agriculture news in marathi, agrowon, fruit crop insurance prolem in sangli | Agrowon

शेतकऱ्यांच्या फळ पीकविमा रकमेबाबत गोंधळ कायम
अभिजित डाके
बुधवार, 13 सप्टेंबर 2017

सांगली : ‘पंतप्रधान पीकविमा योजने’अंतर्गत ‘हवामानावर आधारित फळ पीकविमा योजना २०१६’मध्ये जिल्ह्यातील ९३६६ शेतकऱ्यांनी ५० कोटी ६२ लाखांचा विमा उतरवला आहे. मात्र २०१६ मधील नुकसानभरपाईतील शेतकऱ्यांच्या यादीवरून विमा कंपनीचा घोळ सुरूच आहे. शेतकऱ्यांच्या १ कोटी ४७ लाख रुपयांची यादी पाठवली; मात्र शेतकऱ्यांना किती रक्कम द्यायची, याबाबत उल्लेख नसल्याने गोंधळ निर्माण झाला आहे. परिणामी, ही रक्कम बॅंकेत तशीच पडून आहे.

सांगली : ‘पंतप्रधान पीकविमा योजने’अंतर्गत ‘हवामानावर आधारित फळ पीकविमा योजना २०१६’मध्ये जिल्ह्यातील ९३६६ शेतकऱ्यांनी ५० कोटी ६२ लाखांचा विमा उतरवला आहे. मात्र २०१६ मधील नुकसानभरपाईतील शेतकऱ्यांच्या यादीवरून विमा कंपनीचा घोळ सुरूच आहे. शेतकऱ्यांच्या १ कोटी ४७ लाख रुपयांची यादी पाठवली; मात्र शेतकऱ्यांना किती रक्कम द्यायची, याबाबत उल्लेख नसल्याने गोंधळ निर्माण झाला आहे. परिणामी, ही रक्कम बॅंकेत तशीच पडून आहे.

जिल्ह्यात हवामानावर आधारित पंतप्रधान फळ पीकविमा योजना द्राक्ष, डाळिंब आणि आंबा या पिकांसाठी लागू आहे. या योजनेअंतर्गत ९३६६ शेतकऱ्यांनी ५० कोटी ६२ लाखांचा विमा उतरविला होता. त्यासाठी २ कोटी २४ लाख रुपये हप्ता भरला आहे. विम्याच्या नुकसानभरपाईपोटी १ कोटी ३२ लाख रुपये जिल्हा बॅंकेला काही महिन्यांपूर्वीच मिळाले आहेत. मात्र, यामध्ये लाभार्थींची संख्या व नावे बॅंकेला कंपनीने दिली नाही. यामुळे हा विमा शेतकऱ्यांना कसा देणार, असा प्रश्‍न जिल्हा बॅंकेला पडला आहे.

त्याचप्रमाणे ही माहिती मिळवण्यासाठी कंपनीला वारंवार संपर्क करूनदेखील त्याकडे दुर्लक्ष करत असल्याचे दिसते आहे; तसेच जिल्हा बॅंकेने याबाबत जिल्हा कृषी अधिकाऱ्यांनाही माहिती दिली आहे. मात्र कंपनीने लाभार्थी व त्यांची रक्कम यांची माहिती न दिल्याने ही रक्कम मागील तीन महिन्यांपासून बॅंकेत पडून राहिली होती.

विमा कंपनीकडून प्रलंबित असलेली शेतकऱ्यांची यादी पाठविली आहे; परंतु रक्कम १ कोटी ३२ लाख रुपये प्राप्त असताना १ कोटी ४७ लाख रुपयांची यादी पाठविण्यात आली आहे. शेतकऱ्यांची नावे प्राप्त झाली आहेत; परंतु प्रत्येक शेतकऱ्यास किती रक्कम अदा करायची, याबाबत माहिती देण्यात आलेली नाही. कंपनीकडे पीकविम्याच्या नुकसानभरपाईबाबत विचारणा केली असता कार्यवाही चालू असल्याचे सांगण्यात येते. गतवर्षीच्या विम्याची रक्कम मिळाली नसल्याने शेतकऱ्यांत नाराजी असून, शेतकऱ्यांना प्रत्यक्षात रक्कम कधी मिळणार, असा प्रश्न निर्माण झाला आहे.

