पुणे ः लाळ्या खुरकूत लसींच्या पुरवठ्याच्या विलंबाबाबतच्‍या चाैकशीचे आदेश सरकारने दिले आहेत. सामान्य प्रशासन विभागाचे अपर मुख्य सचिव (सेवा) मुकेश खुल्लर यांची एक सदस्यीय समिती स्थापन करण्यात आली अाहे.
लाळ्या खुरकूत लसींच्या पुरवठा निविदा प्रक्रियेत दाेन कंपन्यांच्या दरांच्या वादामुळे पुरवठा रखडला आहे. परिणामी दाेन लसीकरण न झाल्यामुळे राज्यातील दीड काेटी पशुधनाचे आराेग्य धाेक्यात आले आहे. दरम्यान लस खरेदी करण्यासाठी प्रसिद्ध करण्यात आलेल्या निविदेतील अट क्रमांक १०(b) नेमकी तरतूद काय हाेती. त्या अनुषंगाने यशस्वी निविदाकारासाेबत करण्यात आलेल्या करारनाम्यातील अट क्रमांक ८ मध्ये अंतर्भूत करण्यात आलेली तरतूद काय, याची तपासणी करून करारनाम्यात फेरफार करण्यात आला की नाही किंवा केले असल्यास नेमके काेणते फेरफार करण्यात आले, याची चाैकशी करण्याचे आदेश देण्यात आले आहेत.
तसेच यामध्ये शासनाचे आर्थिक नुकसान झाले असल्यास त्याची व्याप्ती निश्‍चित करण्याच्यादेखील सूचना करण्यात आल्या आहेत. तर संबंधित अधिकारी, पुरवठादार कंपनीचा सहभाग, कंपनीचे आर्थिक हित जाेपासण्यासाठी कंपनीने केलेले प्रयत्न व त्यानुसार निदर्शनास आलेली कंपनीची भूमिका याबाबतदेखील चाैकशी करावी, असे आदेश देण्यात आले आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.