agriculture news in Marathi, agrowon, Marathwada, Khandesh 85 lakh tons of sugarcane crush | Agrowon

मराठवाडा, खानदेशात ८५ लाख टन उसाचे गाळप
टीम अॅग्रोवन
शुक्रवार, 11 मे 2018

औरंगाबाद  : मराठवाड्यासह खानदेशातील पाच जिल्ह्यांतील २३ साखर कारखान्यांनी ८४ लाख ९७ हजार ५४६ टन उसाचे गाळप केले. या गाळपातून ८४ लाख ६८ हजार ९०४ क्‍विंटल साखरेचे उत्पादन केले. या कारखान्यांपैकी बारा कारखान्यांचा सरासरी साखर उतारा दहा टक्‍क्‍यांपुढे राहिला. तर ऊस गाळप करणाऱ्या सर्व तेवीस कारखान्यांचा सरासरी साखर उतरा ९.९७ टक्‍के राहिल्याची माहिती साखर विभागाच्या सूत्रांनी दिली. 

औरंगाबाद  : मराठवाड्यासह खानदेशातील पाच जिल्ह्यांतील २३ साखर कारखान्यांनी ८४ लाख ९७ हजार ५४६ टन उसाचे गाळप केले. या गाळपातून ८४ लाख ६८ हजार ९०४ क्‍विंटल साखरेचे उत्पादन केले. या कारखान्यांपैकी बारा कारखान्यांचा सरासरी साखर उतारा दहा टक्‍क्‍यांपुढे राहिला. तर ऊस गाळप करणाऱ्या सर्व तेवीस कारखान्यांचा सरासरी साखर उतरा ९.९७ टक्‍के राहिल्याची माहिती साखर विभागाच्या सूत्रांनी दिली. 

औरंगाबाद येथील साखर विभागाच्या कार्यालयांतर्गत येत असलेल्या औरंगाबाद, जालना, बीड या मराठवाड्यातील तीन जिल्ह्यांसह खानदेशातील जळगाव व नंदूरबार या दोन जिल्ह्यांतील २३ साखर कारखान्यांनी यंदा ऊस गाळपात सहभाग नोंदविला. या कारखान्यांमध्ये नंदूरबार व जळगाव जिल्ह्यातील प्रत्येकी तीन, औरंगाबाद व जालना जिल्ह्यातील प्रत्येकी पाच व बीड जिल्ह्यांतील सात कारखान्यांचा समावेश होता. 

यापैकी नंदूरबार जिल्ह्यातील तीनही कारखान्यांचा गाळप हंगाम संपला आहे. त्यापाठोपाठ जळगाव जिल्ह्यातील दोन, औरंगाबाद जिल्ह्यातील दोन, जालना जिल्ह्यातील पाच व बीड जिल्ह्यातील सहा कारखान्यांचा गाळप हंगाम गुंडाळला आहे. नंदूरबार जिल्ह्यातील तीन कारखान्यांनी धुराडी थांबण्यापूर्वी ११ लाख १८ हजार ३५२ टन उसाच्या गाळपातून ११ लाख २३ हजार ७८० क्‍विंटल साखरेचे उत्पादन केले. तीनही साखर कारखान्यांचा सरासरी साखर उतारा १०.०५ टक्‍के राहिला. जळगाव जिल्ह्यातील तीन साखर कारखान्यांनी ३ लाख ८६ हजार ११२ टन उसाच्या गाळपातून ३ लाख ४५ हजार २९० क्‍विंटल साखरेचे उत्पादन केले. तीनही साखर कारखान्यांचा सरासरी साखर उतारा ८.९४ टक्‍के राहिला. 

जालना जिल्ह्यातील साखर उतारा १०.१९ टक्के
औरंगाबाद जिल्ह्यातील पाच कारखान्यांनी १४ लाख ४३ हजार २२७ टन उसाचे गाळप करत १४ लाख ३५ हजार ३२७ क्‍विंटल साखरेचे उत्पादन केले. पाचही साखर कारखान्यांचा सरासरी साखर उतारा ९.९५ टक्‍के राहिला. जालना जिल्ह्यातील पाच कारखान्यांनी २१ लाख ५ हजार २५५ टन उसाचे गाळप केले. या गाळपातून २१ लाख ४४ हजार ३४१ क्‍विंटल साखरेचे उत्पादन झाले. पाचही साखर कारखान्यांचा गाळप हंगाम उरकला असून, या कारखान्यांचा यंदाच्या हंगामातील सरासरी साखर उतारा १०.१९ टक्‍के राहिला आहे. बीड जिल्ह्यातील सात कारखान्यांनी ३४ लाख ४४ हजार ६०० टन उसाचे गाळप केले. या गाळपातून ३४ लाख २० हजार १६६ क्‍विंटल साखरेचे उत्पादन झाले. सातही साखर कारखान्यांचा सरासरी साखर उतारा ९.९३ टक्‍के राहिला. गाळप हंगाम सुरूच असलेले पाचही कारखाने औरंगाबाद जिल्ह्यातीलच असल्याचेही सूत्रांनी सांगितले.

इतर ताज्या घडामोडी
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...
कापूस लागवड न करणाऱ्यांना मिळाली मदत;...जळगाव  ः जिल्ह्यात मागील हंगामात बोंड...
पुणे विभागात रब्बीची १८ टक्क्यांवर पेरणीपुणे  ः परतीचा पाऊस न झाल्याने जमिनीत पुरेशी...