सामुदायिक विवाहांसाठी प्रत्येक जिल्ह्याला एक लाख रुपये

संग्रहित छायाचित्र
संग्रहित छायाचित्र

पुणे  : शेतकऱ्यांच्या मुलांचे सामुदायिक विवाह सोहळे आयोजित करण्यासाठी नाम फाउंडेशनने पुढाकार घेतला आहे. यासाठी प्रत्येक जिल्ह्यातील धर्मादाय आयुक्त कार्यालयाला एक लाख रुपये देणार आहे, अशी माहिती ज्येष्ठ अभिनेते नाना पाटेकर आणि मकरंद अनासपुरे यांनी दिली. शुक्रवारी (ता. ६) आयोजित पत्रकार परिषदेत ते बोलत होते. मकरंद अनासपुरे म्हणाले, की अवकाळी पाऊस, गारपिटीच्या अस्मानी संकटाने उभे पीक आडवे होत आहे. 

यातच शेतकऱ्यांचे आर्थिक गणित अलीकडच्या काळात बेहिशोबी होत आहे. शेतकऱ्याचे कुटुंबही शेतीवर अवलंबून आहे. यातच मुलीचे लग्न हे शेतकऱ्याच्या अभिमानाचा, अस्मितेचा विषय असतो. त्यामुळे कर्ज काढून लग्न केले जाते. हे कर्जही शेतीवरच फेडायचे असते. नांदेड भागात आत्महत्या केलेल्या मोहिनी भिसे हिचे शेती विकून वडिलांनी लग्न लावून दिले तर पुढे त्यांचा स्त्रोत काय याचा विचार करून जीवन संपविण्याचा मार्ग पत्करला. त्यानंतरही मराठवाड्यात मुलींचया आत्महत्या झाल्या आहेत. अशावेळी धार्मिक स्थळांकडे असलेला निधी सामूहिक विवाहासाठी वापरल्यास शेतकऱ्यांना मदत होईल. यातून हुंड्यांचे दुष्टचक्र भेदण्यासाठी वेगळा मार्ग मिळेल. 

नाम फाउंडेशन सामुदायिक विवाहाचे आयोजन करत आहे. तसेच धर्मादाय आयुक्त कार्यालयाच्या वतीने होणाऱ्या सामुदायिक विवाह सोहळ्याला एक लाख रुपये देणार आहेत. यात आत्महत्या बहुल भागाला आम्ही प्राधान्य देणार आहोत. लग्न हा आनंद सोहळा सामाजिक होण्यासाठी एक गाव, एक तिथी ही प्रक्रिया सुरू होईल. यातून सर्वधर्मीय विवाहाला मदत केली जाईल. नाना पाटेकर म्हणाले, की सामुदायिक विवाहासाठी जास्तीत जास्त निधी धर्मादाय आयुक्त कार्यालयामार्फत उभा होणार आहे. बीसीसीआयमार्फतही या कामासाठी निधी उपलब्ध होणार आहे. अशा संस्था पुढे आल्यास या कामाला अधिक महत्त्व प्राप्त होते. देवस्थानांना मिळणारा पैसा समाज कामासाठी वापरला जाईल.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com