agriculture news in Marathi, agrowon, Sugar prices continue to decline | Agrowon

साखरेच्या दरात घसरण कायम
टीम अॅग्रोवन
बुधवार, 14 मार्च 2018

कोल्हापूर : साखरेच्या दरातील घसरण कायम असून, सोमवारी (ता.१२) साखरेच्या दरात पुन्हा क्विंटलला  ८० रुपयांनी घसरण झाली. त्यामुळे आता निर्यात शुल्क घटविण्याचा निर्णय जाहीर करून तातडीने अंमलबजावणी क्रमप्राप्त झाली आहे. हंगाम संपायच्या आत हा निर्णय झाल्यास शिल्लक साखरेचा बोजा न राहता ही साखर निर्यात होऊ शकते. त्याचा सकारात्मक परिणाम साखरेचे दर वाढण्यावर  होणार आहे. 

कोल्हापूर : साखरेच्या दरातील घसरण कायम असून, सोमवारी (ता.१२) साखरेच्या दरात पुन्हा क्विंटलला  ८० रुपयांनी घसरण झाली. त्यामुळे आता निर्यात शुल्क घटविण्याचा निर्णय जाहीर करून तातडीने अंमलबजावणी क्रमप्राप्त झाली आहे. हंगाम संपायच्या आत हा निर्णय झाल्यास शिल्लक साखरेचा बोजा न राहता ही साखर निर्यात होऊ शकते. त्याचा सकारात्मक परिणाम साखरेचे दर वाढण्यावर  होणार आहे. 

केंद्रीय स्तरावरून साखरेचे निर्यात शुल्क हटविण्याच्या निर्णयाची निश्‍चिती झाली असल्याचे सूत्रांचे म्हणणे असले, तरी अद्याप तो निर्णय जाहीर झाला नाही. निर्णय जाहीर करून त्याची अंमलबजावणी करण्यास पुन्हा वेळ जाणार आहे. 

गेल्या वर्षीच्या तुलनेत यंदा साखरेच्या उत्पादनात सुमारे पंधरा टक्क्‍यांची वाढ झाली आहे. सध्या स्थानिक बाजारात ३००० रुपयांपर्यंतचा दर साखर कारखान्यांना मिळत आहे. या दरालाही साखर विकण्यास कारखानदार तयार नाहीत. पण, सगळंच नुकसान सोसण्यापेक्षा काही टक्के साखर कमी दराने विकून उर्वरित साखरेला चांगला दर मिळविणेही कारखान्यांना शक्‍य असल्याचे साखर उद्योगातील तज्ज्ञांचे मत आहे. शिल्लक साखरेमुळे सगळ्याच साखरेला दर कमी मिळण्यापेक्षा दहा टक्के साखर कमी दरात विकून उर्वरित ९० टक्के साखरेला चांगला भाव कारखाने मिळवू शकतात, असाही एक मतप्रवाह तज्ज्ञांतून व्यक्त होत आहे. 

भविष्याचा विचार हवा
यंदाचीच साखर हंगामाची स्थिती बिकट आहे. पुढील वर्षाची उसाची लागवड पाहता पुढील वर्षीही अशी स्थिती राहणार असल्याची शक्‍यता तज्ज्ञ व्यक्त करीत आहेत. गेल्या वर्षीच्या चाळीस लाख मे. टन साखर शिल्लक असल्याचा दबाव असल्याने दरात आताच घट झाली. आताही जर शासन व कारखानापातळीवरून योग्य निर्णय नाही झाले, तर पुढील वर्षी आणखी स्थिती अडचणीची होऊ शकते. यामुळे यंदाचा हंगाम संपण्यापूर्वी शासन व कारखान्यांनीही तातडीने पावले उचलण्याची गरज व्यक्त होत आहे. 

