agriculture news in Marathi, agrowon, patangrao kadam funeral | Agrowon

डॉ. पतंगराव कदम अनंतात विलीन; साश्रुनयनांनी निरोप
टीम अॅग्रोवन
शनिवार, 10 मार्च 2018

कडेगाव, जि. सांगली  : काँग्रेसचे ज्येष्ठ नेते माजी मंत्री डॉ. पतंगराव कदम यांच्यावर शनिवारी (ता. १०) सायंकाळी सोनहिरा कारखान्याच्या कार्यस्थळावर शोकाकूल वातावरणात शासकीय इतमामात अंत्यसंस्कार करण्यात आले.

कडेगाव, जि. सांगली  : काँग्रेसचे ज्येष्ठ नेते माजी मंत्री डॉ. पतंगराव कदम यांच्यावर शनिवारी (ता. १०) सायंकाळी सोनहिरा कारखान्याच्या कार्यस्थळावर शोकाकूल वातावरणात शासकीय इतमामात अंत्यसंस्कार करण्यात आले.

या वेळी मुख्यमंत्री देवेंद्र फडणवीस, खासदार राजीव सातव, खासदार उदयनराजे भोसले, कृषी राज्यमंत्री सदाभाऊ खोत, माजी मुख्यमंत्री पृथ्वीराज चव्हाण, काँग्रेस प्रदेशाध्यक्ष अशोक चव्हाण, बाळासाहेब थोरात, आमदार बाळासाहेब पाटील, माजी उपमुख्यमंत्री अजित पवार, आमदार सुधीर गाडगीळ, सहकारमंत्री सुभाष देशमुख, महसूलमंत्री चंद्रकांत पाटील, ग्रामविकासमंत्री पंकजा मुंडे, केंद्रीय सामाजिक व न्याय राजमंत्री रामदास आठवले, माजी मंत्री आमदार जयंत पाटील, मोहन प्रकाश, ज्येष्ठ नेते एन. डी. पाटील, जिल्हाधिकारी विजयकुमार काळम-पाटील, विजयसिंह मोहिते पाटील यांनी श्रद्धांजली वाहिली.

या वेळी शोक सभेत सर्व प्रमुख नेत्यांनी डॉ. कदम यांना आदरांजली वाहिली. अतिशय प्रतिकूल परिस्थिती संघर्षातून त्यांनी शैक्षणिक सामाजिक आणि राजकीय क्षेत्रात उत्तुंग काम केले आहे. त्यांचे अचानक जाणे हे राज्याला चटका लावणारे आहे. त्यांच्या निधनामुळे राज्याचे आणि सांगलीचे मोठे नुकसान झाल्या मत नेत्यांनी व्यक्त केले.

तत्पूर्वी डॉ. कदम यांचे पार्थिव मूळ गावी सोनसळ येथे दर्शनासाठी ठेवण्यात आले. या वेळी संपूर्ण गाव सुन्न झालं होत. जिल्ह्यासह सातारा, कोल्हापूर, पुणे, सोलापूर, या जिल्ह्यातील लाखोंचा जनसमुदाय लोटला. डॉ. कदम यांनी मागील तीन ते चार दशकांच्या काळात सामाजकारण, राजकारण आणि विविध संस्थांच्या माध्यमातून रोजगार उपलब्ध करून दिल्याच्या आठवणी गावातील जनतेनी जागविल्या.

पंचक्रोशीतील गावातील सर्व व्यवहार बंद करून सकाळपासून त्याच्या सोनसळ येथील घरासमोर नेत्यांची गर्दी झाली होती. दुपारी तीनच्या सुमारास त्यांच्या मूळ गावी आल्यानंतर गावकऱ्यांना गहिवरून आले होते. गेल्या दोन, अडीच महिन्यांपासून प्रकृती अस्वास्थामुळे डॉ. कदम यांना गावी येणे शक्य झाले नव्हते, साहेब बरे होऊन परत येतील, अशी आशा गावकऱ्यांना होती. मात्र डॉ. कदम यांचे पार्थिव पाहून जनतेचा बांध फुटला. सायंकाळी ६ च्या सुमारास जिल्हा पोलिस दलाने सलामी दिली. त्यानंतर त्याचे पुत्र डॉ. विश्वजित कदम यांनी अग्नी दिला.
 

इतर ताज्या घडामोडी
परभणी : धरणांच्या जलाशयातील उणे...परभणी ः वाढते तापमान, बेसुमार उपसा, वेगाच्या...
नाशिक : पाणीटंचाई आणि चाऱ्याच्या...अंबासन, जि. नाशिक : बागलाण परिसरातील गावागावांत...
देगावात दुष्काळाचा फळबागांना मोठा फटकावाळूज, जि. सोलापूर : यंदाच्या भीषण दुष्काळाचा...
वऱ्हाडाला केंद्रीय मंत्रिपदाची अपेक्षाअकोला : या लोकसभा निवडणुकीत पुन्हा एकदा मतदारांनी...
केंद्रीय मंत्रिपदासाठी शिवसेनेच्या...मुंबई : अनंत गिते, आनंदराव अडसूळ, चंद्रकांत...
कॉँग्रेस नेते मुख्यमंत्रिपदाची स्वप्ने...नगर  ः कॉँग्रेसचे महाराष्ट्रातील नेते...
सरसकट कर्जमाफीसाठी सरकारला विनंती करू ः...शेटफळगढे, जि. पुणे : यूपीए सरकारच्या काळात आपण...
रत्नागिरी, कर्नाटक हापूसचा हंगाम अंतिम...पुणे  : ग्राहकांची विशेष पसंती असलेल्या...
नगर जिल्ह्यात दुष्काळी स्थितीमुळे...नगर ः उसासोबत ज्वारीचे आगार म्हणून ओळख असलेल्या...
विमा कंपन्यांच्या अधिकाऱ्यांसमवेत १...अमरावती : विमा कंपन्यांच्या हेकेखोरपणापुढे...
यवतमाळ बाजार समितीत हळद खरेदीस प्रारंभयवतमाळ  ः जिल्ह्यात हळदीखालील क्षेत्रात वाढ...
शेतकऱ्यांना व्यापारी करण्यावर भर: कृषी...बारामती, जि. पुणे ः आपल्याकडे पिकणाऱ्या प्रत्येक...
पुणे बाजारात आले, टोमॅटोच्या भावात...पुणे : गुलटेकडी येथील कृषी उत्पन्न बाजार...
दुष्काळ पाहूनही मदतीचं आश्वासन नाय दिलंकोल्हापूर/सांगली ः गेल्या महिन्यात आमच्याकडं...
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...