agriculture news in marathi, AGROWON Sirpanch Mahaparishad, Alandi, Pune | Agrowon

गाव बदललेल्या सरपंचांनी दिला नियोजनाचा मूलमंत्र
टीम अॅग्रोवन
शुक्रवार, 16 फेब्रुवारी 2018

आळंदी, जि. पुणे : आपल्या कामाचे नियोजन करा, ते पूर्ण होईपर्यंत थांबू नका, विरोध होईल हे गृहीत धरून काम करीत राहा. पाच वर्षे असं काम करा, की पुढच्या पाच पिढ्या तुमचं नाव घेतील. अडचणींचा बाऊ करू नका. विकासाच्या कामात लोकसहभाग वाढवा. प्रामाणिक प्रयत्न वाया जात नाही. बदल निश्‍चित घडतो, असे आवाहन शुक्रवारी (ता.१६) यशस्वी, अनुभवी सरपंचांनी ‘ॲग्रोवन सरपंच महापरिषदे’त उपस्थित राज्यभरातील सरपंचांना केले. ‘आम्ही बदललं गाव’ या परिसंवादात  राजगडचे (जि.चंद्रपूर) सरपंच चंदू पाटील, बारडगाव सुद्रीकच्या (जि. नगर) सरपंच डॉ. शीतल गावडे, कळंबवाडीचे (जि. सोलापूर) सरपंच ॲड.

आळंदी, जि. पुणे : आपल्या कामाचे नियोजन करा, ते पूर्ण होईपर्यंत थांबू नका, विरोध होईल हे गृहीत धरून काम करीत राहा. पाच वर्षे असं काम करा, की पुढच्या पाच पिढ्या तुमचं नाव घेतील. अडचणींचा बाऊ करू नका. विकासाच्या कामात लोकसहभाग वाढवा. प्रामाणिक प्रयत्न वाया जात नाही. बदल निश्‍चित घडतो, असे आवाहन शुक्रवारी (ता.१६) यशस्वी, अनुभवी सरपंचांनी ‘ॲग्रोवन सरपंच महापरिषदे’त उपस्थित राज्यभरातील सरपंचांना केले. ‘आम्ही बदललं गाव’ या परिसंवादात  राजगडचे (जि.चंद्रपूर) सरपंच चंदू पाटील, बारडगाव सुद्रीकच्या (जि. नगर) सरपंच डॉ. शीतल गावडे, कळंबवाडीचे (जि. सोलापूर) सरपंच ॲड. विकास जाधव यांनी मार्गदर्शन केले. ‘ॲग्रोवन’चे सरव्यवस्थापक प्रमोद राजेभोसले यांनी वक्‍त्यांचा परिचय करून दिला. 

गावात रोजगाराच्या संधी निर्माण केल्या
ॲड. विकास जाधव म्हणाले, की या आधी झालेल्या सरपंच महापरिषदेमध्ये मिळालेल्या मार्गदर्शनाच्या शिदोरीवर मी माझ्या गावातील कामांची वाटचाल सुरू केली आहे. श्रमदानातून कामे करण्यावर भर दिला. आतापर्यंत विविध क्षेत्रांतील कामांसाठी आमच्या गावाला १० व व्यक्तिगत सरपंच म्हणून मला ४ पुरस्कार मिळाले आहेत. सुरवातीला केवळ ३५ हजारांचा निधी ग्रामपंचायतीकडे होता. लोकांच्या सहभागातून कामे करण्यावर भर दिला. जलसंधारण, हागणदारीमुक्ती ही कामे उच्च दर्जाची झाली. मूलभूत सुविधा देण्यावर भर दिला. १०५० लोकसंख्येच्या गावात आम्ही महिलांचे १० बचत गट सुरू केले. त्यातून त्यांना स्वयंरोजगार मिळवून दिला. गावात रोजगाराच्या संधी निर्माण केल्या.

उत्पादक कामांवर लक्ष केंद्रित करा
डॉ. शीतल गावडे म्हणाल्या, की माझे २००५ ला लग्न झाले. बारडगावात क्‍लिनिक सुरू केले. याच काळात गावात दुष्काळाची परिस्थिती होती. पेशंटची संख्या घटली. डॉक्‍टरला इतका फटका बसतो, तर ज्याचा चरितार्थ शेतीवर आहे, त्याचे नुकसान किती मोठे असेल? या विचाराने अस्वस्थ झाले. ठरवून राजकारणात येण्याचा निर्णय घेतला. इंटरनेटवरून योजनांची माहिती घेतली. त्या गावात राबविण्यावर भर दिला. २ वर्षांच्या अभ्यासातून ‘करू या जलसाक्षर बारडगाव’ हे पुस्तक लिहिले. उत्पादक कामांवर मी कायम लक्ष केंद्रित करते. अडचणी हळूहळू कमी होत जातात हा माझा अनुभव आहे.

