agriculture news in Marathi, agrowon, Orange crop yields 40 percent | Agrowon

संत्रा पिकाचे ४० टक्‍के नुकसान
मनोज खुटाटे 
शुक्रवार, 20 एप्रिल 2018

जलालखेडा, जि. नागपूर : जगप्रसिद्ध असलेल्या विदर्भातील संत्रा पीक व उत्पादक मागील काही वर्षांपासून अवकाळी पाऊस व बदलत्या वातावरणामुळे जेरीस आले आहेत. जानेवारी महिन्यात झालेली गारपीट व एप्रिल महिन्यात सातत्याने होत असलेला तापमान बदल यामुळे संत्रा पिकाचे ४० टक्‍क्‍यांपर्यंत नुकसान झाले आहे.

जलालखेडा, जि. नागपूर : जगप्रसिद्ध असलेल्या विदर्भातील संत्रा पीक व उत्पादक मागील काही वर्षांपासून अवकाळी पाऊस व बदलत्या वातावरणामुळे जेरीस आले आहेत. जानेवारी महिन्यात झालेली गारपीट व एप्रिल महिन्यात सातत्याने होत असलेला तापमान बदल यामुळे संत्रा पिकाचे ४० टक्‍क्‍यांपर्यंत नुकसान झाले आहे.

नागपूर जिल्ह्यातील काटोल, नरखेड, कळमेश्‍वर, सावनेर व हिंगणा तालुक्‍यात सुमारे ४५ हजार हेक्‍टर क्षेत्रात संत्रा पीक घेण्यात येते. मागील काही वर्षांत संत्रा पिकाला निसर्गाची व वातावरण बदलाची नजर लागल्याचे चित्र आहे. मागील वर्षी २०१७ साली मे महिन्यात झालेल्या पावसामुळे ताणाचे गणित बिघडले. ८० टक्‍क्‍यांपर्यंत मृग बहर गळाला. 

सप्टेंबर व ऑक्‍टोबर यंदा जानेवारी महिन्यात गारपीटीमुळे संत्रा बागायतदारांचे नुकसान झाले. आता एप्रिल महिन्यात सातत्याने होत असलेल्या तापमान बदलाचा फटका संत्रा उत्पादकांना सहन करावा लागत आहे. तापमान ४४ डिग्रीपर्यंत पोहचल्याने फळगळ होण्याचे प्रमाण वाढले आहे. अशातच भूजल पातळीत होणारी घट यामुळे सिंचनास अडथळा निर्माण होणार असल्याने संत्रा गळती वाढेल असे जार शेतकऱ्यांनी सांगितले. 

मृग बहराची फुट निसर्गाच्या अनियमितेमुळे कमी झाली. काही भागात गारपीट झाल्याने त्याचे नुकसान झाले. तसेच गारपीटीच्या वेळी यावर आंबिया बहार देखील होता याचे नुकसान झाले. पण आता गारपिटीचा प्रभाव राहिला नाही. आता फक्त वाढत्या तापमानामुळे काही प्रमाणत फळांची गळ होईल. शेतकऱ्यांनी नियोजन करून सिंचन केल्यास फळगळ कमी होईल. 
- अजय आटे, तालुका कृषी अधिकारी, नरखेड 

 

संत्रा व मोसंबीच्या बागांमध्ये फळांची फूट कमी झाली आहे. त्यात मागील दोन महिन्यापूर्वी झालेल्या गारपिटीचा परिणाम आता दिसू लागला आहे. आंबिया बहारच्या संत्राला झाडांना गारपिटीची इजा झाल्यामुळे वाळतात व तयार झालेल्या फंगसमुळे गळती वाढली आहे.
- वसंत चांडक, संत्रा उत्पादक, माजी सभापती, पं.स. नरखेड 

 

संत्र्याचा आंबिया बहर व मोसंबी बागांची फुट उशिरा झाली. सध्या फळे कोहळ्या अवस्थेत आहे. त्यात एकाएकी तापमानात वाढ झाल्यामुळे ५० ते ६० टक्‍के फळांची गळ झाली आहे. शेतकऱ्यांचे नुकसान ५० टक्‍क्‍याहून अधिक असल्याने शासनाने नियमानुसार नुकसान भरपाई द्यावी. 
- प्रदीप गंगाराम कळंबे, संत्रा उत्पादक, जलालखेडा 
 

इतर ताज्या घडामोडी
पाणी अमूल्य असल्याने जनजागृतेची गरज ः...कोल्हापूर : ‘‘पाण्यासाठी व्यापक जनजागृती होणे...
येवला तालुक्यात हंडाभर पाण्यासाठी वणवणनाशिक : कमी पावसामुळे येवला तालुक्यात पाणीटंचाई...
हवामानविषयक समस्यांमुळे शेतीवर परिणाम ः...परभणी ः जागतिक तापमान वाढ, पावसातील अनियमितता,...
मतदार यादीत वाढला महिलांचा टक्कानगर : निर्दोष मतदार यादी तयार करण्यासाठी जिल्हा...
तापमानातील चढ-उताराचा अंजीर उत्पादकांना...परभणी : तापमानातील चढ-उतारामुळे अंजिराची फळे...
गुलटेकडीत भाजीपाल्याची आवक कमी; दर वाढलेपुणे ः गुलटेकडी येथील कृषी उत्पन्न बाजार...
यंदा मतदानात महिला पुरुषांना मागे टाकणारनवी दिल्ली : लोकसभा निवडणुकांमध्ये पुरुषांपेक्षा...
शक्तिशाली उल्कापातापासून बचावली पृथ्वीपुणे ः अमेरिकेतील अवकाश संशोधन संस्था ‘नासा’...
संत्रा बागांना उरला केवळ टॅंकरचा आधारअमरावती : संत्रा बागा जगविण्यासाठी...
मराठवाड्याच्या पाण्यासाठी फक्त बोलून...परभणी : केवळ जायकवाडीच्या हक्काच्या...
राज्यात चार हजाराने मतदान केंद्रे वाढलीमुंबई  : लोकसभा निवडणुकीसाठी राज्यात...
काँग्रेस-राष्ट्रवादीच्या महाआघाडीचा...मुंबई : गेले सहा महिने विविध समविचारी पक्षांशी...
चंद्रपूर : बांगडेंच्या उमेदवारीने...चंद्रपूर : गेल्या पंधरवाड्यापासून चंद्रपूर...
प्रियांका गांधींचा नागपुरात होणार रोड शोनागपूर ः काँग्रेस उमेदवाराच्या प्रचारार्थ...
अमरावती लोकसभेसाठी होईल दुहेरी लढतअमरावती : शिवसेनेकडून दोनदा संसदेत गेलेल्या...
संजय धोत्रे चौथ्यांदा लोकसभा...अकोला :  लोकसभा निवडणुकीची रणधुमाळी सुरू...
लोकसभा निवडणुकीसाठी आतापर्यंत ७१...मुंबई : लोकसभा निवडणूक २०१९ अंतर्गत आज पहिल्या व...
शेती, बेरोजगारी, वाहतूक कोंडी प्रश्‍...पुणे : जिल्ह्यातील ‘शेतीसंपन्न’ आणि ‘औद्योगिक...
भाजपच्या चार विद्यमान खासदारांचा पत्ता...मुंबई : लोकसभा निवडणुकीसाठी भाजपाने...
सातारा : प्रमुख धरणांतील पाणीसाठ्यात घटसातारा : कमी पर्जन्यमानाचा परिणाम...