agriculture news in marathi, agrowon, Monsoon, weather update, maharashtra | Agrowon

कोकण, गोव्यात पावसाचा अंदाज
संदीप नवले
सोमवार, 18 सप्टेंबर 2017

मराठवाडा व विदर्भात काही ठिकाणी हवेचा दाब वाढल्यामुळे पावसाचा जोर काहीसा ओसरला आहे. या भागातील अनेक ठिकाणी सध्या हवामान ढगाळ असून, काही ठिकाणी ऊन पडत असल्याने उकाड्यात वाढ होत आहे.

पुणे : सध्या कोकण आणि मध्य महाराष्ट्राच्या काही भागांत हवेचा दाब कमी होत आहे, त्यामुळे काही ठिकाणी जोरदार पाऊस पडत आहे. येत्या गुरुवार (ता. 21) पर्यंत कोकण, गोव्यात काही ठिकाणी मुसळधार पाऊस पडेल. आज (सोमवारी) कोकण, गोव्यात काही ठिकाणी जोरदार पावसासह, तुरळक ठिकाणी अतिवृष्टी होण्याची शक्‍यता आहे.

मध्य महाराष्ट्रात काही ठिकाणी मुसळधार पाऊस पडेल; कोकण, गोव्यात बहुतांशी ठिकाणी; तर मध्य महाराष्ट्र, मराठवाडा व विदर्भात बऱ्याच ठिकाणी हलका पाऊस पडण्याची शक्‍यता हवामान विभागाच्या सूत्रांनी वर्तविली आहे. कोकण, गोवा व मध्य महाराष्ट्रात तुरळक ठिकाणी रविवारी (ता. 17) सकाळपर्यंत मुसळधार पाऊस पडला असल्याचे हवामान विभागाच्या सूत्रांनी सांगितले. पुणे परिसरातही काही ठिकाणी सरी पडण्याची शक्‍यता आहे.

कोकणातील ठाणे, रायगड, रत्नागिरी, पालघर जिल्ह्यांतील काही ठिकाणी पावसाच्या अधूनमधून सरी रविवारी बरसल्या असून, अनेक ठिकाणी ढगाळ हवामान होते. मध्य महाराष्ट्रातही बारामती परिसरात हलका ते मध्यम स्वरूपाचा पाऊस पडला. साताऱ्यातील महाबळेश्वर भागातही हलका पाऊस पडला.

उर्वरित नगर, पुणे, सातारा, सांगली, नाशिक भागांत ढगाळ हवामान होते. काही वेळा अधूनमधून ऊन पडत होते. खानदेशातील धुळे, नंदुरबार, जळगाव भागात ऊन पडल्याचे चित्र होते. मराठवाडा व विदर्भातही काही भागांत ढगाळ, तर काही ठिकाणी ऊन  होते. त्यामुळे वातावरणातील उकाड्यात चांगलीच वाढ झाली होती.

कोकणातील सांगे येथे अतिवृष्टी झाली, तर म्हापसा येथे जोरदार पाऊस पडला असून, उर्वरित भागात रविवारी सकाळपर्यंत हलक्‍या सरी बरसल्या. मध्य महाराष्ट्रातील जामखेड, राहाता येथे अतिवृष्टी झाली.

शिरपूर, पाथर्डी, सटाणा, बागलाण येथे जोरदार पाऊस पडला असून अनेक ठिकाणी हलका पाऊस पडला. मराठवाड्यातील जाफराबाद, केज येथेही मध्यम स्वरूपाचा, उर्वरित भागांत हलका पाऊस पडला. विदर्भातील देऊळगाव, राजा, चिखलदरा, नेर अशा काही ठिकाणी हलका
पाऊस पडला.

