मंत्रिमंडळात परतण्याची माझीच इच्छा नाही

संग्रहित छायाचित्र
संग्रहित छायाचित्र

मुंबई : माझ्या अडचणीच्या काळात पक्ष माझ्या मागे खंबीरपणे उभा राहिला आहे. भाजपचा त्याग करणे हे माझ्या स्वप्नातही येऊ शकत नाही. मी कदापि भाजप सोडणार नाही आणि मला या मंत्रिमंडळात परतण्याची इच्छा नसल्याचे, ज्येष्ठ नेते आणि माजी मंत्री एकनाथ खडसे यांनी म्हटले आहे.  

खडसे यांनी गेल्या चार वर्षांत ज्या काही घडामोडी घडल्या त्यावर अतिशय मोकळेपणाने ‘पीटीआय’शी संवाद साधला. भोसरी जमीन प्रकरणात निर्दोष मुक्तता झाल्याने खडसे पुन्हा मंत्रिमंडळात परणार याची चर्चा गेल्या काही दिवसांपासून सुरू आहे. मात्र, खडसे यांनीच तशी शक्‍यता फेटाळून लावली. भोसरी प्रकरण, दाऊद प्रकरण आदी मुद्द्यांना स्पर्श करतानाच ते म्हणाले, ‘‘एक वर्षाने राज्यात विधानसभेची निवडणूक आहे, तसेच स्थानिक निवडणुकाही होत आहेत, त्यामुळे मला त्यादृष्टीने तयारी करायची आहे, त्यामुळे मला आता मंत्रिमंडळात परण्याची कोणतीही इच्छा नाही.’’ खूप काम करायचे असल्याचे श्री. खडसे म्हणाले. 

भोसरी प्रकणात क्‍लीनचीट मिळाल्यानंतर त्यांच्या गुडघ्यावर मुंबईत शस्त्रक्रियाही झाली आहे. माझी निर्दोष सुटका झाल्याने मला आनंद झाला आहे, असे सांगून ते म्हणाले, ‘‘ज्यांनी आरोप केला ते आता उघड्यावर पडले आहेत.भविष्यात कोणते राजकारण आपण करणार आहात याकडे लक्ष वेधले असता ते म्हणाले, ‘‘सर्वच पक्षांतील नेत्यांशी माझे अतिशय चांगले संबंध आहेत. अनेक पक्षांत माझे जिवलग मित्र असले तरी मी भाजपचा आहे आणि भाजपचाच राहीन. पक्ष सोडण्याबाबत माझ्या मनात कोणताही विचार नाही. मी पक्षाचा एक निष्ठावंत कार्यकर्ता आहे. भाजपने मला भरपूर दिले आहे. पक्षामुळेच मी घडलो आहे.’’ 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com