Agriculture news in Marathi, agrowon, success stories of aloe vera, chandrakant Pawar | Agrowon

पंधरा वर्षांपासून कोरफडीने दिली साथ बेहड्याचीही शेती
अनिल देशपांडे
मंगळवार, 29 ऑगस्ट 2017

कोरफडीच्या शेतीबाबत अनेक शेतकऱ्यांमध्ये संभ्रमावस्था आहे. फसवणुकीच्या अनेक घटनांतही शेतकऱ्यांना सामोरे जावे लागले. मात्र, सुमारे १५ वर्षांपासून या पिकात सातत्य ठेऊन त्यापासून फायदेशीर उत्पन्न मिळवण्यात चंद्रकांत पवार        (पाथरे खुर्द, जि, नगर) यशस्वी झाले आहेत. कोरफडीसोबत बेहड्याची शेती करीतही उत्पन्नाला जोड देण्यात पवार यशस्वी झाले आहेत. 

कोरफडीच्या शेतीबाबत अनेक शेतकऱ्यांमध्ये संभ्रमावस्था आहे. फसवणुकीच्या अनेक घटनांतही शेतकऱ्यांना सामोरे जावे लागले. मात्र, सुमारे १५ वर्षांपासून या पिकात सातत्य ठेऊन त्यापासून फायदेशीर उत्पन्न मिळवण्यात चंद्रकांत पवार        (पाथरे खुर्द, जि, नगर) यशस्वी झाले आहेत. कोरफडीसोबत बेहड्याची शेती करीतही उत्पन्नाला जोड देण्यात पवार यशस्वी झाले आहेत. 

नगर जिल्ह्यातील पाथरे खुर्द (ता. राहुरी) येथील चंद्रकांत पवार यांची सुमारे ४० एकर शेती आहे. सर्व शेती ते एकहातीच सांभाळतात. पारंपरिक पिके त्यांच्याकडे आहेत. मात्र, त्यांच्या शेतीचे वैशिष्ट्य म्हणजे कोरफडीसारखे पीक ते गेल्या पंधरा वर्षांपासून घेत आहेत. आपल्या प्रयोगाविषयी बोलताना पवार म्हणाले, की पूर्वी महात्मा फुले कृषी विद्यापीठांतर्गत शेतकरी शास्त्रज्ञ मंचाचा सदस्य होतो. त्या वेळी विद्यापीठातील धन्वंतरी प्रकल्पास भेट दिली. त्या वेळी कोरफड व बेहडा या पिकांविषयी माहिती मिळाली. अधिक अभ्यास करून त्याच्या व्यावसायिक संधीचाही अभ्यास केला. त्यानुसार कोरफड घेण्याचे निश्चीत केले. विद्यापीठातून त्याची रोपे घेतली. सुमारे पंधरा ते सोळा वर्षांपूर्वी लावलेल्या कोरफडीची शेती पवार यांनी आज कायम ठेवली आहे. दहा गुंठ्यांत रोपवाटिका केली. नंतर पुर्नलागवड केली. सुरवातीला अर्धा एकर क्षेत्र होते. टप्प्याटप्प्याने व मार्केटचा अंदाज घेत ते चार एकरपर्यंत नेले. आज ते आठ एकरांपर्यंत आहे. 

