Agriculture news in Marathi, Agrowon, grapes and pomegranate expo, Nashik | Agrowon

द्राक्ष-डाळिंब प्रदर्शनास उत्साहात प्रारंभ
ज्ञानेश उगले
शनिवार, 2 सप्टेंबर 2017

नाशिक : येथील राम सीता लॉन्स मध्ये ‘ॲग्रोवन’तर्फे आयोजित ‘द्राक्ष-डाळिंब प्रदर्शन २०१७’ला शुक्रवारी (ता.१) उत्साहात प्रारंभ झाला. यंत्रे, ट्रॅक्‍टर्स, खते, बियाणे, सिंचन, कीड नियंत्रण या शेतीतील विविध उत्पादनांच्या दालनांची रेलचेल असलेले हे प्रदर्शन रविवार (ता.३) पर्यंत चालणार आहे. शुक्रवारी सकाळपासून नाशिक जिल्ह्याच्या विविध भागातील शेतकऱ्यांचा ओघ सुरू झाला. सिन्नर तालुक्‍यातील कोनांबे येथील ज्येष्ठ शेतकरी शामराव कचरू डावरे यांच्यासह जोगलटेंभी (ता. सिन्नर) येथील बाळकृष्ण जगन्नाथ कमोद, रामदास पांडुरंग भास्कर यांच्या हस्ते प्रदर्शनाचे उदघाटन करण्यात आले. 

नाशिक : येथील राम सीता लॉन्स मध्ये ‘ॲग्रोवन’तर्फे आयोजित ‘द्राक्ष-डाळिंब प्रदर्शन २०१७’ला शुक्रवारी (ता.१) उत्साहात प्रारंभ झाला. यंत्रे, ट्रॅक्‍टर्स, खते, बियाणे, सिंचन, कीड नियंत्रण या शेतीतील विविध उत्पादनांच्या दालनांची रेलचेल असलेले हे प्रदर्शन रविवार (ता.३) पर्यंत चालणार आहे. शुक्रवारी सकाळपासून नाशिक जिल्ह्याच्या विविध भागातील शेतकऱ्यांचा ओघ सुरू झाला. सिन्नर तालुक्‍यातील कोनांबे येथील ज्येष्ठ शेतकरी शामराव कचरू डावरे यांच्यासह जोगलटेंभी (ता. सिन्नर) येथील बाळकृष्ण जगन्नाथ कमोद, रामदास पांडुरंग भास्कर यांच्या हस्ते प्रदर्शनाचे उदघाटन करण्यात आले. 

या वेळी विभागीय द्राक्ष व कांदा संशोधन केंद्राचे प्रभारी अधिकारी डॉ. जितेंद्र ढेमरे, गहू संशोधन केंद्र निफाडचे कवक शास्त्रज्ञ डॉ. बबनराव इल्हे, मृदशास्त्रज्ञ डॉ. अविनाश गोसावी, कीटकशास्त्रज्ञ डॉ. संजय पाटील, फिनोलेक्‍स कंपनीचे उपसरव्यवस्थापक संतोष तळेले, पिंगळे पब्लिसिटीचे मोतीराम पिंगळे उपस्थित होते.  

प्रात्यक्षिके ठरलीत आकर्षण 
अत्याधुनिक ट्रॅक्‍टर्ससह स्वयंचलीत यंत्राची प्रात्यक्षिके ही शेतकऱ्यांच्या आकर्षणाची केंद्रे ठरली. या शिवाय छोट्या आकारातील संयंत्रे, अवजारे, सूक्ष्म सिंचन, विद्राव्य खते, बियाणे, कृषी साहित्य प्रकाशने या विविध स्टॉलवरील उत्पादनांना पहिल्याच दिवसापासून शेतकऱ्यांचा प्रतिसाद मिळत आहे.