रविवारी (ता. 17) सकाळपर्यंत झालेला पाऊस (मिलिमीटरमध्ये)
कोकण ः सांगे 80, म्हापसा 50, मार्मगोवा, पणजी 40, दाभोलीम, मुंबई, पालघर, फोंडा, शहापूर, तलासरी, वाल्पोई 30, अलिबाग, बेलापूर, कुडाळ, मुल्दे,
पोलादपूर, संगमेश्वर देवरूख 20, भिवंडी, कानकोन, देवगड, दोडामार्ग, कर्जत, खालापूर, खेड, लांजा, मंडणगड, माथेरान, मुरूड, पेडणे, केपे, रत्नागिरी, सावंतवाडी,
उरण 10
मध्य महाराष्ट्र ः जामखेड 80, राहाता 70, शिरपूर 60, पाथर्डी 50, मालेगाव, सटाणा, बागलाण 40, चांदवड, देवळा, खंडाळा, बावडा, नवापूर, नेवासा, पुरंदर,
श्रीरामपूर 30, धुळे, गडहिंग्लज, माळशिरस, पेठ, रावेर, वाई 20, अक्कलकुवा, दहिवाडी, माण, गगनबावडा, गिधाडे, कऱ्हाड, महाबळेश्वर, पाचोरा, पन्हाळा,
राहुरी, शाहूवाडी, शिराळा, सुरगाणा, येवला 10
मराठवाडा ः जाफराबाद, केज 50, फुलंब्री 30, गंगापूर, परतूर 20, अहमदपूर, मंठा, शिरूरकासार 10
विदर्भ ः देऊळगावराजा 30, चिखलदरा, नेर 20, आर्वी, चिखली, मंगळरूळपीर, तेल्हारा 10

 

इतर अॅग्रो विशेष
कडवंची : ब्लोअरनिर्मिती उद्योगाची सुरवातकडवंची गावातील कृष्णा क्षीरसागर, सुनील जोशी या...
कडवंची : हमखास मजुरी देणारं गावद्राक्षबागांमुळे कडवंची गावात बारमाही रोजगार तयार...
कडवंची : अर्थकारणाला मिळाली बचत गटांची...शेती आणि ग्रामविकासामध्ये महिलांचा महत्त्वपूर्ण...
कडवंची : डाळिंबात तयार केली ओळखकडवंची हे द्राक्षाचे गाव. याच गावातील ज्ञानेश्वर...
कडवंची : रोपवाटिका अन्‌ शेळीपालनाची जोडकडवंचीमधील सखाराम येडूबा क्षीरसागर यांनी केवळ...
कडवंची : पाणंदमुक्‍त रस्त्यांची...रस्ते, पाणी आणि वीज हे शेतीविकासातील महत्त्वाचे...
कडवंची : घरापुरते दूध अन् शेणखतासाठी...द्राक्षाचे गाव असलेल्या कडवंचीमधील प्रत्येक...
कडवंची : पाणलोटाचं स्वप्न साकारकडवंची गावात जल, मृद संधारण, शेती विकासामध्ये...
कडवंची : लोकसहभाग, पाणी व्यवस्थापन हेच...कडवंची गावात द्राक्षातून समृद्धी दिसत असली तर...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : संघर्षातून पेललंय आव्हानकडवंचीमधील महिलांनीदेखील द्राक्ष शेतीमध्ये...
कडवंची मॉडेल : कोरडवाहूसाठी दिशादर्शक...मराठवाड्यात पावसावर आधारित कोरडवाहू शेतीला बळकट...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
कडवंची : पीक बदलाच्या दिशेने; पपई...विहीर, शेततळ्याच्या माध्यमातून पाणी उपलब्ध...
कडवंची : जमीन सुपीकतेसाठी बायोगॅस स्लरी कडवंचीमधील शेतकऱ्यांनी बायोगॅस संयंत्राची उभारणी...
कडवंची : बागेला मिळाली यंत्रांची जोडप्रयोगशील द्राक्ष बागायतदार सुरेश दगडू पाटील...
कडवंची : जल, मृद्संधारणातूनच रुजलं...कडवंची गावातील पाणीटंचाईवर मात करण्यासाठी खरपुडी...
कडवंची : पाणी व्यवस्थापन, नवतंत्रातून...काटेकोर पाणी आणि खतांचा वापर, पीक व्यवस्थापनात...
कडवंची : खरपुडी ‘केव्हीके’चे रोल मॉडेलकडवंची हे कृषी विज्ञान केंद्राचे पहिले दत्तक गाव...
‘वॉटर बजेट’ कडवंचीचे वैशिष्ट्यपाणलोट विकास, पीक बदल, पूरक उद्योगात मनापासून...