 पवार यांची कोरफड शेती दृष्टिक्षेपात  

  •  सुमारे १५ वर्षांपासून पिकाचा अनुभव
  •  लागवडीचे अंतर- तीन बाय अडीच फूट. रोपांची एकरी संख्या- साडेसहा हजार 
  •  पट्टा किंवा जोड ओळ पद्धत. कोरफड काढणीसाठी क्रेटमध्ये ठेवणे व मजुरांना शेतात काम करण्यासाठी हे अंतर सोयीचे आहे.
  •  शेणखत- तीन वर्षांतून एकदा एकरी एक ट्रेलर. तीन वर्षांनी वर्षाला १०-२६-२६ किंवा डीएपी खताच्या  गोणींचा पावसाळ्यात वापर.
  •  तणनियंत्रण महत्त्वाचे ठरते 
  •  पावसाळ्यात पाणी देण्याची गरज भासत नाही. उन्हाळ्यात संरक्षित पाण्याचा वापर तुषार सिंचनाद्वारे पाणी महिन्यातून एकदा तीन तास. कालव्याचे पाणी मिळाले तर प्रवाही पद्धतीने दिले जाते. कापणीच्या वीस दिवस आधी चार महिन्यांत चार पाणी दिले पाहिजे. त्यामुळे कोरफडीच्या पानांची फुगवण, गर, वजन वाढते
  •  प्रति पानाचे वजन चारशे ते सहाशे ग्रॅम असले पाहिजे. कापणीच्या आधी पाणी कमी पडले तर पानांचे वजन कमी भरते. पाणी जास्त होऊनही चालत नाही
  • पाण्याचा निचरा होणारी जमीन गरजेची. तशी नसेल तर पीक उफळू शकते. कापणी वर्षातून एकदा किंवा दोन वेळेस.  

 उत्पादन 
 एकरी तीस ते पन्नास टनांपर्यंत. पाणी कमी पडल्यास उत्पादनात घट येते.  
 
 मार्केट 
अौषधनिर्मिती क्षेत्रातील कंपन्या हेच कोरफडीसाठी मार्केट आहे. या क्षेत्रातील कंपनी, मध्यस्थ, व्यापारी पवार यांच्याकडून कोरफड खरेदी करतात. त्या माध्यमातून गेल्या १५ वर्षांच्या अनुभवात सिन्नर (नाशिक), हैदराबाद, मध्य प्रदेश आदी ठिकाणाहून खरेदी होत असल्याचे पवार यांनी सांगितले. 

 दर काय मिळतो? 
बुडख्यापासून कोरफड दिल्यास साडेतीन हजार रुपये प्रति टन 
केवळ पाने दिल्यास हाच दर पाचहजार रुपये 

 विक्रीचे व्यवस्थापन 
मागील दोन वर्षांत सुमारे दीडशे टन कोरफडीला साडेतीन हजार रुपये प्रतिटन दर मिळाला. कोरफडीचे पान कापल्यानंतर दोनच दिवसांत तिच्यावर प्रक्रिया झाली पाहिजे. दूरच्या अंतरामुळे या वेळेत ही प्रक्रिया होणे कठीण असते. त्यामुळे पूर्ण झाड कापून नेले जाते. तेथे पाने कापून प्रक्रिया केली जाते. पाने कापणीचा खर्च प्रति दहा टनास सहाहजार रुपये येतो. ती अगदी सहजपणे कापताही येतात. 

जोखीम काय आहे? 

  • कोरफड लागवडीत यापूर्वी फसवणूक झाल्याचे अनेक शेतकऱ्यांनी सांगितले आहे. पवार यांनी त्याबाबत ज्या बाबी सांगितल्या त्या अशा.
  •  कमी क्षेत्रावर म्हणजे एक ते दोन एकरांत हे पीक घेऊ नये. कंपन्यांना मोठ्या प्रमाणात माल लागतो. त्यामुळे क्षेत्र किमान ८ ते १० एकर असावे. 
  •  काही वेळा बाजारात तेजी-मंदी या पार्श्वभूमीवर कंपनी कोरफड उचलत नाही. त्यामुळे त्या वर्षाचे नुकसान सोसण्याचीही तयारी लागते. 
  • विक्री करण्यापूर्वी खरेदीदाराचे स्त्रोत खात्रीशीरपणे जाणून  घ्यावेत. 

