agriculture news in Marathi, agrowon, MNCs in Maharashtra for banana procurement | Agrowon

केळी खरेदीसाठी बहुराष्ट्रीय कंपन्या महाराष्ट्रात
टीम अॅग्रोवन
शुक्रवार, 16 मार्च 2018

जळगाव : फिलिपिन्स व इक्वेडोर या जगातील आघाडीच्या केळी उत्पादक देशांमध्ये पनामा रोगाने धुमाकूळ घातल्याने उत्पादनावर परिणाम झाला. यासोबतच तेथील केळीचा जागतिक बाजारातील पुरवठा कमी झाल्याने केळी निर्यातदार बहुराष्ट्रीय किंवा बड्या कंपन्या प्रथमच महाराष्ट्रातील केळी उत्पादकांच्या दाराशी आल्या आहेत. आजघडीला देशातून रोज ४० कंटनेर केळीची आखाती देशांमध्ये निर्यात होत आहे. या निर्यातीत महाराष्ट्राचा वाटा अधिक असून, राज्यात जळगाव जिल्ह्यातून रोज सहा कंटनेर केळीची निर्यात आखातात होऊ लागली आहे.

जळगाव : फिलिपिन्स व इक्वेडोर या जगातील आघाडीच्या केळी उत्पादक देशांमध्ये पनामा रोगाने धुमाकूळ घातल्याने उत्पादनावर परिणाम झाला. यासोबतच तेथील केळीचा जागतिक बाजारातील पुरवठा कमी झाल्याने केळी निर्यातदार बहुराष्ट्रीय किंवा बड्या कंपन्या प्रथमच महाराष्ट्रातील केळी उत्पादकांच्या दाराशी आल्या आहेत. आजघडीला देशातून रोज ४० कंटनेर केळीची आखाती देशांमध्ये निर्यात होत आहे. या निर्यातीत महाराष्ट्राचा वाटा अधिक असून, राज्यात जळगाव जिल्ह्यातून रोज सहा कंटनेर केळीची निर्यात आखातात होऊ लागली आहे.

आखाती राष्ट्रे केळीचे प्रमुख खरेदीदार देश आहेत. त्यात सौदी अरेबिया, बहरीन, इराण आदींचा समावेश आहे. त्यापाठोपाठ युरोपातही केळीचा पुरवठा जागतिक बाजारातून होतो. निर्यातीत फिलिपिन्स व इक्वेडोर हे देश आघाडीवर आहेत. परंतु तेथील केळीला पनामा या रोगाचा मोठा फटका बसला आहे. इक्वेडोरचे उत्पादन ४० टक्‍क्‍यांनी घटले आहे. तर फिलिपिन्समधील केळीला रोगराईचा फटका बसलाच, सोबत तेथील हंगाम अंतिम टप्प्यात आहे.

या सर्व बाबी भारतीय केळी उत्पादकांच्या पथ्यावर पडल्या असून, जागतिक बाजारातील केळीचा पुरवठा कायम टिकविण्याचे आव्हान उभे ठाकले आहे. त्यामुळेच महाराष्ट्रात प्रथमच डोल, चिकिता या अमेरिकन केळी निर्यातदार किंवा खरेदीदार कंपन्या दाखल झाल्या आहेत. या कंपन्या इक्वेडोरमधील केळीवर अवलंबून होत्या, परंतु तेथील उत्पादन घटल्याने त्यांना भारताकडे यावे लागले आहे. 

देशातून सध्या रावेर व सावदा (जि. जळगाव), थेनी (तमिळनाडू), टेंभुर्णी (जि. सोलापूर), बडवानी (मध्य प्रदेश) आणि सीमांध्रमधील गोदावरी जिल्ह्यातून केळीची निर्यात होत आहे. देशातून रोज सुमारे ४० कंटनेर म्हणजेच ८०० मेट्रिक टन केळीची निर्यात होत आहे. या निर्यातीत महाराष्ट्राचा अधिक वाटा असून, रोज सुमारे १० कंटनेर केळी महाराष्ट्रातून आखाती राष्ट्रांमध्ये पाठविली जात आहे. जळगाव जिल्ह्यातून प्रतिदिन सहा ते सात कंटनेर म्हणजेच १८० मेट्रिक टन केळीची निर्यात होत आहे. 

