`अॅग्रोवन`च्या समृद्ध शेती बक्षीस योजनेस प्रारंभ

पुणे : ‘ॲग्रोवन’च्या ३० लाखांहून अधिक रकमेच्या १७३८ बक्षिसांच्या समृद्ध शेती बक्षीस योजनेला प्रारंभ झाला आहे. १ नोव्हेंबर ते १० फेब्रुवारीदरम्यान १०० पैकी ७५ कूपन्स चिकटवून पाठविण्यात येणाऱ्या प्रवेशिकांमधून भाग्यवान शेतकऱ्यांची निवड करण्यात येणार आहे. या योजनेतून लाखमोलाची बक्षिसे मिळविण्याची संधी वाचकांना मिळणार आहे. विविध बक्षिसांमध्ये हिऱ्यांच्या दागिन्यांसह, पशुखाद्यनिर्मिती यंत्र, अवजारे, ठिबक सिंचन संच, खते आदी विविध १ हजार ७३८ बक्षिसे असणार आहेत.  या योजनेचा प्रारंभ नुकताच रोहित स्टीलचे अनुप मोदी, स्मार्टकेम टेक्नॉलॉजीचे मनीष गुप्ता, सतीश नर्तम, ॲँडस्लाइटचे प्रकाश शिंदे, संदीप मंदोत आणि ॲग्रोस्टारचे रितेश आलडवार यांच्या हस्ते योजनेच्या चित्ररथाच्या पूजनाने झाला. शेतकरी, वाचकांनी ‘ॲग्रोवन`च्या पान क्रमांक २ वर १ नोव्हेंबर ते १० फेब्रुवारीदरम्यान प्रसिद्ध होणारी १०० पैकी ७५ कूपन्स चिकटवून पाठवायची आहेत. या प्रवेशिकांमधून भाग्यवान शेतकऱ्यांची निवड करण्यात येणार आहे.  या योजनेचे पु. ना. गाडगीळ, महाधन, सोना ड्रिप व स्प्रिंकलर, संजीवनी ॲग्रो मशिनरी, रोहित कृषी, ॲग्रोस्टार आणि ॲँडस्लाइट उद्योग प्रायोजक आहेत.