कोरफडीचे पीक मिश्रपीक पद्धतीतच घेतले 

पवार यांनी कोरफडीचे पीक मिश्रपीक पद्धतीतच घेतले आहे. कलिंगड, तूर, पपई, शेवगा आदींचा वापर त्यामध्ये केला आहे. दीड वर्षांपूर्वी कोरफडीची सव्वा दोन लाख रोपे आफ्रिकेत मध्यस्थांमार्फत विकली. त्यातून उत्पन्नाचा स्त्रोत वाढवला. कोरफडीची वाळलेली पाने १८ रुपये प्रति किलो दराने या वर्षी प्रायोगिक तत्वावर विकली आहेत. कोरफडीसोबत बेहड्याचीही मिश्र पीक पद्धतीतच १५ वर्षांची झाडे दोन एकरांत आहेत. कोरफडीप्रमाणेच मध्यस्थ जागेवर येऊन खरेदी करतात. त्याला नऊशे रुपये प्रति क्विंटल दर मिळतो.   

एकहाती शेतीचे व्यवस्थापन 
पवार सांगतात, की सध्या मजूरटंचाई हा सर्वात मोठा प्रश्न बनला आहे. त्यामुळे स्वतःच अधिकाधिक कामे करण्यावर भर देतो. मुलगा कृष्णकांत यांचाही शेती व्यवस्थापनात सहभाग राहतो. 
अन्य पिकांमध्ये सोयाबीन, तूर अशी पिके असतात. मात्र पाण्याची कमतरता व दर यांचा विचार केल्यास सर्व पिकांमध्ये कोरफड हेच पीक सर्वात किफायतशीर ठरले आहे. त्यातूनच आर्थिक उत्पन्न वाढवणे शक्य झाले आहे. एकदा हे पीक लावल्यानंतर काही वर्षे ते टिकते. दरवर्षी काढणी, पेरणी या बाबींतून सुटका होते. 

 : चंद्रकांत पवार, ९८२२४८९८०५ 

फोटो गॅलरी

इतर अॅग्रो विशेष
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...
ग्रामपंचायतींमध्ये पीकनिहाय कृषी संदेश...पुणे: बोंड अळी तसेच पावसाचा खंड असल्यामुळे...
शेतकरी नवराच हवा गं बाई... कोल्हापूर : ‘शेतकरी नवरा नको गं बाई’ म्हणून...
कोकण, मध्य महाराष्ट्राच्या दक्षिण भागात...पुणे : कोकणाच्या सिंधुदुर्ग, रत्नागिरी, मध्य...
‘एमएसीपी’चे फलित काय ?पुणे : जागतिक बॅंकेकडून सुमारे ४५० कोटी रुपयांचे...
एकशेपंचवीस प्रकारच्या देशी बियाणांचा...काळा गहू, काळा हुलगा, लाल उडीद, पांढरे कारळे, साठ...
स्वादयुक्त, निर्यातक्षम आंबेमोहोर...निमझरी (जि. धुळे) येथील मच्छिंद्र, छगन आणि...
केरळला १०० कोटींची मदतकोची : केरळमधील पूरग्रस्त भागाची आज हवाई...
वानरांचा बंदोबस्त करणार कसा? माकडे आणि वानरे हजारो वर्षांपासून जंगलामध्ये,...
योजना चांगली, पण...हा य व्होल्टेज डिस्ट्रिब्युशन सिस्टिम (एचव्हीडीएस...
क्रॉपसॅप निरीक्षणाला अधिकाऱ्यांचा ‘खो'नागपूर ः क्रॉपसॅप प्रकल्पाअंतर्गत आठवड्यातून दोन...
‘दीडपट हमीभाव’प्रश्‍नी जनहित याचिकामुंबई: केंद्र सरकारने खरीप हंगामासाठी शेतीमालाला...
मॉन्सूनच्या काळात ७१८ जणांचा मृत्यूनवी दिल्ली ः देशात यंदाच्या माॅन्सूच्या काळात...
मराठवाड्यातील प्रकल्पांमधील पाणीसाठा...औरंगाबाद : पावसाळा सुरू असला तरी पाऊसच पडत...
कोकण, मध्य महाराष्ट्रात मुसळधारेचा अंदाजपुणे : राज्यात दडी मारलेल्या पावसाला पुन्हा...
वर्धा जिल्ह्यात कपाशीवर बोंड अळीचा...वर्धा ः जून महिन्यात लागवड करण्यात आलेल्या कपाशी...