Agriculture news in marathi, AGROWON, Osmanabad, Sakkarwadi, paranda, Andhare and Vishakha Taware | Agrowon

'त्यांनी' विद्यार्थीच नव्हे, तर गावालाही घडवले
सुषेन जाधव
बुधवार, 6 सप्टेंबर 2017

अंधारे आणि विशाखा तावरे या शिक्षक दांपत्याने ग्रामस्थांना केवळ जलसाक्षरच केले नाही, तर गावात लोकसहभागातून जलसंधारणाची कामे केली. त्याचेच फलित म्हणजे आज हे गाव 'पाणीदार' झाले आहे. 

औरंगाबाद : 'जल है तो कल है,' अशी हिंदीत म्हण आहे. पण, अजूनही आपल्याकडे जलसाक्षरतेकडे गांभीर्याने पाहिले जात नाही. त्यामुळेच उन्हाळ्यामध्ये गावोगावी डोक्‍यावर हंडे घेतलेली बायका-मुले दिसतात. हे चित्र बदलण्याचा निश्‍चय उस्मानाबाद जिल्ह्यातील सक्करवाडी (ता. परंडा) येथील जिल्हा परिषद प्राथमिक शाळेतील एका शिक्षक दांपत्याने केला.

हे दांपत्य केवळ विद्यार्थ्यांना विद्यादानच करीत नाही; तर त्यांनी सर्व ग्रामस्थांना जलसाक्षर करून गावाला 'पाणीदार' केले आहे. अमोल अंधारे आणि विशाखा तावरे अशी त्या आदर्श शिक्षकांची नावे आहेत. 

86 उंबऱ्यांचे गाव असलेल्या सक्करवाडीची लोकसंख्या अवघी 580. या ठिकाणी पहिली ते चौथीपर्यंतची जिल्हा परिषद शाळा सोडली तर इतर कुठलीही सुविधा नाही. गावात जाण्यासाठी अद्यापही धड रस्ता नाही. त्यामुळे ग्रामस्थांना अनेक अडचणींना सामोरे जावे लागते. विशेष म्हणजे या गावात कुण्या शिक्षकाची बदली झाली तर त्याला काळ्या पाण्याची शिक्षाच समजले जाते. त्यामुळे शिक्षक या शाळेला कायम नकार देत आले. या शाळेवर जून 2016 मध्ये अंधारे आणि तावरे या शिक्षक पती-पत्नीची बदली झाली. पण, त्यांनी त्याला शिक्षा समजली नाही. उलट यातून आपल्याला समाजाची सेवा करण्याची संधीच मिळाली असा दृष्टिकोन ठेवून त्यांनी गावातील समस्या सोडवण्यासाठी हिरिरीने पुढाकार घेतला. गावातील मुख्य समस्या होती ती पाण्याची. त्यासाठी ग्रामस्थांना मैलोन्‌मैल पायपीट करावी लागत असे. हे चित्र बदलण्यासाठी या शिक्षक दांपत्याने ग्रामस्थांना केवळ जलसाक्षरच केले नाही, तर गावात लोकसहभागातून जलसंधारणाची कामे केली. त्याचेच फलित म्हणजे आज हे गाव 'पाणीदार' झाले आहे. 

शाळेचेही रूप पालटले 
या दांपत्याच्या पुढाकारातून ग्रामस्थांनी अडीच लाख रुपयांची वर्गणी जमा केली. त्यातून शाळेत ई-लर्निंग सुविधा उपलब्ध झाली. भिंतींना पेटिंग करून बोलके करण्यात आले. आता या शाळेत विद्यार्थ्यांच्या सर्वांगीण विकासासाठी विविध उपक्रम राबविले जातात. मोबाईल डिजिटल स्कूल या संकल्पनेनुसार शिक्षण दिले जात आहे. यात पर्वत, किल्ल्याची माहिती विद्यार्थ्यांना देताना प्रत्यक्ष प्रोजेक्‍टरवर तो दाखविला जातो. यातून कृतीतून शिक्षण मिळण्यास मदत होते.

इतर ताज्या घडामोडी
आंतरमशागत, जलसंधारण सरी फायदेशीर...आंतरमशागतीमुळे माती भुसभुशीत होते. जमिनीतील ओलावा...
औरंगाबाद येथे हिरवी मिरची २००० ते २५००... औरंगाबाद  : येथील कृषी उत्पन्न बाजार...
चुंबकीय नॅनो तंत्रज्ञानाद्वारे...राईस विद्यापीठातील अभियंत्यांनी विहिरीतील तेलाचा...
ओळखा जनावरांमधील सर्पदंश...पावसाळ्यात शेती, गोठ्याच्या आजूबाजूच्या परिसरात...
पुणे जिल्ह्यातील धरणे ‘ओव्हरफ्लो’ पुणे  : जिल्ह्यातील बहुतांशी भागात पावसाचा...
कोल्हापूरच्या पश्‍चिमेकडे पावसाचा जोर...कोल्हापूर  : जिल्ह्याच्या पश्‍चिम भागात...
पुणे जिल्ह्यात दीड लाख हेक्‍टरवर खरिपपुणे   ः गेल्या पाच ते सहा दिवसांपासून पुणे...
नगरमध्ये मुगाचे क्षेत्र वाढतेय; पण...नगर  ः जिल्ह्यात खरिपात मुगाचे क्षेत्र...
सोलापूरातील अवघ्या ५० हजार शेतकऱ्यांना...सोलापूर  : कर्जमाफीची प्रक्रिया गेल्या काही...
डाळिंबाचा प्रतिकिलो दर २० ते २२ रुपयांवरसोलापूर ः राज्यातील प्रमुख बाजार समित्यांमध्ये...
केरळला २० कोटींची मदत ः मुख्यमंत्री...मुंबई : केरळमध्ये अतिवृष्टीमुळे ओढवलेल्या...
दूध भुकटी उद्योग संकटात ; शेतकऱ्यांना...सोलापूर : दूध व दुग्धजन्य पदार्थांची...
शेतकऱ्यांनो, संघटित होऊन संघर्ष करा :...आळेफाटा, जि. पुणे : ‘‘शेतकऱ्यांवर प्रत्येक...
पंतप्रधानांकडून केरळसाठी 500 कोटींची...तिरुअनंतपुरम : केरळमध्ये मुसळधार पाऊस आणि...
परभणीत फ्लॉवर प्रतिक्विंटल १००० ते १२००...परभणी  ः  येथील जुना मोंढा भागातील फळे-...
पुणे जिल्ह्यात सर्वदूर पाऊसपुणे  : जिल्ह्यात गुरुवारी (ता. १६) सर्वदूर...
नांदेड, परभणी, हिंगोलीतील ८१...नांदेड  ः नांदेड, परभणी, हिंगोली जिल्ह्यांत...
शेतीमालावरील निर्यातबंदी हटवा;...सांगली : डॉलरच्या तुलनेत रुपयाचे अवमूल्यन होत...
अटल बिहारी वाजपेयी अनंतात विलीननवी दिल्ली : माजी पंतप्रधान अटलबिहारी वाजपेयी...
पुणे विभागात आडसाली ऊसाची ५१ हजार ६८०...पुणे  : जून, जुलै महिन्यांत पडलेल्या...