agriculture news in Marathi, agrowon, Historic sugarcane production in the state | Agrowon

राज्यात उसाचे ऐतिहासिक गाळप
टीम अॅग्रोवन
बुधवार, 18 एप्रिल 2018

पुणे : राज्यात यंदा उसाचे ऐतिहासिक गाळप होत असून, आतापर्यंत ९३६ लाख टन उसाचे गाळप करण्यात राज्यातील साखर कारखान्यांना यश आले आहे. अजूनही ५० साखर कारखाने सुरू असून, आतापर्यंत १०५ लाख टन साखर तयार झालेली आहे.

राज्यातील ऊस उत्पादक शेतकरी व साखर कारखानदारीला या विक्रमी गाळपाचे श्रेय जाते. गेल्या हंगामात ऑगस्ट व सप्टेंबरमध्ये झालेल्या पावसामुळे उसाची उत्पादकता वाढण्याची शक्यता होती. गेल्या हंगामात उसाची उत्पादकता प्रतिहेक्टरी ६५ टन होती. यंदा उत्पादकता ८० टन राहण्याचा अंदाज वर्तविण्यात आला. मात्र, प्रत्यक्षात राज्यात यंदा उसाची उत्पादकता हेक्टरी १०० टन आली आहे.

पुणे : राज्यात यंदा उसाचे ऐतिहासिक गाळप होत असून, आतापर्यंत ९३६ लाख टन उसाचे गाळप करण्यात राज्यातील साखर कारखान्यांना यश आले आहे. अजूनही ५० साखर कारखाने सुरू असून, आतापर्यंत १०५ लाख टन साखर तयार झालेली आहे.

राज्यातील ऊस उत्पादक शेतकरी व साखर कारखानदारीला या विक्रमी गाळपाचे श्रेय जाते. गेल्या हंगामात ऑगस्ट व सप्टेंबरमध्ये झालेल्या पावसामुळे उसाची उत्पादकता वाढण्याची शक्यता होती. गेल्या हंगामात उसाची उत्पादकता प्रतिहेक्टरी ६५ टन होती. यंदा उत्पादकता ८० टन राहण्याचा अंदाज वर्तविण्यात आला. मात्र, प्रत्यक्षात राज्यात यंदा उसाची उत्पादकता हेक्टरी १०० टन आली आहे.

"भरपूर ऊस उपलब्ध असतानाही राज्यातील साखर कारखान्यांनी चांगले नियोजन केलेले आहे. अजून तरी कोणत्याही भागात तोडीअभावी ऊस जळाल्याची तक्रार आलेली नाही. यंदा १८७ साखर कारखाने वेगाने गाळप करीत आहेत. काही जिल्ह्यात यंदा एप्रिलअखेरपर्यंत गाळप सुरू राहणार असून यामुळे राज्याचे साखर उत्पादन आधीच्या अंदाजापेक्षा २७ लाख टनाने वाढण्याची शक्यता आहे," अशी माहिती सहकार विभागाच्या सूत्रांनी दिली.

उसाचे गाळप आतापर्यंत ९३६ लाख टनांच्या पुढे गेले आहे. गेल्या हंगामात याच कालावधीत गाळप केवळ ३३७ लाख टन होते. राज्यात अजून १५ लाख टनाच्या पुढे ऊस शिल्लक असण्याची शक्यता आहे. त्यामुळे काही भागांतील कारखाने मे महिन्यातदेखील सुरू राहण्याची चिन्हे आहेत.

"राज्यात यंदा १८७ साखर कारखान्यांनी गाळपासाठी शासनाकडून परवानगी घेतली होती. त्यातील १३७ साखर कारखाने आतापर्यंत गाळप आटोपून बंद झालेले आहेत. राज्यात शिल्लक ऊस असला तरी ५० साखर कारखानेदेखील अजून सुरू आहेत. त्यामुळे उर्वरित उसाचे गाळप पुढील महिनाभरात पूर्ण होईल," असे साखर आयुक्तालयातील सूत्रांचे म्हणणे आहे.

राज्यात आतापर्यंत ९३६ लाख ६५ हजार टन उसाचे गाळप करून एकूण १०४ लाख ९७ टन साखर तयार झाली आहे. राज्याचा साखर उतारा सध्या सरासरी ११.२६ टक्के येतो आहे. गेल्या हंगामात याच कालावधीत १५० कारखान्यांनी अवघा ३७३ लाख १३ हजार टन उसाचे गाळप करून ४२ लाख टन साखर तयार केली होती.

गाळपासाठी यंदा १०१ सहकारी आणि ८६ खासगी कारखान्यांनी शेतकऱ्यांकडून ऊस खरेदी केला. गेल्या हंगामात सहकारात ८८ तर ६२ खासगी साखर कारखान्यांनी गाळप केले होते. खासगी आणि सहकारी अशा दोन्ही पातळ्यांवर कारखानदारीचा विकास होत असल्याचे दिसून येते.

"शेतकऱ्यांपुढे अनेक समस्या असल्या तरी साखर कारखाने, कृषी विभाग आणि साखर आयुक्तालयाचे चांगले नियोजन, पावसाने दिलेली साथ आणि शेतकऱ्यांच्या कष्टामुळे यंदा राज्यात १०७ लाख टन साखर तयार होण्याची शक्यता आहे. यामुळे साखर उत्पादनाचा चार वर्षांपूर्वीचा विक्रम यंदा तुटणार आहे."
- दत्तात्रय गायकवाड, साखर सहसंचालक, साखर आयुक्तालय, पुणे

राज्यातील उसाची विभागनिहाय गाळप स्थिती

विभाग कारखाने गाळलेला ऊस साखर उत्पादन उतारा
कोल्हापूर ३७ २१२.६ २६३.६१ १२.४३
पुणे ६१ ३६८.०२ ४०९.४० ११.१२
नगर २७ १४१.०५ १५३.५६ १०.८९
औरंगाबाद २४ ८५.९५ ८५.३८ ९.९३
नांदेड ३२ ११६.३१ १२३.६८ १०.६३
अमरावती ५.५३ ५.९६ १०.७७
नागपूर ७.७३ ८.१६ १०.५६

- उतारा टक्क्यांमध्ये आहे.
- ऊस गाळपाचा आकडा लाख टनात असून, साखर उत्पादनाचा आकडा लाख क्विंटलमध्ये आहे.

 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...