agriculture news in marathi, agrowon, Jagger season prolonged due to rain, kolapur district | Agrowon

पावसामुळे कोल्हापूरातील गूळ हंगाम लांबणीवर
राजकुमार चौगुले
शुक्रवार, 29 सप्टेंबर 2017

दररोज पाऊस पडत असल्याने जळण ओले होण्याची शक्‍यता असल्याने बहुतांशी गुऱ्हाळमालकांनी गुऱ्हाळ सुरू करण्याचे धाडस केले नाही. 

कोल्हापूर : गेल्या दहा ते बारा दिवसांपासून जिल्ह्यात दररोज पडणाऱ्या जोरदार पावसामुळे गूळ हंगामा लांबण्याची शक्‍यता आहे. दररोजच्या पावसाने गुऱ्हाळ सुरू करण्यबाबत कोणतीच हालचाल करता येत नसल्याने गुऱ्हाळघरमालक पावसाच्या उघडिपीच्या प्रतीक्षेत आहेत. दररोज पाऊस पडत असल्याने जळण ओले होण्याची शक्‍यता असल्याने बहुतांशी गुऱ्हाळमालकांनी गुऱ्हाळ सुरू करण्याचे धाडस केले नाही. 

जिल्ह्याचा गूळ हंगाम तोंडावर आला आहे. दरवर्षी दसऱ्याच्या मुहूर्तावर जिल्ह्यातील अनेक गूळ उत्पादक शेतकरी गुऱ्हाळ सुरू करतात. मुहूर्ताच्या सौद्याला दरही चांगले मिळत असल्याने गूळ लवकरात लवकर तयार करून बाजारपेठेत पाठविण्याचा प्रयत्न असतो.

गणेशोत्वसव झाला की गुऱ्हाळघरांची तयारीही वेगात सुरू होते. पंधरवड्यापूर्वी काही दिवस वातावरण चांगले होते. पाऊस नसल्याने गूळ उत्पाकांनी गुऱ्हाळ सुरू करण्यासाठी तयारी सुरू केली होती. परंतु दररोज दुपारनंतर पडणाऱ्या पावसाने या तयारीला ब्रेक लावला आहे. दिवसभर कडक ऊन जरी असले, तरी एक दोन तास मुसळधार पाऊस पडत असल्याने सर्वच शेतकामे करणे अडचणीचे झाले आहे. याचा फटका गूळ उद्योगालाही बसत असलचे गूळ उद्योगातील सूत्रांनी सांगितले. 

गुऱ्हाळ सुरू करण्यासाठी शक्‍यतो कोरडे हवामान लागते. उसाची वाहतूक, जळणाची सुरक्षितता व तयार झालेल्या गुळासाठी हे हवामान चांगले असते. परंतु गेल्या काही दिवसांपासून संततधार नसला, तरी दररोज काही काळ तरी जोरदार पाऊस होत असल्याने यामुळे गुऱ्हाळघराची यंत्रणाच ठप्प झाली आहे. जोपर्यंत सलगपणे कडक ऊन पडणार नाही तोपर्यंत गुऱ्हाळघरे सुरू करणे अशक्‍य असल्याचे गुऱ्हाळघरचालकांनी सांगितले.

कामगारांची जुळवाजुळव झाली असली, तरी पाऊस थांबल्याशिवाय काहीच करू शकत नसल्याने कामगारांनाही अद्याप बोलावले नसल्याचे गूळ उत्पादक शेतकऱ्यांनी सांगितले. यातच वाफसाही नसल्याने उसाची वाहतूक करणेही अडचणीचे झाले असल्याने काही दिवस तरी गूळनिर्मिती करणे अशक्‍य असल्याचा अंदाज गूळ उद्योगातून व्यक्त होत आहे. 

बाजार समितीतही आवक नाही 
येथील बाजार समितीत या परिसरातून गुळाची आवकही जवळ जवळ थांबल्याचे बाजार समितीचे सचिव दिलीप राऊत यांनी सांगितले. कर्नाटकातून सप्ताहातून एक ते दोन दिवस गुळाची आवक होत आहे. त्याचाच सौदा काढण्यात येत आहे. अजून कोल्हापूर जिल्ह्याच्या गूळ पट्ट्यातून गुळाची आवक होत नाही. पावसामुळे आवक लांबत असल्याचे श्री. राऊत यांनी सांगितले.

इतर अॅग्रो विशेष
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
चीनमधील शेतीची विस्मयकारक प्रगतीविसाव्या शतकाच्या मध्यावर भारताला स्वातंत्र्य...
सेस, सेवाशुल्क आणि संभ्रमप्रक्रियायुक्त शेतमाल, फळे-भाजीपाला आणि शेवटी...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...
स्मार्ट शेती भाजीपाल्याची वर्षभरातील तीन हंगामांत मिरची, त्यातून...
मातीला गंध पुदीन्याचा....सांगली जिल्ह्यात मिरज शहराजवळील मुल्ला मळ्यात...
साखरेच्या विक्री दरात क्विंटलला २००...नवी दिल्ली : साखर विक्रीचा दर २९०० वरून ३१००...
काश्मिरात दहशतवादी हल्ल्यात 'सीआरपीएफ'...श्रीनगर- जम्मू-काश्‍मीरच्या पुलवामा जिल्ह्यात "...
एक रुपयाची लाच घेतल्यास भ्रष्ट...पुणे : कृषी आयुक्तालयाच्या गुण नियंत्रण विभागात...
सांगलीत दुष्काळाच्या तीव्रतेत वाढसांगली : जिल्ह्यात दिवसेंदिवस दुष्काळाची...
खिलते है गुल यहाॅं... येळसेच्या गुलाब...पुणे जिल्ह्यातील वडगाव मावळ तालुका हा भाताचे आगार...
शेती-पाणी धोरणात हवा अामूलाग्र बदलयंदा महाराष्ट्रात नोव्हेंबर महिन्यातच अभूतपूर्व ‘...
फूल गुलाब का...व्हॅ लेंटाइन डे हा फूल उत्पादक तसेच...
`पॉलिहाउस, शेडनेटधारकांना कर्जमुक्ती...नगर : सरकारची धरसोडीची धोरणे, दुष्काळ,...