जळगावात वांगी प्रतिक्विंटल १२०० ते २३०० रुपये

जळगाव ः येथील कृषी उत्पन्न बाजार समितीमध्ये भरिताच्या वांग्याची आवक वाढू लागली आहे. त्यांना मंगळवारी (ता. ३) प्रतिक्विंटल १२०० ते २३०० आणि सरासरी २००० रुपये दर मिळाला.  बाजार समितीमध्ये मागील शुक्रवारपासून आवकेत वाढ होऊ लागली आहे. मंगळवारी ४३ क्विंटल एवढी आवक झाली. आवक आसोदे, विदगाव (ता. जळगाव), धरणगाव, एरंडोल, भुसावळ आदी भागांतून होत आहे. यंदा लागवडही बऱ्यापैकी आहे. त्यामुळे हिवाळ्यात आवकही कायम राहील, असे सांगण्यात आले. बाजार समितीत भेंडीची पाच क्विंटल आवक होऊन प्रतिक्विंटल १००० ते २००० आणि सरासरी १५०० रुपये दर होता. गंगाफळाची सहा क्विंटल आवक झाली. त्यांना क्विंटलमागे ९०० ते १५०० आणि सरासरी ११०० रुपये दर होता. फ्लॉवरची सात क्विंटल आवक झाली, त्यास १२०० ते २१०० आणि सरासरी १६०० रुपये प्रतिक्विंटल दर होता. गवारीची एक क्विंटल आवक झाली, तीस ३२०० रुपये प्रतिक्विंटलचा दर मिळाला. कांद्याची १९० क्विंटल आवक झाली, त्याला ८०० ते १६०० व सरासरी ११०० रुपये प्रतिक्विंटल दर होता. कारल्यांची पाच क्विंटल आवक झाली, त्यांना १००० ते २००० व सरासरी १३०० रुपये प्रतिक्विंटल दर मिळाला. पत्ताकोबीची चार क्विंटल आवक झाली, तिला ६०० ते १००० व सरासरी ५०० रुपये प्रतिक्विंटल दर होता. हिरव्या मिरचीची ४९ क्विंटल आवक झाली, तिला १५०० ते २००० व सरासरी ८०० रुपये प्रतिक्विंटल दर मिळाला. वाल शेगांची एक क्विंटल आवक झाली, त्यांना प्रतिक्विंटल २४०० रुपये दर मिळाला. मेथीची चार क्विंटल आवक झाली. तिला प्रतिक्विंटल २५०० ते ५००० व सरासरी ३५०० रुपये दर होता.