agriculture news in marathi, agrowon, talathi certificate, maharashtra | Agrowon

तेरा ते चौदा प्रकारचे दाखले २ आॅक्टोबरपासून बंद
हेमंत पवार
मंगळवार, 19 सप्टेंबर 2017

राज्य तलाठी संघाची राज्यव्यापी बैठक परभणी येथे झाली. त्यामध्ये या विषयावर विचारविनिमय होऊन जे दाखले देण्याचा अधिकारच नाही ते दाखले देण्याचे बंद करण्याचा महत्त्वपूर्ण निर्णय घेण्यात आला आहे.

कऱ्हाड, जि. सातारा ः राज्यातील तलाठी व मंडल अधिकारी यांना अधिकार नसलेले रहिवाशी, उत्पन्नाच्या दाखल्यांसह विविध प्रकारचे दाखले दोन आक्टोबरपासून देणे बंद करण्यात येणार आहेत. महाराष्ट्र राज्य तलाठी महासंघाच्या परभणी येथील राज्यव्यापी बैठकीत हा महत्त्वपूर्ण निर्णय पदाधिकाऱ्यांनी घेतला आहे.

यासंदर्भातील निवेदन महसूल विभागाचे मुख्य सचिव मनुकुमार श्रीवास्तव यांना देण्यात आले असल्याची माहिती राज्य तलाठी महासंघाचे अध्यक्ष ज्ञानदेव डुबल यांनी दिली. शासकीय कामात अडथळे येऊ नये, लोकांची कामे दाखल्याविना थांबू नये या हेतुने गावोगावचे तलाठी व मंडल अधिकारी लोकांच्या आणि विविध विभागांच्या मागणीनुसार दाखले देतात.

त्यातुन लोकांच्या गरजा भागत होत्या. मात्र तलाठी व मंडल अधिकारी यांना अधिकार नसतानाही दाखले दिल्याने तलाठी व मंडल अधिकाऱ्यांना काही प्रकरणात नोटिसा बजावण्यात आल्या आहेत. त्यांना त्यासंदर्भात न्यायालयाकडून विचारणाही झाल्यामुळे संबंधितांना त्यामुळे मनस्ताप होऊ लागला आहे.

त्यासंदर्भात राज्य तलाठी संघाची राज्यव्यापी बैठक परभणी येथे झाली. त्यामध्ये या विषयावर विचारविनिमय होऊन जे दाखले देण्याचा अधिकारच नाही ते दाखले देण्याचे बंद करण्याचा महत्त्वपूर्ण निर्णय घेण्यात आला आहे. तलाठी संघाने त्यासंदर्भात महसूल विभागाच्या मुख्य सचिवांना निवेदनाद्वारे कळवून त्यांच्याकडे त्यासंदर्भातील मार्गदर्शनही मागवण्यात आल्याचे डुबल यांनी सांगितले.

नागरिक या दाखल्यांवाचून राहणार वंचित
उत्पन्नाच्या दाखल्यासह वारसा प्रमाणपत्र, मालकी हक्क दाखला, कुटुंबाचे प्रमाणपत्र, शेतीचा नकाशा, वीज कनेक्शन जोडणीसाठीचे ना हरकत प्रमाणपत्र, विहीर असल्याचे किंवा नसल्याचे प्रमाणपत्र, रहिवाशी दाखला, पोलिसांचे प्रमाणपत्र, स्वयंघोषणा प्रमाणपत्र, शेतीतील विजेच्या खांबासंदर्भातील दाखला यासह कृषी, पोलिस, शिक्षण, वन, महसूल, तसेच अन्य शासकीय विभागांना आवश्यक असणारे दाखले तलाठी व मंडल अधिकाऱ्यांकडून देण्यात येणार नाहीत, असा निर्णय घेण्यात आला आहे.