पीकविमा भरल्यानंतर संपूर्ण जिल्ह्यातील लाभ घेतलेल्या शेतकऱ्यांची यादी व त्याची रक्कम याची माहिती कंपनीने जिल्हा बॅंकेला देणे बंधनकारक आहे. त्याशिवाय नुकसानभरपाई देणे शक्‍य नाही. जिल्हा बॅंकेने वारंवार माहिती मागविली आहे; पण कंपनी माहिती देण्यास टाळाटाळ करत आहे. यामुळे बॅंकेत पैसे असूनदेखील ते देता येत नाही.

इतर बातम्या
माजलगांवात उस आंदोलन पेटलेटायरची जाळपोळ, राष्ट्ीय महामार्ग अडविला शेतकरी...
वऱ्हाडात रब्बी पेरणी ६० टक्क्यांच्या...अकोला : वऱ्हाडातील तीनही जिल्ह्यांमध्ये या रब्बी...
'जेएनपीटी' पथकाकडून ड्रायपोर्टसाठी '...नाशिक : निफाड सहकारी साखर कारखान्याच्या जागेवर...
जलयुक्तमुळे साडेसात हजार 'टीसीएम'...नगर : जलयुक्त शिवार योजनेतून दोन वर्षांत केलेल्या...
पाणीपुरवठा समित्यांवर गुन्हे दाखल कराजळगाव : भारत निर्माण योजनेअंतर्गत राबविण्यात येत...
२०१८ अांतरराष्ट्रीय तृणधान्य वर्ष जाहीर... नवी दिल्ली ः बाजरी, ज्वारी, नाचणी या...
सौर कृषिपंप योजना गुंडाळली?केंद्र सरकारकडून अनुदान देण्यास हात वर मुंबई :...
बीटी कंपन्यांविरोधात तक्रारीस पोलिसांची...वर्धा : कायद्याच्या अखत्यारीत येत नसल्याचे कारण...
कारखान्यांवर साखर विक्रीसाठी दबाव नवी दिल्ली ः कारखान्यांवर साखर विक्रीचा दबाव,...
धोरणात्मक बदल न केल्यास दूध संघांचा संप...विस्कटलेल्या दूध धंद्याचे भरकटलेले धोरण : भाग ५...
सूक्ष्म सिंचन अनुदानाचे भिजत घोंगडेमुंबई : राज्यातील सूक्ष्म सिंचन योजनेच्या...
सोयाबीनची खरेदी खासगी बाजारांतही सुरू...मुंबई : ‘मागेल त्याला शेततळे’ योजनेत...
अण्णासाहेब पाटील महामंडळाच्या नवीन कर्ज...मुंबई : आर्थिक मागास समाजातील तरुणांना...
हरियानात भाजीपाल्यास मिळणार ‘एमएसपी’ नवी दिल्ली ः खरीप अाणि रब्बी हंगामांतील...
पाठिंब्यासाठी भाजपचे शिवसेना... मुंबई, प्रतिनिधी : येत्या ७ डिसेंबरला होणारी...
निलंबित अधिकाऱ्याकडून घोटाळ्याचे पुरावे...पुणे : लाचलुचपत प्रतिबंधक खात्याच्या...
जळगावात रब्बी पीककर्जासाठी बँकांचा हात...जळगाव : खरीप हंगामात जशी पीककर्जासाठी वणवण...
हवामान कोरडे, थंडी परतलीपुणे : राज्यावरील ढगांची रेलचेल कमी होताच,...
पंधरा वर्षे खड्डे पडणार नाहीत अशा...सोलापूर : ''किमान पंधरा वर्षे कोणत्याही प्रकारचे...
पुण्यात उद्या ठरणार ‘इथेनॉल’चे धोरणपुणे : पेट्रोल आणि डिझेलमध्ये इथेनॉल मिसळण्याचे...