agriculture news in marathi, agrowon, rain in September, maharashtra | Agrowon

सप्टेंबरमध्ये तेरा दिवसांत सरासरीच्या २७ टक्के पाऊस
संदीप नवले
शुक्रवार, 15 सप्टेंबर 2017

पुणे ः यंदा सप्टेंबर महिन्यात चांगला पाऊस होण्याचा अंदाज हवामान विभागाने दिला होता. मात्र गेल्या पावसाचे चित्र बघता अनेक भागांत पावसाने दडी मारली आहे. एक ते १३ सप्टेंबर या कालावधीतील सरासरी २०२. १ मिलिमीटर एवढी आहे. मात्र, या तेरा दिवसांत अवघा ५५.८ मिलिमीटर म्हणजे २७.६ टक्के पाऊस पडला आहे. राज्यातील २०६६ मंडळांपैकी तब्बल ९४१ मंडळांत पन्नास टक्क्यांपेक्षा कमी पाऊस झाल्याचे हवामान विभागाने सांगितले.  

पुणे ः यंदा सप्टेंबर महिन्यात चांगला पाऊस होण्याचा अंदाज हवामान विभागाने दिला होता. मात्र गेल्या पावसाचे चित्र बघता अनेक भागांत पावसाने दडी मारली आहे. एक ते १३ सप्टेंबर या कालावधीतील सरासरी २०२. १ मिलिमीटर एवढी आहे. मात्र, या तेरा दिवसांत अवघा ५५.८ मिलिमीटर म्हणजे २७.६ टक्के पाऊस पडला आहे. राज्यातील २०६६ मंडळांपैकी तब्बल ९४१ मंडळांत पन्नास टक्क्यांपेक्षा कमी पाऊस झाल्याचे हवामान विभागाने सांगितले.  

येत्या दहा ते पंधरा दिवसांत या मंडळांत चांगला पाऊस झाल्यास पाणीटंचाई कमी होईल. अन्यथा आगामी काळात या मंडळांतील नागरिकांना भीषण पाणीटंचाईला सामोरे जावे लागण्याची शक्यता आहे. 

सप्टेंबर महिन्याच्या सुरवातीचा आठवड्यात पावसाचे प्रमाण अत्यंत कमी होते. परंतु, ८ सप्टेंबरपासून पावसाला पुन्हा सुरवात झाली. त्यानंतर राज्यात कमी अधिक पाऊस होत होता. मात्र, गेल्या दोन ते तीन दिवसांत राज्यातील काही भागांतच पाऊस झाला आहे. परंतु, तेरा दिवसांतील पडणाऱ्या पावसाचे प्रमाण बघता अनेक भागात कमी पाऊस झाल्याचे दिसून येते. यामध्ये प्रामुख्याने विदर्भातील गोंदिया जिल्ह्यात सर्वात कमी पाऊस झाला आहे.

पन्नास टक्केहून कमी पाऊस झालेल्या जिल्ह्यामध्ये कोकणातील पालघर जिल्ह्याचा समावेश आहे. मध्य महाराष्ट्रातील नाशिक, जळगाव, मराठवाड्यातील नांदेड, विदर्भातील अकोला, वाशीम, अमरावती, यवतमाळ, वर्धा, भंडारा, चंद्रपूर, गडचिरोली जिल्ह्यातही कमी पाऊस झाला आहे. 

तेरा दिवसांत कोकण विभागात सरासरी ३७९.० मिलिमीटर एवढा पाऊस पडतो. परंतु, प्रत्यक्षात अवघा १०१.८ मिलिमीटर म्हणजेच २६.९ टक्के पाऊस पडला. मध्य महाराष्ट्रातील नाशिक विभागात सरासरी १५८.६ मिलिमीटर एवढा पाऊस पडतो. प्रत्यक्षात ३८.४ मिमी म्हणजेच २४.२ टक्के पाऊस पडला. पुणे विभागात सरासरीच्या १५८.२ मिलिमीटरपैकी ७४.३ म्हणजेच अवघे ४७ टक्के पाऊस पडला आहे.

मराठवाड्यात सरासरी १७६.९ मिलिमीटर एवढा पाऊस पडतो. प्रत्यक्षात ५९ मिलिमीटर म्हणजेच अवघे ३३.४ टक्के पाऊस पडला आहे. विदर्भातील अमरावती विभागात सरासरी १६६.७ मिलिमीटरपैकी प्रत्यक्षात ३३.९ म्हणजेच अवघे २०.३ टक्के पाऊस पडला आहे. नागपूर विभागात सरासरी २०९.५ मिलिमीटरपैकी ३७.४ मिलिमीटरपैकी अवघे १७.९ टक्के पाऊस पडला असल्याचे दिसून येते. तेरा दिवसांतील पावसाचा विचार केल्यास कोकण आणि विदर्भात पडणाऱ्या पावसाचे प्रमाण अत्यंत कमी असल्याचे दिसून येते.  

