agriculture news in Marathi, agrowon, Thousands of quintal tur is remaining | Agrowon

साडेअकरा हजारांवर शेतकऱ्यांची तूर पडून
टीम अॅग्रोवन
सोमवार, 14 मे 2018

चिखली, जि. बुलडाणा ः शासनाने आता तूर खरेदीसाठी १५ मे पर्यंत मुदत दिलेली आहे. तालुक्‍यात तूर विक्रीसाठी जवळपास १५ हजार शेतकऱ्यांनी नोंदणी केलेली आहे. आजवर या यादीतील केवळ ३ हजार ३०० शेतकऱ्यांचे मोजमाप झाल्याचे कळते. आता उर्वरित साडेअकरा हजारांपेक्षा जास्त शेतकऱ्यांनी तुरीचे करायचे काय? हा मोठा प्रश्‍न या शेतकऱ्यांसमोर उभा ठाकला आहे. त्यामुळे शासनाने या खरेदी केंद्रांना गतीमान करून आणि मुदतवाढ देऊन सर्व शेतकऱ्यांची तूर मोजून घ्यावी, अशी मागणी सर्वसामान्य शेतकऱ्यांकडून करण्यात येत आहे. 

चिखली, जि. बुलडाणा ः शासनाने आता तूर खरेदीसाठी १५ मे पर्यंत मुदत दिलेली आहे. तालुक्‍यात तूर विक्रीसाठी जवळपास १५ हजार शेतकऱ्यांनी नोंदणी केलेली आहे. आजवर या यादीतील केवळ ३ हजार ३०० शेतकऱ्यांचे मोजमाप झाल्याचे कळते. आता उर्वरित साडेअकरा हजारांपेक्षा जास्त शेतकऱ्यांनी तुरीचे करायचे काय? हा मोठा प्रश्‍न या शेतकऱ्यांसमोर उभा ठाकला आहे. त्यामुळे शासनाने या खरेदी केंद्रांना गतीमान करून आणि मुदतवाढ देऊन सर्व शेतकऱ्यांची तूर मोजून घ्यावी, अशी मागणी सर्वसामान्य शेतकऱ्यांकडून करण्यात येत आहे. 

केंद्र सरकारच्या तूर आयात करण्याच्या निर्णयाचा फटका बसल्याने शेतकऱ्यांनी मोठ्या कष्टांनी पिकविलेल्या तुरीला बाजारात योग्य भाव मिळत नसल्याने राज्यासह जिल्ह्यातील आणि तालुक्‍यातील शेतकरी हवालदिल झाला आहे. शासनाने मोठा गाजावाजा करून शासकीय तूर खरेदी केंद्र नाफेडमार्फत सुरू केल्याचा गवगवा केला आहे. मात्र या केंद्रावर शेतकऱ्यांचे होत असलेले हाल पाहण्यासाठी राज्यकर्त्यांना वेळच नसल्याचे दिसून येत आहे. कधी बारदाना नसल्याचे कारणाने, तर कधी माल साठविण्यासाठी गोडाऊनला जागा नसल्याच्या कारणाने खरेदी बऱ्याच काळासाठी बंदच राहते.

गेल्या तीन-चार वर्षांपूर्वी तूरडाळीचे भाव दोनशे रुपये प्रतिकिलोपर्यंत गेल्यानंतर ग्राहकांकडून मोठ्या प्रमाणात ओरड झाल्यानंतर केंद्र शासनाने विदेशातून मोठ्या प्रमाणात तूर डाळ आयात केली. या आयातीमुळे देशातील शेतकऱ्यांनी शासनाच्या आवाहनानुसार मोठ्या प्रमाणात डाळवाणाची लागवड करून उत्पन्नही चांगलेच घेतले. मात्र गेल्या दोन वर्षापासून तुरीचे बाजारभाव मोठ्या प्रमाणात खाली आले आणि शेतकऱ्यांनी वर्षभर राब-राब राबून पिकविलेल्या तुरीचा खर्चही भरून निघेनासा झाला.

शेतकऱ्यांकडून मोठ्या प्रमाणात ओरड झाल्यानंतर शासनाने गेल्या वर्षांपासून नाफेडमार्फत हमीभावाने (बोनससह) शासकीय तूर खरेदी केंद्रे मोठा गाजावाजा करून सुरू केली. मात्र या शासकीय तूर खरेदी केंद्रावर शेतकऱ्यांना मोठ्या प्रमाणात त्रास होत असल्याची ओरड सातत्याने होत आहे. 

गेल्या दोन दिवसांपूर्वी चिखली येथील कृषी उत्पन्न बाजार समितीच्या टीएमसी प्रकल्पावरील शासकीय तूर खरेदी केंद्रावर चांगलाच गोंधळ झाला होता. आता शनिवार (ता. १२) पासून गोडाऊन उपलब्ध नसल्याच्या कारणाने खरेदी बंद राहणार असल्याची सूचना या केंद्रावर शेतकऱ्यांसाठी लावण्यात आलेली आहे.

सोबतच या शासकीय तूर खरेदी केंद्रावर शेतकऱ्यांसाठी पिण्याच्या पाण्यासारखी मुलभूत सुविधादेखील उपलब्ध नाही. त्यामुळे शहरापासून साधारण तीन किलोमीटर अंतरावरील या केंद्रावर शेतकऱ्यांचे मोठे हाल होत असल्याचे दिसून येत आहे. दुसरीकडे शासनाने तूर खरेदीसाठी येत्या १५ मे पर्यंतचीच मुदत दिलेली असल्याने मोठ्या प्रमाणात शेतकऱ्यांच्या घरामध्ये तूर तशीच पडून असल्याने या तुरीचे करायचे काय हा प्रश्‍न सर्वसामान्य शेतकऱ्यांसमोर उभा राहिला आहे. त्यामुळे शासनाने एकतर आता या तूर खरेदीची मुदत वाढवून देऊन सर्व शेतकऱ्यांची तूर खरेदी करण्यासाठी बारदाना, गोडाऊन आणि पुरेसे मनुष्यबळ याची व्यवस्था करून शेतकऱ्यांची होणारी गैरसोय टाळावी अशी अपेक्षा सर्वसामान्य शेतकऱ्यांमधून व्यक्‍त होत आहे.

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...