agriculture news in marathi, agrowon, tomato market anylisis, nashik, maharashtra | Agrowon

नगर, नाशिक जिल्ह्यांतून टोमॅटोची आवक वाढली
ज्ञानेश उगले
मंगळवार, 19 सप्टेंबर 2017
नाशिक : गत सप्ताहात राज्यातील टोमॅटो उत्पादक असलेल्या नगर, नाशिक जिल्ह्यांतून बांगलादेशात पाठविल्या जाणाऱ्या टोमॅटो मालात दुपटीने वाढ झाली आहे. परिणामी मागणीच्या तुलनेत आवक वाढली. या स्थितीत टोमॅटोला प्रति २० किलोला ५० ते ३५० रुपये तर सरासरी १८० रुपये दर मिळाला. येत्या सप्ताहात हे दर स्थिर राहतील असा अंदाज जाणकारांनी वर्तवला आहे.
 
नाशिक : गत सप्ताहात राज्यातील टोमॅटो उत्पादक असलेल्या नगर, नाशिक जिल्ह्यांतून बांगलादेशात पाठविल्या जाणाऱ्या टोमॅटो मालात दुपटीने वाढ झाली आहे. परिणामी मागणीच्या तुलनेत आवक वाढली. या स्थितीत टोमॅटोला प्रति २० किलोला ५० ते ३५० रुपये तर सरासरी १८० रुपये दर मिळाला. येत्या सप्ताहात हे दर स्थिर राहतील असा अंदाज जाणकारांनी वर्तवला आहे.
 
कर्नाटक व महाराष्ट्रात मोठ्या प्रमाणात खरीप व लेट खरीप टोमॅटोची लागवड होते. दरवर्षी कर्नाटक राज्यातील हंगाम आटोपल्यानंतर महाराष्ट्रातील हंगाम सुरू होतो. यंदा नेहमीप्रमाणे महाराष्ट्रातील हंगाम ऑगस्ट महिन्यापासून सुरू झाला.
 
दरम्यान, सप्टेंबर अर्धा होऊनही कर्नाटक राज्यातील हंगाम सुरू आहे. याच दरम्यान महाराष्ट्रातील नाशिक व नगर या टोमॅटोच्या आगारात टोमॅटोची आवक वाढलेली आहे. नाशिकच्या पिंपळगाव बसवंत बाजार समितीत ऑगस्ट महिन्यात सरासरी ६० हजार क्रेटची आवक होती. त्या दरम्यान १५ ऑगस्टनंतर चार दिवस टोमॅटोचे प्रति २० किलोचे दर १०० ते १२०० व सरासरी ५५० रुपये होते. ऑगस्टच्या तिसऱ्या आठवड्यानंतर आवकेत वाढ होत गेली.
 
सप्टेंबर महिन्याच्या पहिल्या आठवड्यापासून बाजारात सरासरी २० किलो वजनाच्या सरासरी दीड लाख क्रेटची आवक होत आहे. या स्थितीत बांगलादेशमधील बाजारपेठेतून होणारी आवक स्थिर आहे. दरम्यान, दर प्रति २० किलोला ५० ते ३५० रुपये तर सरासरी १८० पर्यंत स्थिर झाले आहे. रविवारी (ता.१७) कळवण बाजार समितीत मात्र दर प्रति २० किलोला ३० ते ६० रुपयांपर्यंत होते. उत्पादन खर्चापेक्षाही कमी दर निघाल्याने शेतकऱ्यांनी बाजारात आणलेला माल बाजार आवारात फेकून दिला.
 
या स्थितीत येत्या काळात मागणी व दरात फार मोठे फरक पडतील अशी स्थिती नसल्याचे चित्र आहे. शुक्रवारी (ता.२२) मोहरम आहे. शुक्रवार (ता.२२) ते शनिवार (ता.३०) या दरम्यान बांगलादेशकडे जाणारा माल दरवर्षी बंद होतो. त्याचाही परिणाम बाजारावर झाला आहे.
 