खूप उपयोगी ठरणारे प्रदर्शन 
सिन्नर तालुक्‍यातील कोनांबे येथून सकाळी लवकर प्रदर्शन पाहण्याच्या ओढीने आलेले ज्येष्ठ शेतकरी शामराव डावरे यांच्या हस्ते प्रदर्शनाचे उदघाटन झाले. श्री. डावरे म्हणाले, ‘‘दरवर्षी मी ‘ॲग्रोवन’च्या द्राक्ष डाळिंब प्रदर्शनास पहिल्याच दिवशी येतो. या प्रदर्शनातून मिळणारी तंत्रज्ञानाची माहिती प्रत्यक्ष शेतीत खूप उपयोगी ठरते. माझी ३५ एकर शेती असून त्यात द्राक्षे, कांदे, लसूण, ऊस, भात ही पिके घेतो. यंदा जास्त पावसाने शेतीचे नियोजन कोलमडले आहे. खते, किडनाशके, मजुरी या वरील उत्पादन खर्च वाढला आहे. हे आव्हान असले तरी तंत्रशुद्ध शेती केल्यास या आव्हानांवर मात करणे शक्‍य आहे. येत्या काळात शेतीत पीक बदल करावयाचा आहे. त्या उद्देशाने माहिती मिळविण्याच्या अपेक्षेने ‘ॲग्रोवन’च्या द्राक्ष डाळिंब प्रदर्शनास आलो आहे. इथे फार महत्त्वाची माहिती मिळाली.’’
 

इतर ताज्या घडामोडी
भाजीपाला सल्लाडिसेंबर महिन्यात थंडीचे प्रमाण वाढून दुसऱ्या...
सांगलीत गूळ प्रतिक्विंटल ३३०० ते ४४००...सांगली ः येथील बाजार समितीत गुळाची आवक कमी अधिक...
पंतप्रधान मोदी शेतकऱ्यांबाबत बोलत नाहीत...अहमदाबाद, गुजरात  ः गुजरातमधील विधानसभा...
भारतात भुईमूग उत्पादन सात दशलक्ष टनांवर नवी दिल्ली ः पीक क्षेत्रात झालेली वाढ अाणि...
नोकरीसाठीच नव्हे, तर शेतीसाठी कृषी...बुलडाणा : सध्या प्रत्येकाला नोकरी हवी आहे....
कपाशीचे पीक बोंडअळीच्या घशातकिनगाव ः कापूस राज्यातील दुसरे महत्त्वाचे...
डॉ. तनपुरे कारखान्याचे माजी अध्यक्ष... राहुरी, जि. नगर : डॉ. तनपुरे सहकारी साखर...
शरद पवारांकडून ३२ वर्षांनंतर मोर्चाचे...नागपूर : काँग्रेस आणि राष्ट्रवादी काँग्रेसकडून आज...
विधान भवनावर विरोधकांचा आज हल्लाबोल...नागपूर : शेतकरी कर्जमाफी, बोंड अळीमुळे कपाशीचे...
पुणे जिल्ह्यातील धरणांत १४३ टीएमसी...पुणे : यंदा पुणे जिल्ह्यातील पश्चिम पट्ट्यात...
हरभरा क्षेत्रात ९७ हजार हेक्टरने वाढ परभणी : खरिपातील सोयाबीन, कापूस या प्रमुख नगदी...
शेतकरी आत्महत्येला जबाबदार मंत्र्यांवर...मानोरा, जि. वाशीम ः सोयजना येथील शेतकरी...
नाशिक जिल्ह्यातील टोमॅटो हंगाम अंतिम...नाशिक : दसऱ्यापासून सुरू झालेला नाशिक भागातील...
नागपुरात सोयाबीन २८५० ते २९५० रुपयेनागपूर ः पंधरवाड्यापूर्वी २३०० ते २५०० रुपये क्‍...
कोल्हापुरात गवार, मटार तेजीतकोल्हापूर: येथील कृषी उत्पन्न बाजार समितीत या...
धुळे जिल्ह्यात कापसाचे उत्पादन दीड...धुळे ः गुलाबी बोंडअळीचा उद्रेक, सिंचनासाठी...
अमरावतीत बोंडअळीमुळे कपाशीत ५१...अमरावती ः या वर्षीच्या हंगामात जिल्ह्यात एक लाख ३...
खासदार सुप्रिया सुळे यांना नागपुरात अटक...नागपूर : राज्यातील झोपी गेलेल्या सरकारला जागे...
देशातील रब्बी पेरणी माघारलीनवी दिल्ली  : देशभरात शुक्रवारअखेर (ता. ८)...
कुपोषण, प्रथिने जागृतीकडे लक्ष...पुणे : भारतात प्रथिनांच्या कमततेअभावी होणाऱ्या...