निर्यातीच्या दृष्टीने चार महिने महत्त्वाचे 
सप्टेंबर, ऑक्‍टोबरपर्यंत दरात घसरण अशीच सुरू राहिल्यास त्याचा विपरीत परिणाम पुढच्या हंगामावर होऊ शकतो.  मोठ्या प्रमाणात शॉर्ट मार्जिन निर्माण झाल्याने योग्य निर्णय न झाल्यास काही कारखाने सुरूच होऊ शकणार नाही, इतकी गंभीर परिस्थिती काही कारखान्यांची आहे. मे ते ऑगस्टदरम्यान जेवढी साखर बाहेर जाईल तितका फायदा या उद्योगाला होईल. निर्यात शुल्क हटविण्याचा निर्णय झाल्यास कोणत्या देशाला गरज आहे. किती गरज आहे, याचा अंदाज, बंदरांची उपलब्धता याचा अंदाज घेण्यास पुन्हा वेळ लागणार असल्याने निर्णय झटपट जाहीर करावा, अशी मागणी या उद्योगाची आहे. 

कारखान्यांनी सगळ्याच साखरेची विक्री तोट्यात होऊ नये याबाबत दक्षता बाळगणे गरजेचे आहे. संपूर्ण साखर तोट्यात विकण्यापेक्षा काही टक्के कमी दराने विकून उर्वरित साखरेला जादा दर मिळणे शक्‍य आहे.

 - विजय औताडे, साखर तज्ज्ञ

हंगाम सुरू झाल्यापासून केंद्र साखर धोरणात अनाकलनीय बदल करते. दराच्या बाबतीत दूरगामी धोरण ठेवत नाही. यामुळे उद्योगाची हानी होत आहे. याचा फटका शेतकऱ्यांनी अतिशय विदारक पद्धतीने बसत आहे. भविष्याचा वेध घेऊन काही काळ स्थिर राहणारे ठोस धोरण केंद्राने ठरवावे.

- रघुनाथदादा पाटील, अध्यक्ष शेतकरी संघटना

इतर अॅग्रो विशेष
देशाचा विकास वेगाने होतोय : राष्ट्रपतीनवी दिल्ली : ''देशातील परिस्थिती झपाट्याने...
स्वातंत्र्य संग्रामातील ग्रामीण सहभागब्रिटिश सत्तेविरोधी स्वातंत्र्य चळवळीत केवळ शहरी...
सापळ्यात अडकलाय शेतकरीयावर्षी जुलैच्या पहिल्या आठवड्यात बीटी कापसावर एक...
नाशिक विभागातील नुकसानग्रस्तांना चाळीस...नाशिक : गतवर्षी एप्रिल ते ऑक्टोबर या कालावधीत...
पुणे जिल्ह्यातील दहा धरणे शंभर टक्के पुणे ः गेल्या तीन ते चार दिवसांपासून धरणाच्या...
राज्यात अनेक ठिकाणी हलका ते जोरदार पाऊसपुणे ः बंगालच्या उपसागरात तयार झालेल्या कमी...
शेतीपूरक व्यवसायाला विदर्भात चालना...नागपूर ः सरकारने २०२२ पर्यंत शेतकऱ्यांचे उत्पन्न...
इथेनॉलनिर्मितीसाठीच्या कर्जासाठीचे निकष...नवी दिल्ली: केंद्र सरकार साखर कारखान्यांना...
सूक्ष्म सिंचन अनुदानाचे ९० कोटी अखर्चितमुंबई ः २०१७-१८ या वर्षातील सूक्ष्म सिंचन...
सोयाबीन लागवडीत ९ टक्के वाढनवी दिल्ली: कृषी विभागाच्या ९ ऑगस्टपर्यंतच्या...
तेलकट डाग रोगाने डाळिंबाला घेरलेसांगली ः राज्यात डाळिंबाचे सुमारे दोन लाखांहून...
‘नाफेड’समोर कांदा खरेदीचा पेचनाशिक : कांद्याचा घसरता दर थांबविण्यासाठी, तसेच...
अभ्यासू, प्रयोगशील युवकाची एकात्मिक,...‘बीएस्सी ॲग्री’ची पदवी, त्यानंतर सुमारे १० वर्षे...
समविचारी पक्षांना सोबत घेणार ः चव्हाणनाशिक : विरोधक एकत्र येऊ नयेत म्हणून भाजप...
स्वतःची विक्री व्यवस्था, मूल्यवर्धनातून...एकेकाळी भूमिहीन असलेल्या काजळी रोहिणा (जि. परभणी...
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...