दाखल्यांविना होणार खोळंबा
तलाठी व मंडल अधिकारी यांच्याकडून लोकांसह शासकीय विभागांना देण्यात येणारे दाखले हे ग्राह्य मानून सरकार स्तरावर कार्यवाही केली जाते. मात्र त्यांनीच संबंधित दाखले देण्याचे बंद करण्यात येणार असल्याचा निर्णय घेतल्यामुळे शासकीय व खासगी कामांसाठी लागणाऱ्या दाखल्यांमुळे शासकीय कामात अडथळा येण्याची शक्यता निर्माण झाली आहे. त्यावर शासनाने तातडीने तोडगा काढणे आवश्यक आहे.

इतर अॅग्रो विशेष
मोदी सरकार पास की नापास? बघा रिपोर्ट...मोदी सरकारचा चार वर्षांचा प्रवास, पुढच्या...
भारत शेतीमध्ये जागतिक महासत्ता :...बारामती ः भारत हा शेतीच्या बाबतीत जगातील महासत्ता...
माॅन्सून अंदमानात; मंगळवारपर्यंत केरळातपुणे : नैऋत्य मोसमी वाऱ्यांनी (मॉन्सून) बंगालच्या...
जॉईंट अॅग्रेस्को : ‘कृषी’च्या मंथनाकडे...दापोली, जि. रत्नागिरी : शेतकऱ्यांच्या आत्महत्या...
मध्य महाराष्ट्रात पावसाचा अंदाजपुणे ः पावसाला पोषक हवामान असल्याने कोकण,...
गोष्ट अश्‍वमेधाच्या डिजिटल घोड्यांचीनरेंद्र मोदी देशाच्या राजकारणात उतरले तेच मुळी...
छत्तीसगडच्या शेतकऱ्यांना सीताफळाने...सीताफळ शेतीत देशात अाघाडीवर महाराष्ट्राची भुरळ...
चला आटपाडीला देशी शेळी, माडग्याळी मेंढी...आटपाडी (जि. सांगली) येथील अोढा पात्रात दर शनिवारी...
विशेष संपादकीय : देशाच्या 'फिटनेस'चे...नरेंद्र मोदी यांच्या नेतृत्वाखालील भारतीय जनता...
मोदी सरकार चार वर्ष : अपेक्षा...गेल्या चार वर्षांत नरेंद्र मोदी सरकारला अनेक चढ-...
विवेकबुद्धी, स्वयंप्रेरणाच बनली धूसरमोदी सरकारच्या काळात हिंदुत्व आणि नरम हिंदुत्व...
माॅन्सून अंदमानात दाखल !!!पुणे : माॅन्सूनसाठी अंदमानाच्या दक्षिण भागात...
फेरवाटपातून वाढतोय जलसंघर्षमहाराष्ट्र देशी जलसंघर्षांच्या संख्येत व तीव्रतेत...
शेतकरी सक्षमतेचा ‘करार’भारतीय शेतकऱ्यांसमोर आजची सर्वांत मोठी अडचण कोणती...
शेतकरी आत्महत्या थांबविण्यासाठी...दापोली, जि. रत्नागिरी : शेतकऱ्यांच्या...
‘त्या’ कृषी पर्यवेक्षकांना ‘मॅट’चा...अकोला ः अमरावती विभागीय कृषी सहसंचालकाकडून सन...
भुईमुगालाही हमीभाव मिळेनाअकोला ः या हंगामात लागवड झालेल्या भुईमुगाची काढणी...
जैन इरिगेशनला विदर्भातील सूक्ष्म सिंचन...जळगाव : जगातील अग्रगण्य सिंचन कंपनी जैन इरिगेशन...
कडधान्याचा पेरा वाढण्याची शक्यतानवी दिल्ली ः भारतीय हवामान खत्याने यंदा मॉन्सून...
माॅन्सून उद्या अंदमानातपुणे : माॅन्सूनसाठी अंदमानाच्या दक्षिण भागात...