गटसचिवांचा संप मिटला

कृषी पतपुरवठा सोसायट्यांच्या व्यवस्थापन खर्चासाठी १४२ कोटी रुपये देण्याची तयारी सहकार खात्याने दाखविली होती. मात्र, निधी प्रत्यक्षात रुजू झाल्याशिवाय आंदोलन मागे न घेण्याची भूमिका गटसचिवांनी ठेवली होती.
कर्जमाफीचे प्रस्ताव तयार होण्याला वेग मिळेल
कर्जमाफीचे प्रस्ताव तयार होण्याला वेग मिळेल

पुणे ः राज्यातील गटसचिवांनी विविध मागण्यांसाठी सुरू केलेले काम बंद आंदोलन अखेर मागे घेतले आहे. यामुळे शेतकऱ्यांच्या कर्जमाफीचे रखडलेले प्रस्ताव तयार होण्याला वेग मिळेल, अशी माहिती सहकार विभागाच्या सूत्रांनी दिली.

कर्जमाफीच्या कालावधीतच राज्यातील कृषी पतपुरवठा सोसायट्यांना व्यवस्थापन खर्च मिळालेला नाही. तसेच अनेक महिन्यांपासून गटसचिवांचे पगार झालेले नाहीत. त्यामुळे २७ जूनपासून राज्यातील गटसचिवांनी संप सुरू केला होता.

सहकार राज्यमंत्री गुलाबराव पाटील यांनी गटसचिवांशी चर्चा केल्यानंतर थेट शिवसेना भवनात आम्हाला नेले. तेथे शिवसेना नेते उद्धव ठाकरे यांनी आमच्याशी वीस मिनिटे चर्चा केली.

तुमच्या मागण्यांचा पाठपुरावा मी करेन, पण कर्जमाफीचे प्रशासकीय काम तुम्ही मार्गी लावावे, असे ठाकरे यांनी सांगितले. त्यामुळे आम्ही आंदोलन समाप्त केले, अशी माहिती गटसचिवांचे नेते विश्वनाथ निकम यांनी दिली.

संप मिटल्यामुळे आता ६६ रकान्यांमधील कर्जमाफीची माहिती गटसचिवांकडून तातडीने भरली जाणार आहे. सॉफ्टवेअरमध्ये माहिती भरणे तसेच पात्र थकबाकीदारांना अर्ज भरण्यासाठी मार्गदर्शन करणे अशी कामेदेखील सुरू होतील. यामुळे कर्जमाफीच्या रखडलेल्या प्रक्रियेला वेग येईल, असे सहकार विभागाचे म्हणणे आहे.

वेतन दरमहा चालू राहणार गटसचिवांचे वेतन दरमहा चालू ठेवण्यासाठी सहकार विभागाला सूचना देण्यात आलेल्या आहेत. त्याचप्रमाणे व्यवस्थापन अनुदान देखील बॅंकांनी परस्पर खर्च न करण्याचे ठरले आहे. याशिवाय जिल्हास्तरीय समित्यांचे स्वतंत्र बॅँक खाते उघडून वेतन दिले जाणार असल्याने शासकीय सेवेते येण्याचे आमचे पहिले पाऊल आहे, असेही गटसचिवांनी म्हटले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com