agriculture news in Marathi, agrowon, Provide funds for project seekers | Agrowon

प्रकल्पग्रस्तांच्या मागण्यांसाठी निधीची तरतूद करा
टीम अॅग्रोवन
गुरुवार, 15 मार्च 2018

मुंबई : आर्थिक संकटावर मात करण्यासाठी भाडेपट्ट्याने दिलेल्या सरकारी जमिनीचे भाडे वाढवावे, अशी सूचना शिवसेनेचे पाटणचे आमदार शंभूराज देसाई यांनी राज्य सरकारला केली. याशिवाय कोयना तसेच कृष्णा खोऱ्यातील प्रकल्पग्रस्तांच्या पुनर्वसनासाठी मदत आणि पुनर्वसन विभागाला अधिक निधीची तरतूद करावी, अशी मागणीही त्यांनी केली.

मुंबई : आर्थिक संकटावर मात करण्यासाठी भाडेपट्ट्याने दिलेल्या सरकारी जमिनीचे भाडे वाढवावे, अशी सूचना शिवसेनेचे पाटणचे आमदार शंभूराज देसाई यांनी राज्य सरकारला केली. याशिवाय कोयना तसेच कृष्णा खोऱ्यातील प्रकल्पग्रस्तांच्या पुनर्वसनासाठी मदत आणि पुनर्वसन विभागाला अधिक निधीची तरतूद करावी, अशी मागणीही त्यांनी केली.

विधानसभेत राज्याच्या २०१८-१९ या वर्षाच्या अर्थसंकल्पावरील चर्चेत ते बोलत होते. या चर्चेत सहभागी होताना देसाई यांनी सरकारला उत्पन्नवाढीसाठी काही उपाययोजना सूचविल्या. मुंबईसह, पुणे, नागपूर, महाबळेश्वर येथील मोक्याच्या जमिनी सरकारने उद्योग, हॉटेल्सला भाडेपट्ट्याने दिल्या आहेत. भाडेपट्ट्याच्या जमीन भाड्यात दर दोन-पाच वर्षांनी वाढ करण्यात यावी. या दरवाढीतून मिळणारे कोट्यवधीचे उत्पन्न सरकारला विकास कामासाठी वापरता येईल, असे देसाई म्हणाले.

राज्य सरकारने कृष्णा खोरे विकासाची कामे सुरू केली आहेत. मात्र, प्रकल्पग्रस्तांच्या पुनर्वसनासाठी अर्थसंकल्पात पुरेशी तरतूद नाही. ६० ते ७० वर्ष उलटूनही कोयना धरणग्रस्तांचे पुनर्वसनाचे प्रश्न कायम आहेत. पुनर्वसनासह नागरी सुविधांच्या मागणीसाठी कोयना प्रकल्पग्रस्तांनी आंदोलन सुरू केले आहे. त्यामुळे मदत आणि पुनर्वसन विभागाला अधिकची तरतूद केली तर प्रकल्पग्रस्तांचे प्रश्न सुटण्यास मदत होईल, असे शंभूराज देसाई यांनी सांगितले. 

मुख्यमंत्री पेयजल टप्पा दोनच्या योजनेसाठी अर्थसंकल्पात केलेली तरतूद कमी आहे. केंद्राच्या राष्ट्रीय पेयजल योजनेचा आराखडा मोठा आहे. हा आराखडा अंमलात येण्यासाठी २०२१ किंवा २०२२ हे वर्ष उजाडेल. त्यामुळे मुख्यमंत्री पेयजल योजनेसाठी अर्थसंकल्पात अधिकची तरतूद करावी. आता तरतूद करणे शक्य नसेल तर जुलैमधील अधिवेशनात मांडण्यात येणाऱ्या पुरवणी मागणीत निधी उपलब्ध करून द्यावा, अशी मागणी शंभूराज देसाई यांनी केली. 

वीजजोडणीकडे लक्ष द्यावे
कृषिपंपाच्या वीजजोडणीवरून राज्यात असमतोल निर्माण झाला आहे. विदर्भ, मराठवाड्यात डिसेंबर २०१७ पर्यंत अर्ज केलेल्या शेतकऱ्यांना वीजजोडणी देण्यात आली आहे. परंतु, पश्चिम महाराष्ट्रातील डिसेंबर २०१४ पर्यंतचे वीजजोडणीचे अर्ज प्रलंबित आहेत, याकडे त्यांनी सरकारचे लक्ष वेधले.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...