किसान सेनेचे काट्यांवर बसून आंदोलन

बुलडाणा ः जिल्हाधिकारी कार्यालयासमोर मंगळवारी (ता. १०) कांट्यांवर बसून अांदोलन करताना किसान सेनेचे पदाधिकारी.
बुलडाणा ः जिल्हाधिकारी कार्यालयासमोर मंगळवारी (ता. १०) कांट्यांवर बसून अांदोलन करताना किसान सेनेचे पदाधिकारी.

बुलडाणा  ः शेतमालाला भाव मिळत नसल्याने शेतकऱ्यांच्या प्रश्नांना वाचा फोडण्यासाठी किसान सेनेच्या पुढाकाराने मंगळवारी (ता.१०) जिल्हाधिकारी कार्यालयासमोर काट्यांवर बसून अांदोलन करण्यात अाले. या संदर्भात शासनाने दखल न घेतल्यास मंत्रालयात शेतीमाल फेकण्याचा इशारा देण्यात अाला. याबाबत जिल्हाधिकाऱ्यांना दिलेल्या निवेदनात म्हटले की, शेतमालाला कवडीमोल भाव मिळत असल्याने शेतकरी हा मेटाकुटीला अाला अाहे. शेतकरी अापल्या शेतातील वांगे, टोमॅटो, कोबी काढून फेकत अाहे. गेल्या वर्षीच्या तुलनेत यंदाचे दर अत्यंत कमी अाहेत. तब्बल तिप्पट फरक अाहे. दुसरीकडे शासकीय खरेदी बंद अाहे.

शासकीय खरेदीपूर्वी किंवा त्यादरम्यान खासगी व्यापाऱ्यांना शेतमाल विकाल असेल तर अशा शेतकऱ्यांना हमीभाव व प्रत्यक्ष विकलेला दर यातील फरकाची रक्कम तत्काळ मिळावी. दूध, भाजीपाला, हरभरा, सोयाबीन, तुरीला अत्यंत कमी भाव अाहे. बुलडाणा जिल्ह्यात १३ पैकी चार केंद्र सुरू अाहेत. बारदाना व जागेअभावी खरेदी केंद्र बंद अाहेत, ते तत्काळ सुरू करावेत. हजारो शेतकऱ्यांच्या घरामध्ये शेतमाल पडून असून तत्काळ खरेदी केली जावी. बोंड अळीच्या नुकसान भरपाईपोटी जाहीर केलेली मदत शासनाकडून तातडीने मिळावी अादी मागण्या करण्यात अाल्या. 

शिवसेना जिल्हाप्रमुख जालिंदर बुधवंत यांच्या मार्गदर्शनात किसान सेना जिल्हा उपप्रमुख लखन गाडेकर, तालुकाप्रमुख अशोकराव गव्हाणे, प्रवीण निमकर्डे, राजेंद्र गायकवाड, अनिल जगताप, संजय गायकवाड, गजेंद्र दांदडे, शेषराव जगताप, सुमंत इंगळे यांच्यासह असंख्य कार्यकर्ते अांदोलनात सहभागी झाले होते.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com