agriculture news in Marathi, agrowon, The government does not have information about the debt waiver district wise | Agrowon

कर्जमाफीची जिल्हानिहाय माहिती शासनाकडे नाही
टीम अॅग्रोवन
बुधवार, 11 एप्रिल 2018

मुंबई  : छत्रपती शिवाजी महाराज शेतकरी सम्मान योजनेअंतर्गत राज्य सरकारने ४६.५२ लाख शेतकऱ्यांना १४,३८८ कोटी कर्जाचे वाटप केल्याची माहिती अधिकारात सरकारने स्पष्ट केले. मात्र या संदर्भातील जिल्हानिहाय माहिती शासनाकडे उपलब्ध नसल्याचीही कबुली दिली आहे. यामुळे एकूण कर्जवाटप प्रक्रियेवर प्रश्नचिन्ह निर्माण झाले आहे.

मुंबई  : छत्रपती शिवाजी महाराज शेतकरी सम्मान योजनेअंतर्गत राज्य सरकारने ४६.५२ लाख शेतकऱ्यांना १४,३८८ कोटी कर्जाचे वाटप केल्याची माहिती अधिकारात सरकारने स्पष्ट केले. मात्र या संदर्भातील जिल्हानिहाय माहिती शासनाकडे उपलब्ध नसल्याचीही कबुली दिली आहे. यामुळे एकूण कर्जवाटप प्रक्रियेवर प्रश्नचिन्ह निर्माण झाले आहे.

आरटीआय कार्यकर्ते अनिल गलगली यांनी राज्य सरकारकडे राज्यातील शेतकऱ्यांच्या कर्जाची माहिती मागितली होती. कर्जमाफीत एकूण शेतकऱ्यांची संख्या, एकूण मंजूर आणि नामंजूर अर्जाची संख्या, बँकेचे नाव, एकूण वाटप निधी याची जिल्हानिहाय माहिती त्यांनी शासनाकडे मागितली होती. यावर सहकार पणन व वस्त्रोद्योग विभागाचे जन माहिती अधिकारी दि. म. राणे यांनी एकूण बँकेत जमा केलेल्या निधीच्या रकमेबाबत जिल्हानिहाय माहिती शासन स्तरावर उपलब्ध नाही.

तसेच विदर्भातील गावनिहाय माहितीसुद्धा शासन स्तरावर उपलब्ध नसल्याचे कळवले आहे.
 शासनाने दिलेल्या माहितीनुसार छत्रपती शिवाजी महाराज शेतकरी सम्मान योजनेअंतर्गत  एकूण ३७ जिल्ह्यांतून ५६ लाख ५९ हजार १५९ अर्ज शासनाकडे प्राप्त झाले. यात सर्वाधिक अर्ज अहमदनगर जिल्ह्यातील आहेत. नगरमधील संख्या ३ लाख ३४ हजार ९२० इतकी आहे.

तसेच १ हजार ६२० मुंबई उपनगर आणि २३ हजार ७१५ मुंबई शहरातील अर्ज असल्याचे सांगण्यात आले आहे. त्यापैकी राष्ट्रीयीकृत बँकांतील १९ लाख ८८ हजार २३४ खात्यांवरील कर्जमाफीला शासनाने मान्यता दिली आहे. त्यापोटी ७ हजार ७६६ कोटी ५५ लाख १३ हजार ४४० रुपये इतकी रक्कम बँकेला दिली असून, राष्ट्रीयीकृत बँकांनी ७ हजार ५८९ कोटी ९८ लाख २० हजार ८५७ रुपये इतकी रक्कम लाभार्थी शेतकऱ्यांना वाटप केली आहे. 

जिल्हा बँकेतील २६ लाख ६४ हजार ५७६ खात्यांवरील कर्ज मंजूर झाले असून, त्यापोटी ६ हजार ७७० कोटी १८ लाख ८८ हजार ७७२ रुपये जिल्हा बँकांना वितरित करण्यात आले आहेत. त्यापैकी जिल्हा बँकांनी ६ हजार ७९७ कोटी ७४ लाख ७८ हजार २९२ रुपये इतकी रक्कम लाभार्थ्यांना वाटप केली आहे. ३३ राष्ट्रीयीकृत आणि ३० जिल्हा बँकांतील ४६ लाख ५२ हजार ८१० कर्जखाती शासनाने मंजूर केली आहेत. त्यासाठी १४ हजार ५३६ कोटी ७४ लाख २ हजार २१३ रुपये इतकी रक्कम बँकांना दिली असून, बँकांनी १४ हजार ३८७ कोटी ७२ लाख ९९ हजार १५० रुपये इतकी कर्जमाफीची रक्कम लाभार्थ्यांना वाटप केली आहे. 

मुंबई उपनगरातून लक्षणीय अर्ज
विशेष म्हणजे, सन २००८-०९ च्या कर्जमाफीप्रमाणे फडणवीस सरकारच्या कर्जमाफीसाठीसुद्धा मुंबई आणि उपनगरांतून कर्जमाफीसाठी अर्ज केलेल्या शेतकऱ्यांची संख्या लक्षणीय आहे. कर्जमाफीसाठी मुंबई उपनगरातून १ हजार ६२० आणि मुंबई शहरातील २३ हजार ७१५ जणांनी अर्ज केल्याचे सांगण्यात आले आहे.

इतर बातम्या
नाशिक तालुक्यात गारपिटीने द्राक्ष...नाशिक  : मागील आठवड्यात झालेल्या गारपिटीचा...
नत्र कमतरतेत मुळांच्या वाढीसाठी कार्यरत...जमिनीमध्ये नत्राची कमतरता असताना नत्राची पूर्तता...
जालना, औरंगाबाद, बीड, उस्मानाबादेत पाऊस...औरंगाबाद  : मराठवाड्यातील चार जिल्ह्यांतील...
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कोल्हापुरात कर्नाटकी बेंदूर उत्साहातकोल्हापूर : शहर व जिल्ह्यात मंगळवारी कर्नाटकी...
नाशिक जिल्ह्यात गोवर्धन गोवंश सेवा...नाशिक  : नाशिक जिल्ह्यातील आठ महसुली...
नांदेड, परभणी, हिंगोली : सहा लाखांवर...नांदेड : पंतप्रधान किसान सन्मान योजनेची व्याप्ती...
वाशीम जिल्ह्यात पंतप्रधानांच्या पत्राचे...वाशीम : आगामी पावसाळ्यात पावसाच्या पाण्याचे...
जलसंवर्धन कामांची राजू शेट्टींनी केली...बुलडाणा ः दुष्काळावर मात करण्यासाठी जलसंवर्धनाची...
सोलापुरात साडेबारा कोटी रुपयांची ६६...सोलापूर : लोकशाहीर अण्णा भाऊ साठे नागरी...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
विधिमंडळ प्रतोदपदी आमदार आकाश फुंडकर बुलडाणा ः जिल्ह्यातील खामगाव विधानसभा मतदारसंघाचे...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
राज्य अर्थसंकल्प : सर्वसमावेशक ‘निवडणूक...मुंबई : राज्यात मोसमी पाऊस लांबला असला तरी आगामी...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...