agriculture news in marathi, Agrowon, Shivsena demand for loan waiver | Agrowon

दसऱ्यापूर्वी कर्जमाफी झाल्यास रब्बीसाठी कर्ज
मारुती कंदले
मंगळवार, 12 सप्टेंबर 2017

मुंबई : राज्य सरकारने कर्जमाफी जाहीर करूनही शेतकऱ्यांना खरीप हंगामात कर्ज मिळाले नाही. किमान रब्बी हंगामात तरी शेतकऱ्यांना पीककर्ज मिळावे यासाठी दसऱ्यापूर्वी शेतकऱ्यांची कर्जमुक्ती करावी, अशी आग्रही मागणी शिवसेना नेत्यांनी मुख्यमंत्री देवेंद्र फडणवीस यांना सोमवारी (ता. ११) मंत्रालयात भेटून केली.

मुंबई : राज्य सरकारने कर्जमाफी जाहीर करूनही शेतकऱ्यांना खरीप हंगामात कर्ज मिळाले नाही. किमान रब्बी हंगामात तरी शेतकऱ्यांना पीककर्ज मिळावे यासाठी दसऱ्यापूर्वी शेतकऱ्यांची कर्जमुक्ती करावी, अशी आग्रही मागणी शिवसेना नेत्यांनी मुख्यमंत्री देवेंद्र फडणवीस यांना सोमवारी (ता. ११) मंत्रालयात भेटून केली.

या वेळी शिष्टमंडळात मंत्री दिवाकर रावते, सुभाष देसाई, रामदास कदम, एकनाथ शिंदे, राज्यमंत्री विजय शिवतारे आणि गुलाबराव पाटील आदी सहभागी झाले होते.
राज्य सरकारने शेतकऱ्यांना कर्जमाफी जाहीर केली आहे. मात्र राज्य सरकारकडून केवळ आकड्यांचे खेळ आणि तारखांवर तारखा देणे सुरू आहे.

त्यामुळे राज्यातील सर्व जिल्हाधिकाऱ्यांना भेटून शेतकऱ्यांना दसऱ्याआधी कर्जमुक्त करा या मागणीचे निवेदन शिवसेनेच्या वतीने देण्यात आले. तसेच मुंबईत शिवसेनेच्या मंत्र्यांनी मुख्यमंत्री देवेंद्र फडणवीस यांचीही भेट घेऊन त्यांना मागणीचे निवेदन सादर केले.

कर्जमाफीच्या घोषणेनंतर ७४ दिवस उलटले आहेत. प्रत्यक्षात, एकाही शेतकऱ्याला कर्जमाफीचा लाभ मिळाला नाही. त्यामुळे राज्य सरकारबद्दल शेतकऱ्यांच्या मनात नाराजीची भावना असल्याचे शिवसेनेच्या मंत्र्यांनी या वेळी मुख्यमंत्र्यांच्या निदर्शनास आणून दिले.

राज्यातील ८९ लाख शेतकऱ्यांना कर्जमाफीचा लाभ मिळेल अशी घोषणा सरकारने केली होती. या घोषणेनंतर तातडीने हालचाली करून खरीप हंगामातच अडचणीत सापडलेल्या शेतकऱ्यांना कर्जमाफीचा लाभ मिळणे अपेक्षित होते. मात्र, जाचक अटी आणि शेतकऱ्यांकडून ऑनलाइन अर्ज भरून घेण्यात येत असलेल्या तांत्रिक अडचणी यामुळे खरीप हंगाम संपत आला तरी कर्जमाफीची अंमलबजावणी अजूनही रडलेलीच आहे. त्यामुळे शेतकऱ्यांना खरीप हंगामासाठी बँकेने कर्ज दिले नाही, हे वास्तव मुख्यमंत्र्यांसमोर मांडण्यात आले.

दरम्यान कर्जमाफीचे ऑनलाइन अर्ज भरण्यासाठी १५ सप्टेंबरची अंतिम मुदत दिली आहे. उर्वरित दिवसांत सर्व अडचणी दूर करून लाभार्थी ठरणाऱ्या सर्व शेतकऱ्यांचे अर्ज भरून होतील आणि घोषणेप्रमाणे एकही पात्र शेतकरी कर्जमाफीपासून वंचित राहणार नाही, याची काळजी सरकारने घ्यावी अशी मागणी दिवाकर रावते यांनी व्यक्त केली.

दरम्यान, अर्ज भरण्याची मुदत संपल्यानंतर अर्जांच्या छाननीसाठी पंधरा दिवस लागतील. त्यानंतर दसरा ते दिवाळीपर्यंतच्या काळात शेतकऱ्यांच्या खात्यावर कर्जमाफीचे पैसे वर्ग केले जातील, असे आश्वासन मुख्यमंत्री देवेंद्र फडणवीस यांनी दिल्याचे सांगण्यात आले.

तीव्र आंदोलनाचा इशारा
कर्जमाफीची घाेषणा करून तीन महिने उलटले तरी अद्याप शेतकऱ्यांना कर्जमाफीचा लाभ मिळालेला नाही. दसऱ्यापूर्वी शेतकऱ्यांना कर्जमाफीचा लाभ मिळावा आणि आॅनलाइन अर्जाएेवजी आॅफलाइन अर्ज भरण्याची मुभा शेतकऱ्यांना द्यावी, या मागण्यांसाठी शिवसेनेच्या वतीने साेमवारी (ता. ११) राज्यभरातील विविध जिल्ह्यांत माेर्चा काढण्यात आला हाेता. तसेच मागण्या मान्य न केल्यास तीव्र आंदोलन छेडण्याचा इशारा देण्यात आला. राज्यात पुणे, औरंगाबाद, हिंगोली, सातारा या जिल्ह्यांमध्ये शिवसेनेच्या वतीने आंदोलन करण्यात आले. तसेच मागण्या मान्य न केल्यास तीव्र आंदोलन करण्याचा इशारा देण्यात आला.

इतर ताज्या घडामोडी
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...