अहंकार सोडून विकासकार्यात उतरा
चंदू पाटील म्हणाले, की अहंकार सोडून गावासाठी विकासकार्यात उतरा; तुमचा उद्देश प्रामाणिक असेल तर लोक साथ देतातच.  ग्रामपंचायतीचे उत्पन्न कमी असतानाही गेल्या अठरा वर्षांत वाहते सांडपाणी, रोगराई, वाढलेली बेरोजगारी अशा समस्यांच्या गर्तेतून मी गावाला बाहेर काढू शकलो आहे. हे काम अजूनही सुरूच आहे. मात्र ठरवलं तर बदल घडू शकतो हे मी जवळून पाहिलं आहे. गावातील गटारी स्वच्छ करण्याच्या कामापासून श्रमदानाला सुरवात केली. उकिरड्यांचं रूपांतर मोठ्या कष्टांने नंदनवनात झालं. सार्वजनिक शौचालयांच्या माध्यमातून स्वच्छता अभियान राबविले. विकासासाठी लोकांची मानसिकता बदलवली. ग्रामपंचायतीची इमारत १० हजार चौरसफुटांची सुसज्ज अशी तयार केली आहे. गाव महोत्सवसारखे उपक्रम राबविण्यावर भर दिला. केवळ भांडत बसू नका. निधीची वाट पाहत बसू नका. काम सुरू करा. आपोआप मार्ग सापडत जातो, असेही त्यांनी सांगितले.

...तर माझे गाव देशात आदर्श बनले असते
चंदू पाटील म्हणाले, की माझ्या गावाला २ राष्ट्रपती पुरस्कार तसेच इतरही अनेक पुरस्कार मिळाले आहेत. मागील १८ वर्षांपासून लोकांच्या आग्रहाने बिनविरोध सरपंच होत आहे. सर्व प्रकारचे पुरस्कार मिळूनही आमचे काम थांबलेले नाही. सुरवातीला माझं जरा चुकलं. आधी गावाचा प्लॅन तयार करायला हवा होता. त्या वेळी जर अशी सरपंच महापरिषद असती तर माझे गाव आज देशात आदर्श बनले असते. पाटील यांच्या विधानाला सभागृहातील सरपंचांनी टाळ्यांच्या कडकडाट करत दाद दिली.

सरपंचांनी दिलेल्या टिप्स

  • अभ्यासाचा ध्यास घ्या.
  • निधी कमी असताना श्रमदानावर भर द्या.
  • गावातून स्थलांतरित झालेल्यांची यादी करा.
  • छोट्या सामाजिक कार्यात लोकसहभाग वाढवा.
  • एक काम हाती घेतलं की ते पूर्ण होईपर्यंत थांबू नका.
  • एका वेळी एका विषयावर फोकस करा.
  • आपल्या प्रश्‍नांची उत्तरे शोधाच शोधा. 
  • केवळ भाषणे नकोत; कृतीवर भर द्या. 
  • मानसिकता बदलण्यावर भर द्या.
  • व्यवस्था बदलत बसू नका; आपले काम मार्गी लावण्यावर भर द्या.
  • गावाच्या विकासाचा प्लॅन तयार करा.
  • काम, रेकॉर्ड आणि प्रेझेंटेशन याकडे नीट लक्ष द्या.
  • टीका आणि भांडणे यापासून दूर राहा.

इतर ग्रामविकास
जपला एकीचा वसा, उमटवला प्रगतीचा ठसा,...रावळगुंडवडी (ता. जत, जि. सांगली) येथील...
विकासाच्या वाटेवर अलगरवाडीची आश्‍वासक...लातूर जिल्ह्यातील अलगरवाडी (ता. चाकूर) गावाला...
एकमुखी निर्णयातून साकारले ग्रामविकासाचे...ग्रामपंचायतीच्या इतिहासात अद्यापपर्यंत एकदाही...
राज्य शासन दुष्काळग्रस्तांच्या पाठीशी...राज्य शासनाने दुष्काळग्रस्तांना मदत करण्यासाठी...
दुष्काळ हटविण्यासाठी ‘मिशन मोड’वर काम...राज्यातील पाऊसमान कमी होत असून सातत्याने दुष्काळ...
पायाभूत सुविधांच्या बळावर ...हिवरेबाजार आणि राळेगणसिद्धी या गावांपासून प्रेरणा...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
दुष्काळाचे चटके सोसलेले साखरा झाले ‘...लोकसहभाग मिळाला तर कोणत्याही योजना यशस्वी होऊ...
प्रयोगशीलतेचा वसा जपुनी दुष्काळाला...नाशिक जिल्ह्यातील पेठ हा आदिवासी, दुर्गम तालुका....
उपक्रमशील, प्रयोगशीलतेचा आदर्श- जातेगाव जातेगाव (ता. शिरूर) पुणे हे उपक्रमशील व प्रयोगशील...
पर्यावरण संवर्धन, ग्राम पर्यटनाला चालनापर्यावरण संवर्धन, अभ्यासाच्या बरोबरीने ‘मलबार...
शेती अन् ग्रामविकासासाठी आलो एकत्रअकोला शहरात विविध क्षेत्रांत काम करणाऱ्यांनी...
शेती, शिक्षण अन् आरोग्यातून शाश्‍वत...जानकीदेवी बजाज ग्रामविकास संस्थेमार्फत महाराष्ट्र...
शेतीसह विकासकामांमध्येही उल्लेखनीय रोहडाभाजीपाला, कापूस बीजोत्पादनाच्या माध्यमातून रोहडा...
ग्रामविकास,पर्यावरण संवर्धनाचा वसा...राज्यातील व्याघ्र प्रकल्पालगत असलेल्या गावांमध्ये...
पाचल ठरले स्मार्ट ग्रामरत्नागिरी - शासनाच्या स्मार्ट ग्राम...
‘आरटीजीएस'द्वारे ग्रामपंचायत...सोलापूर : ग्रामपंचायत कर्मचाऱ्यांचे सहा...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...