agriculture news in marathi, Agrowon, Jalgaon agriculture market commitee | Agrowon

जळगाव बाजार समितीत लिलाव प्रक्रियेला अडतदारांचा खोडा
चंद्रकांत जाधव
मंगळवार, 12 सप्टेंबर 2017

जळगाव  ः येथील कृषी उत्पन्न बाजार समितीमध्ये शेतकऱ्यांनी आणलेल्या धान्याची विक्री लिलाव प्रक्रियेद्वारे करण्याचा प्रयत्न संचालक मंडळाने सुरू केला; मात्र अडतदारांनी किमान आधारभूत मूल्याऐवढे (एमएसपी) दर मूग, उडदाला नसल्याने लिलाव प्रक्रियेत जादा दरात धान्य कसे खरेदी करायचे, अशा आशयाचे पत्र देत संचालक मंडळाच्या लिलाव प्रक्रियेला खोडा घालण्याचा प्रयत्न केला आहे.

जळगाव  ः येथील कृषी उत्पन्न बाजार समितीमध्ये शेतकऱ्यांनी आणलेल्या धान्याची विक्री लिलाव प्रक्रियेद्वारे करण्याचा प्रयत्न संचालक मंडळाने सुरू केला; मात्र अडतदारांनी किमान आधारभूत मूल्याऐवढे (एमएसपी) दर मूग, उडदाला नसल्याने लिलाव प्रक्रियेत जादा दरात धान्य कसे खरेदी करायचे, अशा आशयाचे पत्र देत संचालक मंडळाच्या लिलाव प्रक्रियेला खोडा घालण्याचा प्रयत्न केला आहे.

जळगाव बाजार समिती जिल्ह्यात सर्वांत मोठी व महत्त्वाची आहे. यात १०८ कर्मचारी असल्याने वेतनावर मोठा खर्च होतो. ही बाब लक्षात घेऊन महसूलवाढीच्या दृष्टीने बाजार समितीने शेतकऱ्यांना अधिक व योग्य दर मिळावेत, यासाठी लिलाव प्रक्रिया सोमवारपासून (ता. ११) सुरू केली.

मात्र व्यापाऱ्यांनी किमान आधारभूत मूल्यापेक्षा सध्या मूग व उडदाला दर नाहीत. त्यांची कमी दराने खरेदी लिलाव प्रक्रिया केल्याची तक्रार दाखल झाल्यास आमच्यावर फौजदारी कारवाई होईल.

तसेच लिलाव प्रक्रियेत आम्ही कमी दरात किंवा किमान आधारभूत मूल्यापेक्षा खरेदी केली तर बाजार समिती प्रशासन, संचालकांची भूमिका काय असेल, अशा आशयाचे एक पत्र शनिवारी (ता. ९) जळगाव कृषी उत्पन्न बाजार समिती अडत असोसिएशनने दिल्याची माहिती बाजार समितीचे उपसभापती कैलास चौधरी यांनी दिली.

सोमवारी सकाळी १०.२५ वाजता शेतकऱ्यांच्या धान्याची विक्री लिलाव प्रक्रियेद्वारे बाजार समितीमध्ये सुरू झाली. लिलावांसाठी बाजार समितीच्या धान्य मार्केट यार्डात स्वतंत्र व्यवस्था केली आहे; पण त्यावर शेड नाही. उघड्यावर ही प्रक्रिया सुरू झाली. सुरवातीला गहू व दादरची (रब्बी ज्वारी) लिलाव प्रक्रिया झाली.

गव्हाला प्रतिक्विंटल १८६१, तर दादरला १७०० रुपये प्रतिक्विंटलचा दर मिळाला. मूग, उडीद यांचीही आवक झाली होती. उडदाला अडीच हजारांपासून, तर मुगाला दोन हजारांपासून बोली लावली गेली. फारशा व्यापाऱ्यांनी या प्रक्रियेत सोमवारी सहभाग घेतला नाही, अशी माहिती मिळाली. मुगाला ३००० ते ४२०० आणि उडदाला ३२०० ते ४३०० असे दर मिळाल्याचे सांगण्यात आले.

