agriculture news in marathi, agrowon, tomato disease | Agrowon

टोमॅटोवर करप्याचे संकट
ज्ञानेश उगले
शुक्रवार, 8 सप्टेंबर 2017

टोमॅटोची बांधणी सुरू आहे. मागे झालेला पाऊस आणि आता रोज पडणारे दव यामुळे करप्याचा प्रादुर्भाव झाला आहे. या स्थितीत पीक संरक्षणाचा खर्च वाढला आहे.
-प्रकाश काकड, मखमलाबाद, ता. जि. नाशिक

नाशिक : खरीप हंगामातील टोमॅटो लागवड करपा आणि मररोगाच्या प्रादुर्भावामुळे अडचणीत सापडली आहे. पाऊस उघडल्यानंतर अचानक तापमान वाढल्याने टोमॅटोची पाने, खोड, मुळे यावर डाग, ठिपके तसेच बुरशी आढळून आली.

यामुळे टोमॅटो उत्पादकांच्या तोंडचे पाणी पळाले आहे. वेळेत नियंत्रण न झाल्यास रोगांमुळे उत्पादनात ४० टक्के घट होण्याची भीती आहे.

राज्यात टोमॅटो हे महत्त्वाचे नगदी पीक आहे. कमी कालावधीचे हे पीक राज्यातील बहुतांश जिल्ह्यांत घेतले जाते. नाशिक व नगर आणि पुणे भागातील हंगाम महत्त्वाचे मानले जातात. कमी पावसाच्या भागात ही खरीप टोमॅटोचे उत्पादन घेण्यास शेतकऱ्यांकडून प्राधान्य दिले जाते.

नोटाबंदीमुळे मागील वर्षीच्या हंगामात टोमॅटो उत्पादक शेतकऱ्यांना मोठा दणका बसला होता. यंदा सुरवातीपासून पावसाने चांगली साथ दिल्याने यंदाही मोठ्या आशेने टोमॅटोची लागवड झाली आहे. ऑगस्ट, सप्टेंबर या दोन महिन्यात पावसाने बहुतांश भागातील टोमॅटोला झोडपले आहे.

मागील तीन दिवसांपासून अचानक पाऊस थांबून तापमानात वाढ झाली आहे. याच काळात पिकात सुप्तावस्थेत असलेल्या बुरशीजन्य, जीवणूजन्य रोगांनी डोके वर काढले आहे. हे आक्रमण अचानक दिसून आल्याने टोमॅटो उत्पादक चक्रावले आहेत.

नाशिक विभागात टोमॅटोत बुरशीजन्य आणि जीवाणूजन्य मर रोग, बुरशीजन्य करपा या रोगांचा प्रादुर्भाव जास्त प्रमाणात वाढला आहे. परिपक्व झालेल्या टोमॅटोमध्ये तसेच काढणीयोग्य फळांमध्येही रंग विकसित न होण्याची विकृती दिसून येत आहे.

शेतकरी नामदेव भामरे (पिंगळवाडे, ता. सटाणा, जि. नाशिक) म्हणाले, की कळवण, सटाणा, मालेगाव, देवळा या भागात टोमॅटोवर करपा, भुरी, अर्ली ब्लाईटचा प्रादुर्भाव वाढला आहे. यामुळे उत्पादनात घट येण्याची स्थिती आहे.

याबाबत के. के. वाघ कृषी महाविद्यालयातील कीटकशास्त्र विषयातील तज्ज्ञ तुषार उगले म्हणाले की, नाशिक भागात मागील महिन्यात झालेला अतिपाऊस, अनेक दिवस शेतात साचून राहिलेले पाणी, सकाळी पडणारे दव, त्यानंतर वाढत राहणारे तापमान ही स्थिती बुरशीजन्य व जीवाणूजन्य रोगांना पूरक अशी निर्माण झाली आहे.

टोमॅटो उत्पादकांनी सल्ला घेऊन बुरशीजन्य रोगांच्या नियंत्रणासाठी स्पर्शजन्य आणि आंतरप्रवाही बुरशीनाशकांचा वापर करावा. जीवाणूजन्य रोगांच्या नियंत्रणासाठी प्रतिजैविकांची फवारणी करावी. मुळकूज नियंत्रणासाठी मुळाच्या कार्यकक्षेत ट्रायकोडर्मासारख्या जैविक घटकांचा वापर करावा.

 

इतर अॅग्रो विशेष
कपाशीवर किडींचा प्रादुर्भावअकोला ः या हंगामात मेअखेर तसेच जूनच्या पहिल्या...
शेतीचा पाणीवापर कमी करण्याची गरज : नीती...नवी दिल्ली : देशात पाण्याचा अतिवापर सुरू असून,...
कर्ज नाही म्हणत नाहीत, अन्‌ देत बी...नगर ः खरिपात बी बियाणं, खतं घेण्यासाठी पीककर्जाची...
माॅन्सूनने जवळपास महाराष्ट्र व्यापलापुणे : दाेन आठवडाभराच्या विश्रांतीनंतर नैऋत्य...
राज्यात सर्वदूर पावसाचा अंदाजपुणे : मॉन्सून सक्रिय झाल्याने राज्याच्या विविध...
मराठवाड्यात पहिल्या टप्प्यात सोयाबीन...औरंगाबाद : मराठवाड्यात मोसमी पावसाच्या आगमनानंतर...
एकात्मिक खत व्यवस्थापनातून दर्जेदार...सरकोली (जि. सोलापूर) येथील प्रयोगशील शेतकरी...
पीक फेरपालटासह खताचे नेटके नियोजनअकोला देव (ता. जाफ्राबाद, जि. जालना) कपाशी...
दोन आठवड्यांनंतर मॉन्सूनची प्रगती..पुणे : नैऋत्य मोसमी वाऱ्यांनी (मॉन्सून)...
राज्यात दमदार पाऊस; कोकण, विदर्भात...पुणे : मॉन्सून सक्रिय झाल्याने कोकण, मध्य...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील १३९...
बाजारात कांदा टप्प्याटप्प्याने आणा..नाशिक : येत्या काळात देशभरातील कांदा बाजारात आवक...
दागिने गहाण टाकून पीककर्ज भरले...कोल्हापूर ः कारखान्यांनी एफआरपी देताना हात आखडता...
राज्यातील सोसायट्यांच्या दहा हजार...नाशिक : विविध कार्यकारी सेवा सहकारी संस्थांमार्फत...
राज्यातील पाच नदी खोऱ्यांच्या जल...मुंबई : राज्यातील महत्त्वपूर्ण अशा कृष्णा,...
जमिनीची सुपीकता जपत वाढविले पीक उत्पादनकुडजे (ता. हवेली, जि. पुणे) येथील शुभांगी विनायक...
शिक्षण, जलसंधारणातून ग्रामविकासाला गतीमराठवाडा ग्रामीण विकास संस्थेचा आरोग्य सेओवा,...
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...