अमेरिकन कंपन्यांसह एकदंत ॲग्रो, इकोफ्रेश, देसाई फ्रूट्‌स, आयएनआय, पीक ॲँड सर्व्ह या भारतीय कंपन्यादेखील केळीची निर्यात महाराष्ट्रातून करीत आहेत. कंटनेरमध्ये १३ किलोच्या बॉक्‍सचा उपयोग पॅकिंगसाठी केला जात आहे. जळगाव जिल्ह्यातील केळी मुंबई येथील न्हावाशेवा बंदरातून आखातात पाठविली जात असल्याची माहिती मिळाली. पुरवठा कायम राहावा यासाठी अलीकडेच अमेरिकेतील केळी निर्यातदार कंपन्यांनी रावेरातील केळी उत्पादक, पॅक हाउसचे संचालक यांच्यासोबत बैठकी घेतल्या आहेत.

पाकिस्तानमधील केळी निर्यात रखडत सुरू

रावेरातून पाकिस्तानमधील केळी निर्यातही सुरू झाली आहे. पाकिस्तानमधून सावदा व रावेर येथून रोज ८०० क्विंटल केळी तेथे पाठविली जात आहे. तेथून रोज तीन हजार क्विंटल केळीची मागणी आहे. परंतु वित्तीय व्यवहारांवरील निर्बंधामुळे एवढा पुरवठा होत नाही. सावदा येथील व्यापारी श्रीनगर (जम्मू काश्‍मिर) येथे बॉक्‍समध्ये केळी पॅक करून पाठवित आहेत. ट्रकमध्ये वाहतूक होत असून, १६ किलोचा बॉक्‍स केळी पॅकींगसाठी वापरला जात आहे. श्रीनगरातील व्यापारी पाकिस्तानात केळी पाठवितात व पाकिस्तानमधील खरेदीदार केळीच्या बदल्यात कापड, सुकामेवा पाठवित आहेत. वित्तीय किंवा थेट पैशांमध्ये पाकिस्तानशी व्यवहार होत नसल्याने मागणी असताना कमी पुरवठा होत असल्याचे सांगण्यात आले.

केळीची महाराष्ट्रीतील निर्यात पुढे आणखी वाढेल. सध्या आगाव नवती बागा व पिलबागांमधून केळी उपलब्ध होत असून, तिला ऑनचे दरही मिळू लागले आहेत. अनेक दिवसानंतर केळीची मागणी अधिक व पुरवठा कमी, अशी स्थिती आहे. आखातात सर्वाधिक केळी निर्यात जळगाव जिल्ह्यातून होत आहे. 
- बाबासाहेब आडमुठे, केळी निर्यातदार, कोल्हापूर

 

पनामा रोगामुळे इक्वेडोर व फिलिपिन्सच्या केळीला फटका बसला आहे. रावेरात प्रथमच बड्या कंपन्या केळी निर्यातीसंबंधी दाखल झाल्या आहेत. जागतिक बाजारात केळीची जेवढी मागणी आहे, तेवढा पुरवठा नाही. यामुळे केळीचे दर टिकून राहतील. सीमांध्रमधील केळीचा हंगाम संपला आहे. सध्या देशात तमिळनाडू व महाराष्ट्रात चांगली केळी उपलब्ध आहे. 
- प्रशांत वसंत महाजन, महाजन बनाना एक्‍स्पोर्ट, तांदलवाडी (जि. जळगाव)

इतर ताज्या घडामोडी
समुद्राच्या उधाणामुळे पीक नुकसान ...मुंबई  : समुद्र किनाऱ्यावरील शेतीचे तसेच...
‘मग्रारोहयो’त २८ नव्या कामांचा समावेशनागपूर : महात्मा गांधी राष्ट्रीय ग्रामीण...
पुणे जिल्ह्यात तीन लाख जमीन...पुणे   ः जमिनीतील विविध घटकांची माहिती...
पुणे जिल्हा परिषदेत दर रविवारी ‘...पुणे  : स्वयंसहायता समूहाच्या (बचत गट)...
गोदावरी कालव्यांचे लोकसहभागातून...कोपरगाव, जि. नगर ः शंभर वर्षांहुन अधिक आयुर्मांन...
सातारा जिल्ह्यात रब्बीत अवघे नऊ टक्के...सातारा  ः रब्बी हंगामात पीक कर्जाकडे...
महालक्ष्मी सरस प्रदर्शनामुळे  ग्रामीण...मुंबई   ः ॲमेझॉन, फ्लिपकार्टच्या...
सहकारमंत्र्यांनी राजीनामा द्यावा :...सोलापूर  ः उसाची एकरकमी एफआरपी देण्यात साखर...
काँग्रेसमध्ये नवचैतन्य; प्रियंका गांधी...नवी दिल्ली : काँग्रेस अध्यक्ष राहुल गांधी...
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...