agriculture news in Marathi, agrowon, The intense heat shock of open poultry | Agrowon

खुल्या कुक्कुटपालनाला उन्हाच्या तीव्रतेचा फटका
टीम अॅग्रोवन
शनिवार, 5 मे 2018

नगर  ः नगर जिल्ह्यामध्ये उन्हाची तीव्रता वाढली आहे. त्याचा फटका खुल्या गावरान कोंबडीपालनाला बसत आहे. उन्हाच्या तीव्रतेने कोंबड्या दगावू लागल्या आहेत. मिळालेल्या माहितीनुसार आतापर्यंत नगर जिल्ह्यामध्ये तीनशेवर कोंबड्या दगावल्या आहेत. मानमोडी (राणीखेत डिसीज) रोगाचा प्रादुर्भाव होत असल्याचे दिसून येत आहे. उन्हाची तीव्रता असलेल्या तालुक्‍यात हे प्रमाण अधिक आहे. 

नगर  ः नगर जिल्ह्यामध्ये उन्हाची तीव्रता वाढली आहे. त्याचा फटका खुल्या गावरान कोंबडीपालनाला बसत आहे. उन्हाच्या तीव्रतेने कोंबड्या दगावू लागल्या आहेत. मिळालेल्या माहितीनुसार आतापर्यंत नगर जिल्ह्यामध्ये तीनशेवर कोंबड्या दगावल्या आहेत. मानमोडी (राणीखेत डिसीज) रोगाचा प्रादुर्भाव होत असल्याचे दिसून येत आहे. उन्हाची तीव्रता असलेल्या तालुक्‍यात हे प्रमाण अधिक आहे. 

नगर जिल्ह्यात कुक्कुटपालनासाठी शेतकऱ्यांनी आपापले शेड उभारले आहेत. त्याचे व्यवस्थापन करताना त्यातील तापमान नियंत्रित करण्याची यंत्रणाही बसवलेली असते. असे असले तरी खुले गावरान कोंबडीपालनही मोठ्या प्रमाणात केले जाते. गावरान कोंबडीला मागणीही अधिक असते. बहुतांश कुटुंबे आपल्या कौटुंबिक खर्चाला हातभार लागावा यासाठी आपल्या परस दारात, शेतात, घराच्या अंगणात मोठ्या प्रमाणात गावरान कोंबड्या पाळण्याचा व्यवसाय करतात. त्यातून मिळणाऱ्या अंडी, मांस यापासून कुटुंबाचा घरखर्च भागवता येतो. 

यंदा खुल्या गावरान कोंबडी पालनाला मात्र तीव्र उष्णतेचा फटका बसत आहे. या वर्षी जिल्हाभरात तापमान ४२ अंशांच्या पुढे जात आहे. खुल्या कोंबडी पालनात तापमान नियंत्रणाची सुविधा नसते. त्यामुळे उन्हाचा फटका गावरान कोंबड्यांना बसला आहे. मिळालेल्या माहितीनुसार जिल्हाभरात आतापर्यंत केवळ उन्हाची तीव्रता सहन न झाल्याने जवळपास तीनशेवर कोंबड्या मरण पावल्या आहेत. काही भागात मानमोडीसारख्या रोगाचाही फैलाव होत आहे. त्याच्या परिणामामुळे कोंबड्या व त्यांची पिले दगावत आहेत. त्यामुळे यंदा उन्हाचा गंभीर परिणाम खुल्या कुक्कुटपालनावर होताना दिसत आहे. 

उन्हाळ्यात गावरान कोंबड्यांना मानमोडी रोगाचा प्रादुर्भाव होतो. मानमोडी हा कोंबड्यांना होणारा रोग हवेच्या माध्यमातून जलद गतीने फैलावतो. या वर्षी तापमानात वाढ झाल्याने गावरान कोंबड्या दगावण्याचे प्रमाण वाढले आहे. आपल्याजवळील पशू आरोग्य केंद्रातून या कोंबड्यांना आर. डी. व लासोटा या लसी टोचून घ्याव्यात. कोंबड्यांची राहण्याची जागा, खुराडी रोज स्वच्छ करावीत.
- डॉ. वसंत गारुडकर, 
पशुवैद्यकीय अधिकारी तथा प्रभारी गटविकास अधिकारी, नगर  

लासोटा बूस्टर लसीकरण करणे गरजे आहे. वातावरण बदल, पक्ष्यांना इलेक्‍ट्रोलाइट पावडर व व्हिटॅमीन सी पाण्यातून दिले पाहिजे. चार वेळा थंड पाणी पाजणे आणि ते पिण्याचे पाणी सतत बदलणे गरजेचे आहे. शिवाय कोंबड्या थांबवण्यासाठी थंडावा देणारी सावलीही असणे महत्त्वाचे आहे.
- संतोष कानडे, 
गावरान कोंबडीचे अभ्यासक, नगर

इतर ताज्या घडामोडी
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...
कापूस लागवड न करणाऱ्यांना मिळाली मदत;...जळगाव  ः जिल्ह्यात मागील हंगामात बोंड...
पुणे विभागात रब्बीची १८ टक्क्यांवर पेरणीपुणे  ः परतीचा पाऊस न झाल्याने जमिनीत पुरेशी...
अकोला जिल्ह्यात १७०० शेततळी पूर्णअकोला   ः शासनाच्या मागेल त्याला शेततळे...