agriculture news in marathi, agrowon, sugar crushing season, licence, pune | Agrowon

परवान्यासाठी हेलपाटे होणार बंद
मनोज कापडे
सोमवार, 11 सप्टेंबर 2017

पुणे : राज्यातील साखर कारखान्यांना ऑनलाइन गाळप परवाना देण्याचा महत्त्वपूर्ण निर्णय राज्य सरकारने घेतला आहे. परवान्यासाठी कारखान्यांना आयुक्तालयाचे हेलपाटे मारावे लागतात. ही पद्धत कायमची बंद करा, असे आदेश सहकारमंत्री सुभाष देशमुख यांनी गेल्या हंगामात दिले होते. 

पुणे : राज्यातील साखर कारखान्यांना ऑनलाइन गाळप परवाना देण्याचा महत्त्वपूर्ण निर्णय राज्य सरकारने घेतला आहे. परवान्यासाठी कारखान्यांना आयुक्तालयाचे हेलपाटे मारावे लागतात. ही पद्धत कायमची बंद करा, असे आदेश सहकारमंत्री सुभाष देशमुख यांनी गेल्या हंगामात दिले होते. 

साखर कारखाना सहकारी असो की खासगी त्यासाठी राज्य शासनाचा गाळप परवाना दरवर्षी मिळवणे बंधनकारक असते. साखर आयुक्तांच्या स्वाक्षरीचा परवाना मिळाल्याशिवाय साखर कारखान्यांना बॉयलर पेटवता येत नाहीत. परवाना नसताना किंवा निश्चित केलेल्या तारखेच्या आधीच गाळप सुरू केल्यास कायद्यानुसार कारखान्यांना दंडात्मक कारवाईला सामोरे जावे लागते. त्यामुळे साखर कारखान्यांचे प्रशासन परवाना मिळविण्यासाठी सप्टेंबरपासूनच पूर्वतयारीला लागते. 

१५ सप्टेंबरपर्यंत माहिती अपेक्षित साखर कारखान्यांना दरवर्षी परवान्यासाठी अनेक कागदपत्रे घेऊन पुण्याच्या साखर आयुक्तालयात धाव घ्यावी लागते. त्यात पुन्हा काही क्वेरी (त्रुटी) उपस्थित झाल्यास आयुक्तालयाचे हेलपाटे मारून परवाना मिळवावा लागतो.

सहकारमंत्री देशमुख यांना ही माहिती आधीपासूनच होती. त्यामुळे गेल्या हंगामात त्यांनी परवान्यासाठी हेलपाटे मारण्याची पद्धत थांबविण्याच्या सूचना दिल्या होत्या, असे सूत्रांनी स्पष्ट केले. ऑनलाइन परवाना वितरणाची पद्धत किचकट राहू नये यासाठी साखर आयुक्त सुभाष कडू पाटील हेदेखील आढावा घेत आहेत.

चालू हंगामापासून कारखान्यांना ऑनलाइन अर्ज करता यावेत यासाठी सॉफ्टवेअर तयार करण्यात आले आहे. सध्या कारखान्यांकडून त्यात माहितीदेखील भरली जात आहे. परवान्यासाठी १५ सप्टेंबरपर्यंत ऑनलाइन माहिती अपेक्षित आहे. कारखान्यांना सर्व माहिती द्यावीच लागणार ऑनलाइन परवाना पद्धतीमुळे राज्यातील साखर कारखान्यांना थकीत एफआरपी आणि सरकारी देणी याची माहितीदेखील ऑनलाइन द्यावी लागणार आहे.

गाळप परवाना शुल्क, कारखान्याचे विस्तारीकरण झाले असल्यास सुरक्षा अनामत, मुख्यमंत्री सहाय्यता निधी आणि साखर संकुल निधी आता कारखान्यांना थेट ऑनलाइन भरता येईल, अशी माहिती साखर कारखाना उद्योगातून देण्यात आली. ऑनलाइन परवाना पद्धत यंदा सुरू केली जात असली तरी कारखान्यांना सर्व माहिती द्यावीच लागणार आहे. त्यात कारखान्याचा तांत्रिक तपशील तसेच गाळप क्षमता, उपलब्ध ऊस, नोंदणी क्षेत्र, सभासदांची यादीनिहाय ऊस उपलब्धता, पाच वर्षात साखर कारखान्याने केलेले गाळप, साखर उत्पादन आणि उसाचे क्षेत्र जाहीर करावे लागणार आहे. 

इतर अॅग्रो विशेष
आरोग्यदायी आहार हेच हवे लक्ष्य!पहिले आणि दुसरे महायुद्ध संपले, यामध्ये...
तापलेलं ‘दूध’अनिश्‍चित अशा शेतीला शाश्वत मिळकतीची जोड म्हणून...
खडकवासला, कलमोडी धरण भरलेपुणे  : जिल्ह्याच्या बहुतांशी भागात पावसाने...
दुधाचा भडका; सरकारची कोंडी पुणे  : राज्यातील दूध उत्पादक शेतकऱ्यांच्या...
दुधाचे टँकर बंदोबस्तात मुंबईकडे रवानानाशिक : स्वाभिमानी शेतकरी संघटनेने पुकारलेल्या...
कोकण, मध्य महाराष्ट्र, पूर्व विदर्भात...पुणे: कोकण, मध्य महाराष्ट्राला सोमवारी (ता. १६)...
दूध आंदोलनाचे विधिमंडळातही पडसादनागपूर: दुधाला लिटरमागे प्रतिलिटर पाच रुपये...
बाजारपेठ ओळखून केळी बागेचे आदर्श नियोजनकठोरा (ता. जि. जळगाव) येथील पांडुरंग मोहन पाटील व...
एकात्मीक शेतीतून खुल्या झाल्या...आत्महत्याग्रस्त अशी ओळख असलेल्या यवतमाळ जिह्यातील...
दूधदर प्रश्नी विधिमंडळ दणाणले; सभेत...नागपूर : राज्यात सुरु असलेल्या दूध दर आंदोलनाचे...
दूध आंदोलन तापले, बहुतांश जिल्ह्यात...पुणे : शेतकऱ्यांना प्रति लिटर थेट पाच रुपये...
कोल्हापूरात दूध संकलन १०० टक्के बंद ! कोल्हापूर- गायीच्या दूधाला प्रतिलिटर पाच...
आंतरराष्ट्रीय सुबाभूळ परिषदेच्या...पोषण हा पशुपालनातील सगळ्यात महत्त्वाचा घटक आहे....
चिंब झाली रान माती...कमी पाऊसमानानंतर उद्भवणारी पाणीटंचाई आणि दुष्काळी...
आंदोलन होणारचकोल्हापूर/ पुणे : अनेक दूध संघ अगोदरच गायीच्या...
काेकण, विदर्भात तुरळक ठिकाणी...पुणे : बंगालच्या उपसागरातील कमी दाबाचे क्षेत्र...
साखर कारखान्यांकडे १२ हजार कोटींची...लखनौ ः उत्तर प्रदेशात २०१७-१८ च्या हंगामात...
संघांकडून दूध दरात तीन रुपयांची वाढपुणे ः दूध दरावर ताेडगा काढण्यासाठी राज्य सरकारने...
पीककर्ज वितरण केवळ ३० टक्केचपुणे : शेतकऱ्यांना पीककर्ज वाटपात दिरंगाई...
सेंद्रिय भातशेतीसोबतच राबविली थेट...पुणे जिल्ह्यातील भोयरे (ता. मावळ) येथील रोहिदास...