agriculture news in Marathi, agrowon, Nashik-Mumbai LongMarch of Kisan Sabha from today's | Agrowon

किसान सभेचा आजपासून नाशिक ते मुंबई लाँगमार्च
टीम अॅग्रोवन
मंगळवार, 6 मार्च 2018

नाशिक : संपूर्ण कर्जमुक्तीसह विविध मागण्यांसाठी किसान सभेतर्फे मंगळवारीपासून (ता. ६) नाशिक ते मुंबई लॉंगमार्च आंदोलनाचे आयोजन करण्यात आले आहे. राज्यभरातील शेतकरी दुपारी १ वाजता नाशिकच्या सीबीएस चौकात जमतील. त्यानंतर लॉंगमार्चचे नियोजन मांडण्यात येईल. ३ वाजता शेतकरी हजारोंच्या संख्येने मुंबईच्या दिशेने वाटचाल सुरू करतील, अशी माहिती सूत्रांनी दिली.

नाशिक : संपूर्ण कर्जमुक्तीसह विविध मागण्यांसाठी किसान सभेतर्फे मंगळवारीपासून (ता. ६) नाशिक ते मुंबई लॉंगमार्च आंदोलनाचे आयोजन करण्यात आले आहे. राज्यभरातील शेतकरी दुपारी १ वाजता नाशिकच्या सीबीएस चौकात जमतील. त्यानंतर लॉंगमार्चचे नियोजन मांडण्यात येईल. ३ वाजता शेतकरी हजारोंच्या संख्येने मुंबईच्या दिशेने वाटचाल सुरू करतील, अशी माहिती सूत्रांनी दिली.

सरकारी धोरणे व नैसर्गिक आपत्तींमुळे शेतकरी हतबल झाले आहेत. खचून जाऊन आत्महत्या करत आहेत. शेतकऱ्यांवर कोसळलेल्या या संकटाच्या काळात सरकार मात्र शेतकऱ्यांच्या मागे उभे राहण्याऐवजी फसव्या घोषणा करत आहे. कर्जमाफीच्या घोषणेनंतर राज्यात तब्बल १७५३ शेतकऱ्यांनी आत्महत्या केल्या आहेत. किसान सभेने या पार्श्वभूमीवर शेतकऱ्यांच्या प्रश्नांसाठी पुन्हा एकदा आरपार लढा करण्याचा निर्णय घेतला आहे.

लढ्याच्या पहिल्या टप्प्यात किसान सभेच्या नेतृत्वाखाली विधानसभा अधिवेशन काळात राज्यभरातून हजारो शेतकरी नाशिक येथून मुंबई विधानसभेवर पायी चालत येत लॉंग मार्च काढणार आहेत. ६ मार्च २०१८ रोजी दुपारी ३ वाजता सीबीएस चौक, नाशिक येथून या लॉंग मार्चची सुरवात होणार आहे. नाशिक येथून मुंबईपर्यंत पायी चालत आलेले हे शेतकरी अधिवेशन सुरू असताना विधानसभेला बेमुदत महाघेराव घालणार आहेत. मागण्या मान्य होईपर्यंत हा बेमुदत घेराव सुरू राहणार आहे.

डॉ. अशोक ढवळे, आमदार जे. पी. गावीत, किसन गुजर, अर्जुन आडे, डॉ. अजित नवले, सुनील मालुसरे, बारक्या मांगात, इरफान शेख, सावळीराम पवार, सुभाष चौधरी, रतन बुधर, रडका कलांगडा, इंद्रजीत गावीत आदी या आंदोलनाचे नेतृत्व करणार आहेत. 

"शेतकरी कर्जमाफीच्या अंमलबजावणीत सरकारने शेतकऱ्यांची जीवघेणी चेष्टा मांडली आहे. गारपीट व बोंड अळीसारख्या संकटाने शेतकरी कोलमडून पडले असताना सरकार केवळ फसव्या घोषणा करत आहे. दीडपट हमी भावासाठी कोणतीही ठोस तरतूद करण्याची सरकारची तयारी नाही. वनाधिकार कायद्याची अंमलबजावणी, शेतकरी पेन्शन यांसारखे प्रश्न भिजत पडले आहेत. या पार्श्वभूमीवर शेतकरी पुन्हा एकदा लढ्याला सज्ज झाले आहेत."
डॉ. अजित नवले 
सरचिटणीस, महाराष्ट्र राज्य किसान सभा

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...