agriculture news in Marathi, agrowon, Millet rate steady, inward decline | Agrowon

बाजरीचे दर स्थिर, आवक कमी
टीम अॅग्रोवन
रविवार, 13 मे 2018

जळगाव  ः बाजरीची बाजार समित्यांमधील आवक अतिशय नगण्य आहे. आवक आणि उत्पादन हवे तसे नसताना दर मात्र अपेक्षित प्रमाणात नाहीत. मागील चार वर्षांत बाजरीच्या दरात क्विंटलमागे फक्त २५० ते ३०० रुपयांची वाढ झाल्याची माहिती आहे. 

जळगाव  ः बाजरीची बाजार समित्यांमधील आवक अतिशय नगण्य आहे. आवक आणि उत्पादन हवे तसे नसताना दर मात्र अपेक्षित प्रमाणात नाहीत. मागील चार वर्षांत बाजरीच्या दरात क्विंटलमागे फक्त २५० ते ३०० रुपयांची वाढ झाल्याची माहिती आहे. 

जिल्ह्यात खरिपाच्या तुलनेत रब्बीत बाजरीचे अधिक उत्पादन घेतले जाते. चाळीसगाव, चोपडा, भडगाव, जामनेर या भागात पेरणी अधिक असते. चाळीसगाव तालुक्‍यात शेतकरी बाजरीचे सर्वाधिक उत्पादन घेतात. यंदा एकरी सरासरी १० ते ११ क्विंटल उत्पादन शेतकऱ्यांना मिळाले आहे. यंदा सुमारे पाच हजार हेक्‍टरवर बाजरीची पेरणी झाली होती. कापसाचे पीक काढून तसेच तूर, कांद्याच्या रिकाम्या क्षेत्रात बाजरीची पेरणी झाली होती. 

कापूस उत्पादकांनी बाजरीची पेरणी अधिक केली. अनेक शेतकरी सालगडी, मजूर यांना देण्यासह चाऱ्यासाठी बाजरीची अनेक वर्षांपासून पेरणी करीत आहेत. गव्हाप्रमाणे बाजरीचे बेवड चांगले असते म्हणूनही बाजरीची पेरणी चाळीसगाव, चोपडा भागात शेतकरी करतात. बाजरीवर नंतर कापूस लागवडीचे नियोजन शेतकरी करतात.

यंदाही असेच नियोजन अनेक शेतकऱ्यांनी केले आहे. परंतु चार वर्षे झाले तरी बाजरीचे दर अपेक्षित प्रमाणात वाढलेले नसल्याचे शेतकऱ्यांचे म्हणणे आहे. २०१५ मध्ये १२५० रुपये प्रतिक्विंटलचे दर होते. मध्यंतरी त्यात किरकोळ वाढ होत गेली. आजघडीला जागेवरच किंवा गावात खेडा खरेदीसंबंधी १५०० रुपये प्रतिक्विंटलचे दर शेतकऱ्यांना मिळत आहेत, असे सांगण्यात आले. 

अनेक शेतकरी दर अपेक्षित प्रमाणात नसल्याने गावातच किरकोळ स्वरुपात बाजरीची विक्री करीत आहेत. तर चाळीसगाव भागात मजुरास १० किलो बाजरी देऊन एक दिवस काम, असा प्रघात आहे. पैशांच्या बदल्यात बाजरी मजूर घेतात. त्यामुळे बाजरीची विक्री न करता खरिपात मजुरीसाठी बाजरीचा उपयोग चाळीसगाव भागात शेतकरी करीत असल्याची माहिती मिळाली. 

जिल्ह्यात चोपडा, अमळनेर व चाळीसगाव वगळता कुठल्याही बाजार समितीत बाजरीची आवक सध्या नाही. अमळनेरातही किरकोळ आवक आहे. चाळीसगाव बाजारात प्रतिदिन सुमारे ५० क्विंटलपर्यंतची आवक असल्याचे सांगण्यात आले. 

बाजरीची पेरणी अनेक शेतकरी चारा व घरात धान्यासाठी करतात. तसेच आमच्या भागात मजूरही बाजरी घेऊन शेतात काम करतात. पैशांऐवजी बाजरीचा वापर मजुरीचे मोल देण्यासाठी होतो. यामुळे पेरणी दरवर्षी केली जाते. यंदा उत्पादन चांगले मिळाले. बाजारात मात्र अपेक्षित दर नाहीत. चार वर्षांत फक्त २५० ते ३०० रुपये प्रतिक्विंटलने दर वाढले आहेत. 
- नाना पाटील, शेतकरी, पिंप्री, चाळीसगाव, जि. जळगाव
 

इतर ताज्या घडामोडी
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...
उपोषणासाठी बाजार समित्यांच्या...नाशिक : नियमनमुक्तीमुळे बाजार समित्यांचे...
परभणीतील शेतकऱ्यांचे कोल्हापुरात आंदोलनकोल्हापूर : परभणी जिल्ह्यातील नुकसानग्रस्त...
युवकांच्या सहकारी संस्था स्थापणार :...कऱ्हाड : राज्यातील सहकारी संस्थांचे सभासद हे ६०...
बाजार समित्यांमधील...नाशिक : तेलंगण, तमिळनाडू व कर्नाटकच्या धर्तीवर...
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...