सध्या किमान आधारभूत मूल्यापेक्षा मूग व उडीद यांना कमी दर आहेत. त्यांची यापेक्षा कमी दरात खरेदी केली, तर शासनाकडून व्यापाऱ्यांवर कारवाई होऊ शकते. ही बाब लक्षात घेता संचालक मंडळाला अडत असोसिएशनने पत्र दिले व वस्तुस्थिती मांडली. लिलाव प्रक्रियेला कुठलाही विरोध नाही. सर्व प्रकारच्या धान्याची व्यापाऱ्यांनी खरेदी केली.
- शशिकांत बियाणी, व्यापारी प्रतिनिधी (संचालक), जळगाव बाजार समिती

जिल्ह्यात अमळनेर, चोपडा येथे रोज लिलाव प्रक्रियेने धान्याची विक्री होते. जळगावात ही पद्धत अनेक वर्षे नाही. शेतकरी आपला शेतमाल किंवा धान्य आणून ते अडतदारांकडे टाकतात. हे धान्य १० ते १२ दिवस पडते. त्याची नासाडी होते. उंदीर नुकसान करतात. अनेक शेतकरी चोपडा येथे आपले धान्य नेतात. म्हणून महसूल वाढविण्यासह शेतकऱ्यांना जळगाव बाजार समितीमध्ये धान्य अधिक आणावे, यासाठी लिलाव प्रक्रिया सुरू केली; पण अडतदारांनी आता किमान आधारभूत मूल्याचा मुद्दा मांडला आहे.
- कैलास चौधरी, उपसभापती, जळगाव कृषी उत्पन्न बाजार समिती

 

इतर ताज्या घडामोडी
शेतकऱ्यांसाठी संसदेचे विशेष अधिवेशन...कोल्हापूर  : शेतीमालाला दीडपट हमीभाव आणि...
सांगलीत मजूर टंचाईचा गुऱ्हाळघरांना फटकासांगली  ः शिराळा तालुक्‍यात गुळाची निर्मिती...
औरंगाबाद जिल्ह्यात ३०० टॅंकरद्वारे... औरंगाबाद  : जिल्ह्यातील २४५ गावे व २९...
नगर जिल्ह्यात ४८१ शेतकरी मित्रांची निवड नगर  ः कृषी विभागाच्या विविध योजना...
धुळे, जळगावमध्ये मक्‍याचा कडबा २००... जळगाव  ः दूध उत्पादकांना अपेक्षित दर मिळत...
सातारा जिल्ह्यात पाच टॅंकरव्दारे...सातारा  : जिल्ह्यातील माण, खटाव भागात...
साताऱ्यातील दहा कारखान्यांचा गाळप हंगाम... सातारा  : जिल्ह्यातील ऊस गाळप हंगाम अंतिम...
साखर कारखानदारांच्या मागण्या निरर्थक :...कोल्हापूर : देशात अतिरिक्त साखरेचा प्रश्‍न गंभीर...
जालन्यातील रेशीमकोष बाजारपेठेचे आज उद्‌...औरंगाबाद : जालना बाजार समितीच्या आवारात शनिवारी (...
तंत्र हळद लागवडीचे...आंगठे आणि हळकुंड बियाण्यापेक्षा जेठे गड्डे...
ग्रामीण भागात समिश्र चलन तुटवडा अकोला  : गेल्या काही दिवसांपासून चलन तुटवडा...
जमीन सुपीकतेसाठी प्रो-साॅईल प्रकल्पपरभणी  ः नाबार्ड आणि जर्मनीतील जीआयझेड या...
नाशिकमधील ड्रायपोर्टचा मार्ग मोकळानाशिक  : नाशिक जिल्हा बँकेकडे तारण असलेली...
मोहफुलावरील बंदी उठलीनागपूर (सकाळ वृत्तसेवा) : आदिवासींसाठी मोहफुलाचे...
संत्रा पिकाचे ४० टक्‍के नुकसान जलालखेडा, जि. नागपूर : जगप्रसिद्ध असलेल्या...
पावसाळी अधिवेशन नागपूरमध्ये होणारमुंबई : येत्या ४ जुलैपासून सुरू होणारे...
पुणे जिल्ह्यात भाताचे क्षेत्र वाढण्याचा... पुणे: जिल्ह्यातील शेतकऱ्यांची खरीप हंगामाची...
साताऱ्यातील दोन हजार सत्तावीस... सातारा : कृषी यांत्रिकीकरणास मोठ्या प्रमाणात...
साखर जप्त करता येणार नाही ः मुश्रीफ कोल्हापूर  : एफआरपीची थकीत रक्कम ऊस...
नगर जिल्ह्यात ‘जलयुक्त’ची ३७१ कामे पूर्ण नगर : जिल्ह्यात जलयुक्त शिवार अभियानातून मागील...