agriculture news in marathi, agrowon, loan wavier form submission | Agrowon

कर्जमाफीचे अर्ज भरण्यासाठी उरले चार दिवस !
मारुती कंदले
मंगळवार, 12 सप्टेंबर 2017

कर्जमाफीचे ऑनलाइन अर्ज भरायला किमान १०० रुपये लागतात. बोटांचे ठसे बदल किंवा अद्ययावतीकरणाचे १५० रुपये सायबर केंद्रचालक घेतात. ही कर्जमाफी मिळविण्यासाठी शेतकऱ्यांना प्रचंड त्रास सहन करावा लागत असून, मनस्तापही होत आहे.
- अरुण पाटील, शेतकरी, तरसोद, जि. जळगाव.

मुंबई : राज्य सरकारने जाहीर केलेल्या शेतकरी कर्जमाफीची अंतिम मुदत चार दिवसांवर आली आहे. शुक्रवारी (ता. १५) अर्ज करण्याची अंतिम मुदत आहे. शनिवारी (ता. ९) दुपारपर्यंत राज्यभरातील ८० लाख ७३ हजार ६९९ शेतकऱ्यांनी आॅनलाइन नोंदणी केली असून, ७१ लाख ४० हजार ९२० शेतकऱ्यांनी कर्जमाफीसाठी ऑनलाइन अर्ज भरण्याची प्रक्रिया पूर्ण केली आहे.  

फडणवीस सरकारने राज्यातील शेतकऱ्यांसाठी कर्जमाफी जाहीर केली आहे. सुमारे ८९ लाख लोकांना ३४ हजार कोटी रुपयांची कर्जमाफी दिली जाईल असा दावा सरकारने केला आहे. दीड लाख रुपयांपर्यंत कर्जमाफीचा लाभ शेतकऱ्यांना मिळणार आहे.

कर्ज पुनर्गठीत झालेल्या शेतकऱ्यांनाही या कर्जमाफीचे लाभ मिळणार आहेत. तसेच नियमित परतफेड करणाऱ्यांनाही २५ हजार रुपयांपर्यंत प्रोत्साहन दिले जाणार आहे. परंतु, जाचक अटी, ऑनलाइन यंत्रणेचा अभाव याचा फटका पुन्हा एकदा दुष्काळ नापिकीने होरपळलेल्या शेतकऱ्यांना बसला.

पीकविमा योजनेत ऑनलाइन पीकविमा उतरविण्याचा गोंधळ संपत नाही तोच कर्जमाफीसाठी अर्ज करणाऱ्याकरिता शेतकऱ्यांची परवड सुरू झाली. सर्व्हर डाउनमुळे शेतकऱ्यांना मुदतीत ऑनलाइन अर्ज करण्याचा प्रयत्न करणाऱ्या रात्रं दिवस सुविधा केंद्रावर ताटकळण्याची वेळ आली. कर्जमाफीसंबंधी शासनाने अनेक वेळा वेगळवेगळे निर्णय जाहीर केल्यानेही गोंधळ उडाला.

त्यासाठी थकबाकीदार शेतकऱ्यांकडून ऑनलाइन अर्ज भरून घेण्यात येत आहेत. २४ जुलैपासून अर्ज भरून घेण्याची ही प्रक्रिया सुरू आहे. गेल्या ८० लाख ७३ हजार ६९९ शेतकऱ्यांनी त्यासाठी ऑनलाइन नोंदणी केली आहे. त्यापैकी ७१ लाख ४० हजार ९२० इतके अर्ज भरण्याची प्रक्रिया पूर्ण झाली आहे.

येत्या १५ सप्टेंबरपर्यंत कर्जमाफीचे अर्ज भरुन घेण्यात येणार आहेत. त्यामुळे कामकाजाच्या या चार दिवसांत उर्वरीत शेतकऱ्यांचे ऑनलाइन अर्ज भरून घेण्याचे आव्हान सरकारपुढे आहे. अडचणींवर मात करीत ही प्रक्रिया पूर्ण केली जाईल असा दावा सहकार खात्यातील उच्चपदस्थांकडून केला जात आहे. 

