हिंगोलीत हळद काढणीचे दर वाढले

येळी-केळी, जि. हिंगोली ः शिवारात हळद काढणी सुरू आहे. हळद शिजविण्यासाठी कुकरचा वापर केला जात आहे. (छायाचित्र ः रमेश सांगळे, गोजेगाव)
येळी-केळी, जि. हिंगोली ः शिवारात हळद काढणी सुरू आहे. हळद शिजविण्यासाठी कुकरचा वापर केला जात आहे. (छायाचित्र ः रमेश सांगळे, गोजेगाव)

हिंगोली : अनियमित, अपुऱ्या पावसाचा जिल्ह्यातील हळद उत्पादनावर परिणाम झाला आहे. अनेक भागांत हळद उत्पादनात घट येत आहे. उत्पादन खर्च वाढल्यामुळे हळद उत्पादक शेतकऱ्यांना तोटा सहन करावा लागत आहे.

सर्वच तालुक्यांत हळदीच्या वाढीच्या अवस्थेत पडलेला पावसाच्या खंडामुळे तसेच सिंचनासाठी पाणी कमी पडल्यामुळे हळद उत्पादनात घट येत आहे. जिल्ह्यात हळद काढणी हंगाम सुरू आहे. सरंक्षित सिंचनाची सुविधा असलेल्या काही भागांत दरवर्षीप्रमाणे सरासरी हळदीचे उत्पादन मिळत आहे. परंतु गतवर्षीच्या तुलनेत एकरी हळद काढणीच्या दरात १५०० ते ३००० रुपयांची वाढ झाल्यामुळे शेतकऱ्यांना दुहेरी फटका सहन करावा लागत आहे. 

यंदा हळद काढणीसाठी एकरी ७५०० ते १०,००० रुपयांपर्यंत मजुरी घेतली जात आहे. सद्यःस्थितीत हळदीचे दर ५२०० ते ७६०० रुपये प्रतिक्विंटल आहेत. येत्या काळात ते स्थिर राहतील की नाही याची शाश्वती नाही. यंदा एकंदरीत उत्पादन खर्च वाढल्यामुळे हळद उत्पादकांचा तोटा वाढला आहे.

उत्पादन सरासरी एवढे मिळत आहे. परंतु काढणीचा खर्च वाढल्यामुळे तोटा वाढत चालला आहे, असे तेलगाव (ता. वसमत) येथील शेतकरी बाळासाहेब राऊत यांनी सांगितले. कमी पावसामुळे हळदीच्या उत्पादनात घट आली आहे. एकरी ५० हजार रुपये खर्च झाला आहे, असे केळी (ता. औंढा) येथील शेतकरी अनंतराव कावरे यांनी सांगितले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com