द्रवरूप जैविक खत विक्रीतून एक कोटींचा महसूल

वर्धा  ः द्रवरूप जैविक खत विक्रीत आघाडी घेत सेलू (जि. वर्धा) येथील जैविक कीडनियंत्रण प्रयोगशाळेने वर्षभरात तब्बल एक कोटी रुपयांचा महसूल राज्य सरकारला मिळवून दिला आहे. वर्षभरात २३ हजार ८२४ लिटर द्रवरूप जैविक खताचे उत्पादन या प्रयोगशाळेतून करण्यात आले. 

द्रवरूप जैविक खतात नत्र स्थिरीकरण करणारे, पालाश उपलब्ध करणारे आणि स्फुरद विरघळविणारे जिवाणू राहतात. राज्य सरकारने दोन वर्षांपूर्वी याच्या उत्पादनास सुरवात केली. त्यानंतर द्रवरूप जैविक खतांना मागणी वाढावी, याकरिता शेतकऱ्यांना अनुदानावर याचा पुरवठा केला जातो. परंतु, याचे परिणाम अनुभवल्यानंतर शेतकरीदेखील आता या खतांची मागणी नोंदवू लागले आहेत. 

गेल्या वर्षीच्या हंगामात ११०० लिटर द्रवरूप जैविक खताची खरेदी शेतकऱ्यांनी केली. पश्‍चिम विदर्भात सेलू येथील जैविक किडनाशके निर्मिती प्रयोगशाळेत द्रवरुप जैविक खतांचे उत्पादन होते. तंत्र अधिकारी डी. बी. देशपांडे यांच्या नियंत्रणातील या प्रयोगशाळेने द्रवरूप खत उत्पादनात राज्यात आघाडी घेतली आहे. २३ हजार ८२४ लिटरचे उत्पादन वर्षभरात या प्रयोगशाळेत करण्यात आले. त्या माध्यमातून १ कोटी ४ लाख १७ हजार रुपयांचा महसूल शासनाला मिळाला आहे. द्रवरुप जैविक खताची विक्री ४०० रुपये लिटरने होते. विशेष म्हणजे उत्पादन आणि शासन महसूलात गेल्या तीन वर्षांपासून या प्रयोगशाळेची आघाडी राहिली आहे.

राज्यातील इतर प्रयोगशाळांतील उत्पादन (चौकटीत महसूल)