राज्य शासनाने जाहीर केलेल्या ‘छत्रपती शिवाजी महाराज शेतकरी सन्मान’ योजनेअंतर्गत कर्जमाफीसाठी आॅनलाइन अर्ज दाखल करण्याकरिता अाता अवघे चार दिवस उरले अाहेत. ही प्रक्रिया राबविण्यासाठी महा ई-सेवा केंद्र, सुविधा केंद्र तसेच सेतूसह ग्रामपंचायतींमध्ये उपलब्ध असलेल्या संगणकाचा वापर सुरू केला अाहे. शुक्रवारपर्यंत (ता. १५) अर्ज दाखल करायचे असून सर्वच जिल्ह्यांमध्ये यंत्रणांनी या कामाला प्राधान्य देत विविध उपाययोजना केल्या आहेत. 

दहा लाख बोगस अर्ज
राज्यभरात ८९ लाख शेतकरी कर्जमाफीसाठी अर्ज करतील, अशी अपेक्षा आहे; पण यापैकी सुमारे दहा लाख अर्ज बनावट असल्याचा सरकारचा संशय आहे. त्यामुळे अशा बनावट शेतकऱ्यांनाच ऑनलाइन अर्ज भरताना अडचणी येत आहे; पण उर्वरित ८० लाख शेतकरी मात्र कर्जमाफीचा लाभ घेण्यास पात्र आहेत. त्याची प्रक्रिया आता जलदगतीने सुरू आहे, असे महसूलमंत्री चंद्रकांत पाटील यांनी कोल्हापूर येथे सोमवारी (ता. ११) पत्रकार परिषदेत सांगितले.

असे तपासता येते नाव... 
कर्जमाफीमध्ये आपले नाव online यादीत आहे की नाही, हे  http://CSMSSY.in या वेबसाइटवर तपासता येते. संकेतस्थळाच्या खालील बाजूस अर्जदाराची यादी असा विभाग आहे. यात विभाग select केल्यास आणि वेबसाइट उघडल्यावर आपला जिल्हा, तालुका व गाव निवडता येते. यात आपल्या गावाची यादी समोर येते. आपले नाव यादीत असल्याची खात्री करता येते. नसल्यास परत फॉर्म भरावा लागतो. माहिती दुरुस्ती करता येते.

आॅनलाइन अर्ज भरण्यात येणाऱ्या अडचणी 

  •  महाराष्ट्राबाहेरील आधार कार्डमधील क्रमांक नमूद होत नाही
  •  वृद्ध शेतकऱ्यांच्या बोटांच्या ठश्‍यांचा प्रश्‍न कायम
  •  आधार कार्ड नसलेले शेतकरी वंचित
  • आधार कार्डमधील चुका दुरुस्तीला वेळ लागत असल्याने अर्ज भरण्यात अडचणी
  •  आधी ऑनलाइन अर्ज भरा नंतर आम्ही स्वीकारतो, या गटसचिवांच्या भूमिकेने शेतकऱ्यांची अडवणूक  
  • अनेक सीएससी, आपले सरकार केंद्रे नुसती नावालाच

प्रतिक्रिया
कर्जाचा बोजा झालेल्या शेतकऱ्यांसाठी शासनाने कर्जमाफीची योजना आणली. परंतु, ज्या शेतकऱ्यांना कर्जच मिळाले नाही त्यांच्यासाठी काय? कर्ज उचलणाऱ्याबरोबरच कर्ज न मिळालेल्यांनाही दुष्काळाचा, नापिकीचा सामना करावा लागला. त्यांना शासनाने आधार द्यायला हवा.
- सूर्यकर्ण येवले, रुई, ता. गेवराई, जि. बीड

