Agriculture News in Marathi, AGROWON, Pest attack on Sugarcane | Agrowon

हुमणी, पांढऱ्या माशीचा उसाला पडलाय विळखा
राजकुमार चौगुले
मंगळवार, 5 सप्टेंबर 2017

''कोल्हापूर, सांगलीच्या सीमाभागावरील वारणा पट्ट्यात हुमणी (होलोट्रिकिया सेराटा) सत्तर टक्के क्षेत्रावर आली आहे. माळावरची हुमणी असे त्याला संबोधले जाते. फायलोग्नॅथस डायनोसीस ही हुमणी तीस टक्के भागावर आली आहे. याशिवाय या दोन जिल्ह्यांतील इतर भागांत हुमणीचा प्रादुर्भाव दिसून येत आहे. अनेक ठिकाणी पाण्याचे व्यवस्थापन असूनही पिवळा झालेला ऊस पाहावयास मिळत आहे.''
- डॉ. पांडुरंग मोहिते, कीटकशास्त्रज्ञ, कीटकशास्त्र विभाग, कोल्हापूर कृषी महाविद्यालय 

कोल्हापूर : राज्यातील बहुतांशी भागातील उसाला यंदा पाऊस लांबल्याचा फटका बसला आहे. पश्‍चिम महाराष्ट्रातील ऊस पट्ट्यात हुमणी आणि पांढऱ्या माशीच्या प्रादुर्भावाने हैराण करून सोडले आहे.

प्रतिकूल हवामान, पावसाने दिलेली ओढ व जमिनीत पुरेसा वाफसा नसल्याने कोल्हापूर, सांगली, सोलापूर, सातारा भागांत हुमणीने उसावर डल्ला मारला आहे. तर नगर, नाशिक, जिल्ह्यातील उसावर पांढऱ्या माशीने आक्रमण केले आहे. परिणामी उसाच्या उत्पादनात सुमारे पंधरा टक्‍क्‍यापर्यंत घट होण्याची शक्‍यता जाणकार व्यक्त करीत आहेत. 

दक्षिण महाराष्ट्रात अस्वस्थता...
दक्षिण महाराष्ट्रातील ऊस उत्पादकांसमोर संकटाची मालिका सुरू झाली आहे. कोल्हापूर, सांगली जिल्ह्यांत हुमणीने ऊस फस्त करण्यास सुरवात केली आहे. दोन्ही जिल्ह्यांतील बहुतांशी उसाच्या प्लॉटवर वेगवेगळ्या प्रकारची हुमणी अळी आढळून येत आहे. पाऊस नसल्याने कोरड्या झालेल्या जमिनीत हुमणी जास्त प्रमाणात आढळून येत आहे.

सोलापूर भागातही एकूण उसाच्या पाच ते दहा टक्के उसावर हुमणीचा प्रादुर्भाव आहे. यंदा पावसाने ओढ दिल्यानेच हुमणीचा प्रादुर्भाव झाला आहे. काही प्रमाणात उपायांनी हुमणीचे नियंत्रण करणे शक्‍य असले, तरी तरी मोठा पाऊसच हुमणीचे नैसर्गिक नियंत्रण करू शकतो, असे तज्ज्ञांचे मत आहे. यामुळे शेतकऱ्याला आता पावसाचा धावा केल्याशिवाय पर्यायच उरला नाही. 

प्रतिकूल परिस्थितीचा परिणाम
राज्यातील ऊस पट्ट्यामध्ये नगर व नाशिक जिल्ह्यांतील गोदावरी नदीकाठच्या भागाचा समावेश होतो. या भागात प्रत्येक वर्षी काही प्रमाणात रोग किडींचा प्रादुर्भाव असतो. यंदा मात्र ठळकपणे पांढऱ्या माशीचा प्रादुर्भाव या भागातील उसावर झाल्याचे तज्ज्ञांनी सांगितले. केवळ उपलब्ध पाण्याच्या स्रोतावर उसाचे पीक व्यवस्थीत येईल याची खात्री देता येत नाही.

यंदा पावसाने उशिरा सुरवात केली. यातच बहुतांशी दिवस पावसाळी हवामान नव्हतेच. कडक ऊन, ढगाळ हवामान असल्याने याचा प्रतिकूल परिणाम उसावर झाला. नगर, नाशिक जिल्ह्यांतील उसालाही याचा फटका बसला असल्याचे पाडेगाव ऊस संशोधन केंद्रातून सांगण्यात आले. या भागात हुमणीचा प्रादुर्भाव फारसा नसला तरी पांढरी माशी मात्र बहुतांशी ठिकाणी आढळत आहे.

