agriculture news in marathi, agrowon, grapes and pomegranate exibition in solapur | Agrowon

डाळिंब प्रक्रिया उद्योगासाठी शेतकरी गट, कंपन्यांना प्राधान्य
सुदर्शन सुतार
रविवार, 17 सप्टेंबर 2017
सोलापूर : सोलापूरच्या डाळिंबाला जीआय मानांकन मिळाले आहे. त्यामुळे डाळिंबाचे महत्त्व वाढले आहे. पण डाळिंबाच्या किमतीतील चढ-उतार पाहता, डाळिंबावर प्रक्रिया महत्त्वाची आहे. त्यासाठी शेतकरी गट आणि शेतकरी कंपन्यांनी पुढे यावे, त्यासाठी आवश्‍यक ती सगळी मदत पणन विभाग द्यायला तयार आहे, असे सहकार व पणनमंत्री सुभाष देशमुख यांनी शनिवारी (ता. १६) येथे सांगितले.

सोलापूरच्या दृष्टीने महत्त्वाच्या असलेल्या उजनीतील पाण्याच्या शुद्धीकरणासह उजनीच्या पाणी नियोजनावरही आपण योग्य ती कार्यवाही करू, असेही त्यांनी सांगितले.

सोलापूर : सोलापूरच्या डाळिंबाला जीआय मानांकन मिळाले आहे. त्यामुळे डाळिंबाचे महत्त्व वाढले आहे. पण डाळिंबाच्या किमतीतील चढ-उतार पाहता, डाळिंबावर प्रक्रिया महत्त्वाची आहे. त्यासाठी शेतकरी गट आणि शेतकरी कंपन्यांनी पुढे यावे, त्यासाठी आवश्‍यक ती सगळी मदत पणन विभाग द्यायला तयार आहे, असे सहकार व पणनमंत्री सुभाष देशमुख यांनी शनिवारी (ता. १६) येथे सांगितले.

सोलापूरच्या दृष्टीने महत्त्वाच्या असलेल्या उजनीतील पाण्याच्या शुद्धीकरणासह उजनीच्या पाणी नियोजनावरही आपण योग्य ती कार्यवाही करू, असेही त्यांनी सांगितले.

‘अॅग्रोवन’च्या वतीने आयोजित द्राक्ष-डाळिंब प्रदर्शनाला शनिवारी पणनमंत्री देशमुख यांनी भेट दिली. त्यावेळी ते बोलत होते. नाबार्डचे जिल्हा व्यवस्थापक प्रदीप झिले, प्रगतिशील शेतकरी रमेश कचरे, ‘सकाळ’चे सहयोगी संपादक अभय दिवाणजी, युनिट मॅनेजर किसन दाडगे आदी यावेळी उपस्थित होते. यावेळी मंत्री देशमुख यांनी प्रत्येक स्टॉलवर भेट देऊन प्रत्येक उत्पादनाची माहिती घेतली. ट्रॅक्‍टर, ब्लोअर, ड्रीप इरिगेशन यासारख्या उत्पादनातील नवीन तंत्रज्ञानाबाबतही आवर्जून विचारणा केली.
 
पणनमंत्री देशमुख म्हणाले, की शेतकरी हा केंद्रबिंदू ठेवून सरकार काम करते आहे. गेल्या वर्षी तुरीची उच्चांकी ७५ लाख टन खरेदी केली. यंदाही उडीद, मुगाला हमीभाव देणार आहोत, तसा प्रस्ताव केंद्र सरकारला दिला आहे. येत्या दोन दिवसांत त्याबाबतचा निर्णय होईल. पण तोपर्यंत शेतकऱ्यांनी त्याची विक्री न करता, थोडे दिवस थांबावे आणि तूर्तास शेतमाल तारण योजनेचा लाभ घ्यावा. नाशवंत शेतमालालाही भाव देण्यासह प्रक्रिया करण्याचे प्रयत्न सुरू आहेत. त्यासाठी समितीही नेमली आहे. 
 
प्रगतिशील शेतकरी कचरे म्हणाले, की दरवर्षी उजनी धरण शंभर टक्के भरते, पण काही दिवसातच ते पुन्हा मायनसमध्ये जाते. उजनीच्या पाण्याचे नियोजन झाल्यास कोणताही दुष्काळ आपल्याला झळ पोचवू शकणार नाही. 
 
सहयोगी संपादक श्री. दिवाणजी यांनी उजनीच्या पाण्याच्या नियोजनसह शुद्ध पाण्याचा मुद्दा उपस्थित केला. श्री. दिवाणजी म्हणाले, की उजनीचे पाणी खूपच खराब झाले आहे. सुमारे ५० लाख लोकसंख्येला या पाण्याचा पुरवठा होतो, याचा विचार करून त्याच्या शुद्धीकरणासह वाटपाचे नियोजन व्हावे.