कर्जमाफीचे अर्ज भरण्यासाठी अामच्या भागात कनेक्टिव्हीची मोठी समस्या अाहे. शेजारच्या गावात जाऊन अाम्ही अर्ज भरले. परंतु अजून अनेक शेतकरी राहिले अाहेत. अाता चार दिवस राहिले. या काळात सर्वांचे अर्ज भरणे शक्य दिसत नाही. त्यामुळे शासनाने किमान १५ दिवस तरी मुदतवाढ दिली पाहिजे. तरच कर्जमाफीचा फायदा होईल.   
- अनंता भिकाजी इंगळे, चितलवाडी, ता. तेल्हारा, जि. अकोला 

 

इतर अॅग्रो विशेष
सहकार मंत्र्यांच्या कारखान्यावरच...सोलापूर : जिल्ह्यात गेल्या तीन-चार...
शेतकऱ्यांच्या १८० संघटनांची दिल्लीत धडकनवी दिल्ली : मोदी सरकारच्या शेतकरीविरोधी धोरणाचा...
भरकटलेल्या धोरणांमुळे सहकारी दूध संघ...विस्कटलेल्या दूध धंद्याचे भरकटलेले धोरण : भाग एक...
आंबा पीक सल्लाआंबा पिकाचे वार्षिक चक्र काढणीनंतर म्हणजे जून...
गाय, म्हैसवाटप योजनेस मान्यतापुणे : मराठवाडा पॅकेजच्या धर्तीवर दुष्काळी...
कृषी योजनांच्या प्रचारासाठी व्हाॅट्सअॅप...अकोला : कृषी विभागाच्या विविध योजनांची माहिती...
बोंडअळीच्या प्रादुर्भावाने वाढली...अमरावती (प्रतिनिधी) ः अमरावती विभागातील अनेक...
प्रश्न जादा साखरेचादेशात पुढच्या वर्षी साखर उत्पादनात वाढ अपेक्षित...
दक्षिण ब्राझीलमधील साखर उत्पादनात घट नवी दिल्ली ः ब्राझील देश साखर उत्पादनात जगात...
दुष्काळग्रस्त लातूर जिल्हा ५० टक्के `... लातूर ः जिल्ह्यात गेल्या दोन वर्षांत जलयुक्त...
नांदेड जिल्ह्यात २५० गावांत शेतकऱ्यांचा...नांदेड : पुणे जिल्ह्यातील कानगाव (ता. दौंड)...
बैलांच्या सजावटीला बचत गटाचा साजनशिराबाद (जि. जळगाव) येथील दुर्गाबाई शांताराम नाथ...
खाद्यतेल अायात शुल्कात दुप्पट वाढमुंबई : देशांतर्गत तेलबियांच्या दरात होणारी...
पीकेव्ही हायब्रीड-२ कापूस वाणास...जिरायती शेतीसाठी वाण; २०१९ च्या हंगामात होईल...
‘आनंद निकेतन`ने घेतला शिक्षण,...स्वावलंबनातून शिक्षण तसेच सहिष्णुता, समता,...
अंदमानलगत कमी दाबाचे क्षेत्र; पावसाची...पुणे : अंदमान निकाेबारलगत नवीन कमी दाबाचे क्षेत्र...
विलीनीकरण नको, पुनर्रचना कराएकोणीसाव्या शतकाच्या अखेरच्या अघोऱ्या ...
प्रकल्प पूर्णत्वाचा मार्ग खडतरविदर्भ, मराठवाड्यासह उत्तर व पश्चिम...
पाशा पटेल यांना राज्यमंत्रिपदाचा दर्जामुंबई : राज्य कृषी मूल्य आयोगाचे अध्यक्ष पाशा...
ज्वारी, करडई, सूर्यफूल, कापूस पीक सल्लारब्बी ज्वारी : खोडकिडा : (पोंगेमर) लक्षणे...