बांग्लादेशासाठी माल पाठविणाऱ्या बहुतांश मोठ्या व्यापाऱ्यांनी टोमॅटो खरेदीसाठी हात आखडता घेतला आहे. पाकिस्तान हा भारतीय टोमॅटोचा आयातदार देश आहे. मागील वर्षापासून सीमा बंद असल्याने टोमॅटो मालाचा निपटारा होऊ शकत नाही. या स्थितीत टोमॅटोचे मार्केट सप्टेंबरअखेरपर्यंत स्थिर राहील. ऑक्‍टोबरच्या पहिल्या आठवड्यापासून नवीन माल बाजारात येईल. त्या काळात मागणी व दरात काही प्रमाणात वाढ होण्याची शक्‍यता असल्याचे जाणकारांनी सांगितले. 

इतर बाजारभाव बातम्या
औरंगाबाद येथे कारले १५०० ते २२०० रुपये...औरंगाबाद : येथील कृषी उत्पन्न बाजार समितीमध्ये...
नगर जिल्ह्यात कांदा दरात सातत्याने...नगर : जिल्ह्यामध्ये गेल्या काही महिन्यांपासून...
नाशिकला कांदा ४०० ते १४०० रुपयेनाशिक : देशभरातील बाजारातून उन्हाळ कांद्याला...
नागपूरात मुगाच्या दरात वाढ; मोसंबीचे दर...नागपूर ः कळमणा बाजार समितीत भुसारमालाचे दर कमी...
सोलापुरात कोथिंबीर, मेथी, शेपूचे दर...सोलापूर ः सोलापूर कृषी उत्पन्न बाजार समितीच्या...
जळगावमध्ये जांभूळ ६००० ते ८५०० रुपये...जळगाव : येथील कृषी उत्पन्न बाजार समितीमध्ये...
साताऱ्यात ढोबळी मिरची, फ्लॉवर, मेथी...सातारा : येथील कृषी उत्पन्न बाजार समितीत मंगळवारी...
पुण्यात भाजीपाल्याची आवक वाढली; कोबी,...पुणे  : पूर्वमोसमी पावसाने लावलेल्या...
सातत्यपूर्ण तेजीनंतर बाजारात नरमाई शक्यमागील दोन आठवड्यांत ब्रॉयलर्स पक्ष्यांना उच्चांकी...
जळगाव येथे चवळी शेंगा ३५०० रुपये क्विंटलजळगाव  ः येथील कृषी उत्पन्न बाजार समितीमध्ये...
प्रवीस कृषी रसायनाची सीआयबी रजिस्टर्ड...कोल्हापूर : येथील प्रवीस कृषी रसायन या कंपनीने...
कळमणा बाजारात कांदा, बटाट्याची सर्वाधिक...नागपूर ः येथील कळमणा बाजारात बुधवारी (ता. १३)...
औरंगाबाद येथे कारले १५०० ते २५०० रुपये...औरंगाबाद : येथील कृषी उत्पन्न बाजार समितीमध्ये...
साताऱ्यात ढोबळी मिरची दहा किलोला २०० ते...सातारा : येथील कृषी उत्पन्न बाजार समितीत मंगळवारी...
पुण्यात बहुतांश भाजीपाल्यांच्या दरात ३०...पुणे  ः शेतकरी संपाच्या पार्श्वभूमीवर...
थंडाव्यामुळे ब्रॉयलरच्या खपात सुधारणा,...ब्रॉयलर कोंबड्यांची प्रमुख बाजारपेठ असलेल्या...
परभणी शेवगा ३५०० ते ४५०० रुपये क्विंटलपरभणी : येथील जुना मोंढा भागातील फळे-...
सांगलीत हळद ६००० ते ११००० रुपये क्विंटल सांगली : येथील बाजार समितीत मंगळवारी (ता. २९)...
वर्षातील उच्चांकी पातळीवरून ब्रॉयलर्स...गेल्या आठवड्यात उच्चांकी भावपातळीवरून ब्रॉयलर्सचा...
पुण्यात कारली, फ्लॉवर, सिमला मिरचीचे दर...पुणे : गुलटेकडी येथील कृषी उत्पन्न बाजार...