agriculture news in marathi, agrowon, high temperature affect banana planting, jalgaon | Agrowon

जळगाव जिल्ह्यात तापमानवाढीमुळे केळी लागवड लांबली
चंद्रकांत जाधव
सोमवार, 2 ऑक्टोबर 2017

सध्या केळी लागवडीला उष्णता व आर्द्रता असे प्रतिकूल वातावरण बाधा पोचवित आहे. परंतु दिवाळीपूर्वी लागवड सुरू होईल. 
- नरेश नवाल, केळी उत्पादक, नांद्रा बुद्रुक (ता. जळगाव)

जळगाव ः जिल्ह्यात कांदेबाग केळी लागवड काही भागांत झाली असली तरी चोपडा, जळगाव भागांत कांदेबाग लागवडीला अद्याप सुरवात झालेली नाही. अर्थातच सध्या उष्ण व आर्द्रतायुक्त वातावरण असल्याने शेतकऱ्यांनी कांदेबाग लागवड टाळणे पसंत केले आहे. 

दिवाळीपूर्वी लागवड करण्याचे नियोजन अनेक शेतकऱ्यांनी केल्याचे चित्र आहे. जिल्ह्यात चोपडा व जळगाव तालुक्‍यांत सर्वाधिक कांदेबागांची लागवड केली जाते. यावल, रावेर व मुक्ताईनगर तालुक्‍यांत फारशी कांदेबाग लागवड केली जात नाही. यावल, रावेरात फेब्रुवारी, मार्च, एप्रिल, मे व जून महिन्यांत केळीची लागवड केली जाते. 

चोपडा, जळगाव भागांत जवळपास चार हजार हेक्‍टरवर कांदेबागांची लागवड केली जाते. त्यासाठी कंदांना पसंती दिली जाते. ही लागवड दरवर्षी सप्टेंबरच्या मध्यापासून सुरू होते. परंतु यंदा हवा तसा पाऊस सप्टेंबरमध्ये झाला नाही. यासोबतच उष्णता अधिक आहे. खेळती हवा नाही. त्यामुळे केळीची लागवड केली तरी तिच्या अंकुरणाला बाधा पोचू शकते, अशी स्थिती आहे. 

कंद सडण्याची भीती
उष्णतेसह प्रतिकूल वातावरणात कंदांचे अंकुरण व्यवस्थित होत नाही, यातच खोड सडण्याची शक्‍यताही असते. त्यामुळे नांग्याही अधिक भराव्या लागतात. नांग्या अधिक भराव्या लागल्या तर पुढे केळी एकाच वेळी निसवत नाही. बाग कापणीस उशीर होतो, असे केळी उत्पादक शेतकरी सत्त्वशील पाटील (कठोरा, जि. जळगाव) यांनी सांगितले.

सध्या केळीची लागवड शेतकरी टाळत असले, तरी वाफसा चांगला असल्याने शेतांची नांगरणी, शेत भुसभुशीत करणे आदी कामे शेतकरी उरकून घेत आहेत. काही शेतकऱ्यांनी तर लागवडीसाठी सऱ्यादेखील पाडून घेतल्या आहेत. 

पाचोरा, तोंडापूरच्या कंदांना पसंती
पाचोरा, कजगाव (ता. भडगाव) येथील नवती केळी बागांची कापणी अंतिम टप्प्यात आहे. यासोबतच तोंडापूर (ता. जामनेर) येथील नवती केळी बागांमध्येही कंद उपलब्ध होऊ लागले आहेत. तापीकाठावरील गावांमध्ये तोंडापूर, कजगाव येथील केळीचे कंद चांगले अंकुरतात व पुढे बहरतात, असे शेतकरी मानतात.

त्यामुळे पाचोरा, जामनेर भागांत कंद काढण्यासंबंधी जळगाव, चोपडा भागांतील शेतकऱ्यांनी नोंदणी करून घेतली आहे. त्यासाठी आगाऊ बेणे कंद खोदणाऱ्या मजुरांना दिले जात असल्याची माहिती आहे. काही शेतकऱ्यांनी तर कंद आपल्या शेतात आणून ते केळीची कोरडी पाने, गोणपाटाने झाकून ठेवली आहेत. 

इतर अॅग्रो विशेष
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...
वाढते नैसर्गिक आणि सामाजिक प्रदूषणकाळानुसार निसर्गामध्ये खूप बदल होत आहे. सर्व ऋतूत...
लढा स्वतंत्र अस्तित्वाचा अस्सल हापूस कोणाचा हा गुंता मागील अनेक...
नांदेड जिल्ह्यात मुगाची उत्पादकता...नांदेड ः यंदा नांदेड जिल्ह्यातील १४ तालुक्यांतील...
संतप्त शेतकऱ्यांनी हवामान विभागाला...पुणे : हवामान विभागाचा अंदाज चुकीचा...
जलयुक्त शिवार, शेततळ्यांमुळे संरक्षित...अमरावती   : जिल्ह्यात शेततळी, जलयुक्त शिवार...
तिसगाव उपबाजारात चाऱ्यासाठी उसाला...तिसगाव, जि. नगर  : पाथर्डी तालुक्‍यात...
तुझे आहे तुजपाशी जगाच्या सरासरीच्या दीडपट पाऊस भारतात पडतो तरी...
सूक्ष्म सिंचनात अडचणी मोठ्या राज्यात पाण्याचे दुर्भिक्ष...
भातशेती वाचविण्यासाठी शेतकऱ्यांची धडपडनगर ः ‘पोळ्यापासून पाऊस नाही. पोळ्याला गेला तरी...
ठिबकचा तिढा सुटला, नोंदणीला होणार सुरवातनागपूर  ः ठिबक संदर्भातील नोंदणीवर वितरकांनी...