पुण्यात संत्र्याला विक्रमी दर

पुणे  ः गुलटेकडी येथील कृषी उत्पन्न बाजार समितीमध्ये मंगळवारी (ता. ३) संत्र्याला ३ डझनला सर्वाधिक १ हजार ११ रुपये दर मिळाला आहे. देहरे (ता. जि. नगर) येथील शेतकरी राजेंद्र करंडे यांच्या बागेतील संत्रा असून, राेहन उरसळ या आडत्याद्वारे ते विक्री केले जातात. सर्वाधिक दर मिळाल्यानिमित्त बाजार समिती आणि उरसळ यांच्याकडून शेतकरी करंडे यांचा सत्कार करण्यात आला. 

याबाबत बाेलताना करंडे म्हणाले, आमची १२ एकर संत्री असून, ९ वर्षांमध्ये विविध टप्प्यांमध्ये लागवड केली आहे. मृग बहारातील हंगाम पकडण्यासाठी मे महिन्यात ताण देऊन फेब्रुवारी ते एप्रिल दरम्यान उत्पादन घेतले जाते. 

या हंगामात ४० टन संत्र्यांची विक्री केली असून, यामध्ये ४५० ते १ हजार रुपये दर मिळाला आहे. यामध्ये एक टन संत्री आणली हाेती. यासर्व संत्र्यांना १ हजार ११ रुपये दर मिळाला. या वेळी बाजार समितीचे उपसभापती भूषण तुपे, संचालक राजेंद्र काेरपे, सचिव बी. जे. देशमुख, ज्येष्ठ आडते सतिष उरसळ, राेहन उरसळ, आडते असाेसिएशनचे संचालक युवराज काची यांच्या उपस्थितीत शेतकरी करंडे यांचा सत्कार करण्यात आला.