठिकाणी हलक्‍या सरींचा अंदाजपुणे ः सध्या राज्यात अनेक भागांतील हवेचा दाब 1004...
रयत क्रांतीसमोर संघटना बांधणीचे अाव्हान कोल्हापूर : कृषी राज्यमंत्री सदाभाऊ खोत यांनी...
साताऱ्यातील प्रमुख धरणांत ९३ टक्‍क्‍...सातारा : जिल्ह्यातील सर्वच धरणांच्या पाणलोट...
वऱ्हाडात पिकांचे नुकसान; प्रकल्पांतील...अकोला : गेल्या तीन दिवसांपासून ढगाळ वातावरण...
पालघर जिल्ह्यात पावसाने पिकांचे नुकसानवाडा, जि. पालघर  : तालुक्‍यात दोन दिवस...
खानदेशात पाऊस, वाऱ्यामुळे पूर्वहंगामी...जळगाव  ः जिल्ह्यासह नंदुरबार व धुळे...
कसमादे पट्टयात पावसामुळे कांदा पिकाला...देवळा, जि. नाशिक : येथील देवळा- चांदवडसह कसमादे...
नियमित कर्जदार शेतकऱ्यांच्या भावना...जळगाव : कर्जमाफीची प्रक्रिया शेतकऱ्यांसाठी राज्य...
सोलापूर जिल्ह्यातील भीमा, सीना...सोलापूर  ः पुणे जिल्ह्याकडून उजनी धरणाच्या...