४८२ मंडळांमध्ये २५ टक्केपेक्षा कमी पाऊस
यंदा सप्टेंबर महिन्यात राज्यातील ४८२ मंडळात २५ टक्के कमी पाऊस झाल्याचे दिसून येते. तर ४५९ मंडळात २५ ते ५० टक्के एवढा पाऊस झाला आहे. तर ३४९ मंडळात ५० ते ७५ टक्के, २५६ मंडळात ७५ ते १०० टक्के, ५१९ मंडळात शंभर टक्क्यांहून अधिक पाऊस झाल्याचे दिसून येते. 

टक्केवारीनुसार कमी झालेल्या पावसाची जिल्हे ः 
० ते २५ टक्के झालेली पावसाची जिल्हे ः गोंदिया 
२५ ते ५० टक्के झालेली पावसाची जिल्हे ः पालघर, नाशिक, जळगाव, नांदेड, अकोला, वाशीम, अमरावती, यवतमाळ, वर्धा, भंडारा, चंद्रपूर, गडचिरोली 
५० ते ७५ टक्के झालेली पावसाची जिल्हे ः ठाणे, रायगड, रत्नागिरी, सिंधुदूर्ग, कोल्हापूर, औरंगाबाद, लातूर, हिगोली, बुलडाणा, नागपूर.
७५ ते १०० टक्के झालेली पावसाची जिल्हे ः धुळे, नंदुरबार, नगर, पुणे, सोलापूर, परभणी, 
१०० टक्केहून अधिक पावसाची जिल्हे : सातारा, सांगली, जालना, बीड, उस्मानाबाद. 

इतर अॅग्रो विशेष
विदर्भात स्वनिधी, गटबांधणीतून...जमिनीचे घटते क्षेत्र, विविध कारणांमुळे घटत...
संपूर्ण कर्जमाफीसाठी दिल्लीत दुसऱ्या... नवी दिल्ली ः शेतमालास योग्य दर मिळत नसल्याने...
आज, उद्या पावसाचा अंदाज पुणे : दक्षिण अंदमानच्या समुद्रालगत तयार...
कांदा निर्यातीवर पुन्हा निर्बंध? नाशिक : किरकोळ बाजारातील वाढत्या कांदा दरावर...
ढगाळ वातारणाने रोग-किडींचा प्रादुर्भाव...पुणे : राज्यात गेल्या २-३ दिवसांपासून असलेल्या...
दूध धंद्याला बसले ‘जीएसटी’चे चटके विस्कटलेल्या दूध धंद्याचे भरकटलेले धोरण :...
यवतमाळ मृत्यूकांडामागे तंबाखू असल्याचा...नागपूर  ः जगात सर्वात जास्त तंबाखू खाणारे...
बिगर नोंदणीकृत निविष्ठांच्या विक्रीचा...पुणे : बिगर नोंदणीकृत कृषी निविष्ठांची विक्री...
कीटकनाशकांसाठीही आता ‘प्रिस्क्रिप्शन’!मुंबई ः ज्याप्रमाणे एखादा रोग बरा व्हावा, यासाठी...
राज्यात रब्बीची ५२ टक्के पेरणी पुणे : राज्यात रब्बी पिकांचा पेरा आतापर्यंत ५२...
बारमाही उत्पन्नासाठी फुलशेतीचा अंगीकारबारमाही उत्पन्न देणाऱ्या व मुख्य पारंपरिक...
शेतमालास योग्य हमीभाव; संपूर्ण कर्जमाफी...नवी दिल्ली ः स्वामिनाथन अायोगाच्या शिफारशींनुसार...
वाढत्या पुरवठ्यामुळे ब्रॉयलर्सचा बाजार... सध्या ब्रॉयलर्स पक्ष्यांना थंडीमुळे जोरदार...
रोगग्रस्त कपाशीची पऱ्हाटी पेपर मिलना... जळगाव ः जिल्ह्यात कपाशीवर शेंदरी बोंड अळीचा...
टोमॅटो हंगाम यंदा समाधानकारक औरंगाबाद : गतवर्षी फेकूण द्यायची वेळ आलेल्या...
काेकण, दक्षिण महाराष्ट्रात तुरळक ठिकाणी...पुणे : राज्यात सोमवारी (ता. २०) तुरळक ठिकाणी...
शहरी झाडांच्या वाढीचा वेग ग्रामीण...शहरी भागातील झाडांच्या वाढीचा वेग हा ग्रामीण...
शेततळ्यामधील मत्स्यसंवर्धनासाठी आवश्‍यक...शेततळ्यातील माशांचे उत्पादन अधिक प्रमाणात...
लिटरमागे ९ रुपयांचा तोटा सोसून शेतकरी...विस्कटलेल्या दूध धंद्याचे भरकटलेले धोरण : ...
कर्बवायू साठवणीसाठी करा दक्षिण- उत्तर...पूर्व-पश्चिम लागवडीमध्ये कर्बवायू वाहून गेल्याने...