कृषी हवामान सल्ला सेवा देणाऱ्या भागधारकांची आज बैठक

साखरेच्या दरात घसरण कायम
साखरेच्या दरात घसरण कायम

पुणे :  कृषी-हवामान सल्ला सेवा पुरविणाऱ्या सर्व भागधारकांची राज्यस्तरीय बैठक पुणे कृषी महाविद्यालयातील शिरनामे सभागृह येथे बुधवारी (ता. १४) आयोजित करण्यात आली आहे. महात्मा फुले कृषी विद्यापीठाच्या सुवर्णमहोत्सवी वर्षाचे औचित्य साधून महात्मा फुले कृषी विद्यापीठ, राहुरी, भारतीय हवामानशास्त्र विभाग आणि कृषि विभाग, महाराष्ट्र शासन यांच्या संयुक्त विद्यमाने ही बैठक आयोजित करण्यात आली आहे.

ग्रामीण कृषी मौसम सेवांकरिता कृषी विद्यापीठ, कृषी विभाग व भारतीय हवामानशास्त्र विभाग हवामान महितीच्या आधारे पीक उत्पादन, तसेच किडी व रोगांच्या प्रादुर्भाव व प्रसाराबाबतचे अंदाज प्रसारित करीत असतात. हे अंदाज आकाशवाणी वरील “माझं घर, माझं शेत” कार्यक्रमातील कृषी सल्ला या भागातून प्रसारित केले जातात.

महत्त्वपूर्ण कृषी हवामान विषयक अंदाज वर्तवून सल्ला सेवा देताना येणाऱ्या अडचणींचा अभ्यास करून त्यांचे निराकरण करणे, सल्ला सेवेची प्रसार गुणवत्ता सुधारणे आणि बदलत्या हवामानानुसार शेतीपद्धतीत करावयाचे बदल याबाबत सर्व संलग्न भागधारकांना मार्गदर्शन करणे अशा, उद्देशांनी या बैठकीचे आयोजन करण्यात आले आहे.

या बैठकीत राज्यातील सर्व जिल्हा अधीक्षक कृषी अधिकारी व कृषी विभागाचा इतर अधिकारी वर्ग, सर्व कृषी विज्ञान केंद्रांचे कार्यक्रम समन्वयक, कृषी-हवामान क्षेत्रीय एकाकांचे नोडल व तांत्रिक अधिकारी, विद्यापीठाच्या सर्व विभागांचे विभागप्रमुख व कृषी तंत्रज्ञान व्यवस्थापन यंत्रणा (आत्मा), पुणेचे सर्व अधिकारी आणि शेतकरी सहभागी होणार आहेत.

बैठकीदरम्यान कृषी हवामान सल्ल्याकरिता हवामान अंदाज वर्तविणे, या विषयानुरूप महाराष्ट्रातील संधी व आव्हाने, कृषी हवामान सल्ल्याच्या प्रसार व बळकटीकरणामध्ये कृषी विभागाची भूमिका, पीकनिहाय विशिष्ट हवामान सल्ला, पशुपालन व मत्स्योत्पादानाकरिता विशिष्ट हवामान सल्ला या बाबींवर तज्ज्ञ मार्गदर्शन करणार आहे. याशिवाय गुणवत्तापूर्ण कृषी-हवामान सल्ल्यांची निर्मिती, प्रसार, प्रसिद्धी व प्रत्याभरण याविषयी चर्चा होणार आहे. 

कार्यक्रमाकरिता महात्मा फुले कृषी विद्यापीठाचे कुलगुरू मा. डॉ. के. पी. विश्वनाथा, राज्याचे कृषी आयुक्त श्री. सचिन्द्र प्रताप सिंह आदी मान्यवर उपस्थित राहणार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com