कृषी प्रदर्शनात जाणून घेतला सरपंचांनी माहितीचा खजिना

आळंदी, जि. पुणे  ः गावातील सरपंचाना गावाचा व शेतीचा विकास करण्यासाठी आवश्यक असलेल्या विविध योजनांची माहिती होण्याच्या उद्देशाने आळंदी येथे (ता.१५) आयोजित केलेल्या सरपंच महापरिषदेच्या निमित्ताने कृषी प्रदर्शनाचे खास आयोजन केले होते. या प्रदर्शनात स्मार्टकेम टेक्नालॉजी लिमिटेड, विक्रम चहा, शासनाचा कृषी विभाग, पशुसंवर्धन, नियोजन विभागाची रोजगार हमी योजना, मुख्यमंत्री कार्यालयाचा महालाभार्थी विभाग, एसआयएलसी, फोर्स मोटर्स आणि सकाळ प्रकाशनच्या स्टॉलचा समावेश होता. सरपंचांना ग्रामविकास व शेतीच्या खास योजना गावात राबवता याव्यात यासाठी सकाळ माध्यम समूहाअंतर्गत विविध विषयांच्या स्टाॅलवर आवर्जून भेट देऊन पुस्तकाची चौकशी करत होते. विविध विषयांवरील पुस्तकांची खरेदी करून सरपंच माहितीच्या खजिन्याचा संग्रह करत होते. पिकांचे उत्पादन वाढविण्यासाठी लागणाऱ्या रासायनिक खतांची माहिती व्हावी म्हणून स्मार्टकेम टेक्नॉलॉजी लिमिटेडने उत्पादित केलेले जवळपास २५ खतांचे प्रकार सरपंचाना पाहण्यासाठी उपलब्ध होते. तसेच विक्रम चहा कंपनीच्या स्टॉलवर क्लासिक, सिटीसी, गोल्ड, फॅमिली मिक्स, मसाला चहा, लाॅयन डस्ट, ग्रीन टी, ब्लॅक टी, विक्रम विलायची असे चहाचे प्रकार होते. शासनाच्या नियोजन विभागाअंतर्गत राबविल्या जाणाऱ्या रोजगार हमी योजनांची माहिती सरपंचाना होण्यासाठी खास योजनांची माहितीपत्रके उपलब्ध करून दिली होती. गावात परदेशी भाजीपाल्याची लागवड करण्यासाठी सरपंचाना परदेशी भाजीपाल्याची उत्पादने पाहण्यासाठी ठेवली होती. त्यामुळे सरपंच उत्साहाने बारकाईने माहिती घेत आपणही गावात या पिकांची लागवड करण्याचा मनोदय व्यक्त करीत होते. पशुसंवर्धन विभागाने जनावरांसाठी अॅझोला, मुरघास, निकृष्ट चाऱ्यापासून सकस चारा निर्मिती, बहुवार्षिक चारा पिके, मुक्त संचार गोठा अशी विविध माहितींचे पत्रके उपलब्ध करून दिली होती.  मुख्यमंत्री कार्यालयाअंतर्गत विविध योजनांची एकत्रित माहिती करून महालाभार्थी अंतर्गत सरपंचांपर्यंत पोचविण्याचा प्रयत्न केला. योजनांबरोबर प्रशिक्षणाची माहिती देण्यासाठी एसआयएलसी विभागाने खास बनवलेल्या प्रशिक्षणाची माहिती  ली जात होती. फोर्स मोटर्स लिमिटेड कंपनीने सरपंचांना नवीन तंत्रज्ञानाआधारित ट्रॅक्टर पाहण्यासाठी प्रदर्शनात ठेवला होता.  #सरपंच_महापरिषद  #अॅग्रोवन_सरपंच_महापरिषद