उजनी धरणाच्या पाण्याच्या नियोजनासह त्याच्या वाटपावरही शासन स्तरावर योग्य तो निर्णय घेऊ. धरणातील पाण्याच्या प्रदूषणाचा विषय आहे. त्याबाबतही काय करता येईल हे पाहू, पण नदी आणि धरणातील पाण्याचे नियोजन होण्यासाठी भीमा-सीना नदीवर बॅरेजस उभारण्यासाठी प्रयत्न करू, असेही मंत्री देशमुख म्हणाले.

राज्य शासनाने शेतकऱ्यांसाठी छत्रपती शिवाजी महाराज शेतकरी कर्जमाफी सन्मान योजना आणली आहे. त्यासाठी मुदत वाढवली आहे. आणखी आठ दिवसांत राहिलेल्या शेतकऱ्यांनी तातडीने अर्ज भरावेत, पैसे जमा करण्यासाठी बॅंका आणि सहकार खात्याला त्यावर आणखी काम करायचे आहे, त्यामुळे तातडीने अर्ज भरावेत, कोणत्याही स्थितीत दिवाळीपूर्वी सगळे पैसे शेतकऱ्यांच्या खात्यांवर जमा होतील, असेही मंत्री देशमुख म्हणाले. 
 
यावेळी ‘अॅग्रोवन’चे जिल्हा प्रतिनिधी सुदर्शन सुतार यांनी सूत्रसंचालन केले. युनिट मॅनेजर किसन दाडगे यांनी आभार मानले. 

इतर ताज्या घडामोडी
शेतकऱ्याचा रोष पाहून सदाभाऊ खोत बसले...औरंगाबाद : कर्जमाफी अर्ज ऑनलाईन, बोंडअळी लागण...
ऊस दरासाठी सुकाणू समितीचे अगस्ती...अकोले : उसाला पहिली उचल ३५०० मिळावी, या मागणीसाठी...
कर्जमाफीच्या नावावर शेतकऱ्यांची पूर्णत...वर्धा : सरसकट कर्जमाफीच्या नावावर सरकारने...
साताऱ्यात २१७५ शेतकऱ्यांच्या खात्यांवर... सातारा : छत्रपती शिवाजी महाराज शेतकरी सन्मान...
सोलापुरात ऊसदराची बैठक पुन्हा फिसकटलीसोलापूर : ऊसदर ठरविण्यासंदर्भात जिल्हाधिकारी डॉ....
कृषिपंप बिल न भरण्यावर शेतकरी ठाम जळगाव  ः कृषिपंपांच्या थकीत वीज बिलातील...
'बोंडअळीग्रस्तांना ५० हजार भरपाई द्या'अकोला : जिल्ह्यासह संपूर्ण कापूस पट्ट्यात या...
बोंडअळीने नुकसाग्रस्त कापूस उत्पादकांना...यवतमाळ : बीटी कापसावर बोंडअळीचे आक्रमण झाल्याने...
कोपर्डी प्रकरणातील तिनही आरोपी दोषी नगर : कोपर्डी येथील शाळकरी मुलीवर अत्याचार व तिचा...
निर्यात सुविधा केंद्रासाठी पणनला १५ एकर...पुणे : महाराष्ट्रातून शेतमाल निर्यातीला अधिक...
सहकारमंत्र्यांच्या घरासमोर प्रहारचे...सोलापूर ः ऊसदराच्या प्रश्‍नाकडे गांधीगिरी करत...
सांगली जिल्ह्यातील गुऱ्हाळमालक आर्थिक... सांगली ः शिराळा तालुक्‍याची गूळ उत्पादक तालुका...
नाशिक महापालिकेसाठी 'गंगापूर'चे पाणी...नाशिक : नाशिक महापालिकेने केलेल्या वाढीव पाणी...
पीक अवशेषाची होणार खरेदी नवी दिल्ली ः पीक अवशेष शेतात जाळल्याने प्रदूषण...
नाशवंत भाजीपाला, फळे उपाययोजना समितीची...सोलापूर : राज्य शासनाने स्थापन केलेल्या नाशवंत...
शाश्वत शेतीसाठी पीक विविधतेसह... विशाखापट्टणम, अांध्र प्रदेश ः शेती क्षेत्राला...
संत्रा फळगळीच्या सर्वेक्षणाचे आदेशअमरावती : आंबीया बहारातील संत्र्याच्या फळगळतीमुळे...
रिमोट सेन्सिंग तंत्राने जंगलाचे...जंगली पर्यावरणातील उत्पादकता आणि स्थिरता ही...
नगदी पिकांच्या क्षेत्रवाढीतून...पुणे : ‘शेतकऱ्यांच्या उत्पन्नवाढीसाठी अन्नधान्य...
जलयुक्त शिवार अभियानामुळे ग्रामीण...सोलापूर : जलयुक्त शिवार अभियानामुळे ग्रामीण भागात...