अनुकूल हवामानात किडींचा जास्त उद्रेक
प्रतिकूल हवामान, अनियमित पाऊस, पिकाला पाण्याचा ताण पडणे, खतांची असमतोल मात्रा दिली गेल्यास अशा दुय्यम किडींचा जास्त उद्रेक होण्याची शक्‍यता असते. ऊस लागवडीनंतर ३ महिन्यांपासून ऊस तुटेपर्यंत कोणत्याही अवस्थेमध्ये याचा प्रादुर्भाव आढळून येतो.

पांढऱ्या माशीच्या दोन प्रजाती महाराष्ट्रात आढळून येतात. त्यापैकी ॲलियुरोलोबस्‌ बॅरोडेन्सिस्‌ ही पांढरी माशी जास्त प्रमाणात आढळून येते. सध्या नगर, नाशिक भागांत याचा प्रादुर्भाव जास्त आहे. जर पांढऱ्या माशीचा प्रादुर्भाव ८० टक्‍क्‍यांपर्यंत म्हणजे (१७ कोष प्रतिचौरस इंच) असेल तर ऊस उत्पादनामध्ये २३ ते २४ टक्के व साखर उत्पादनामध्ये २.९ युनिटने घट येते, असे मध्यवर्ती ऊस संशोधन केंद्र पाडेगावचे कीटकशास्त्रज्ञ डॉ. मंगेश बडगुजर यांनी सांगितले.

इतर अॅग्रो विशेष
कपाशीवर किडींचा प्रादुर्भावअकोला ः या हंगामात मेअखेर तसेच जूनच्या पहिल्या...
शेतीचा पाणीवापर कमी करण्याची गरज : नीती...नवी दिल्ली : देशात पाण्याचा अतिवापर सुरू असून,...
कर्ज नाही म्हणत नाहीत, अन्‌ देत बी...नगर ः खरिपात बी बियाणं, खतं घेण्यासाठी पीककर्जाची...
माॅन्सूनने जवळपास महाराष्ट्र व्यापलापुणे : दाेन आठवडाभराच्या विश्रांतीनंतर नैऋत्य...
राज्यात सर्वदूर पावसाचा अंदाजपुणे : मॉन्सून सक्रिय झाल्याने राज्याच्या विविध...
मराठवाड्यात पहिल्या टप्प्यात सोयाबीन...औरंगाबाद : मराठवाड्यात मोसमी पावसाच्या आगमनानंतर...
एकात्मिक खत व्यवस्थापनातून दर्जेदार...सरकोली (जि. सोलापूर) येथील प्रयोगशील शेतकरी...
पीक फेरपालटासह खताचे नेटके नियोजनअकोला देव (ता. जाफ्राबाद, जि. जालना) कपाशी...
दोन आठवड्यांनंतर मॉन्सूनची प्रगती..पुणे : नैऋत्य मोसमी वाऱ्यांनी (मॉन्सून)...
राज्यात दमदार पाऊस; कोकण, विदर्भात...पुणे : मॉन्सून सक्रिय झाल्याने कोकण, मध्य...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील १३९...
बाजारात कांदा टप्प्याटप्प्याने आणा..नाशिक : येत्या काळात देशभरातील कांदा बाजारात आवक...
दागिने गहाण टाकून पीककर्ज भरले...कोल्हापूर ः कारखान्यांनी एफआरपी देताना हात आखडता...
राज्यातील सोसायट्यांच्या दहा हजार...नाशिक : विविध कार्यकारी सेवा सहकारी संस्थांमार्फत...
राज्यातील पाच नदी खोऱ्यांच्या जल...मुंबई : राज्यातील महत्त्वपूर्ण अशा कृष्णा,...
जमिनीची सुपीकता जपत वाढविले पीक उत्पादनकुडजे (ता. हवेली, जि. पुणे) येथील शुभांगी विनायक...
शिक्षण, जलसंधारणातून ग्रामविकासाला गतीमराठवाडा ग्रामीण विकास संस्थेचा आरोग्य सेओवा,...
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...