agriculture news in Marathi, agrowon, The warehousing corporation will be set up 9 professional cold storage in the state | Agrowon

वखार महामंडळ उभारणार राज्यात ९ व्यावसायिक शीतगृहे
टीम अॅग्रोवन
मंगळवार, 10 एप्रिल 2018

पुणे  : महाराष्ट्र राज्य वखार महामंडळाने राज्यात ९ जिल्ह्यांमध्ये व्यावसायिक शीतगृहे उभारण्याचा निर्णय घेतला आहे. विशेष म्हणजे पुण्यातील पहिले शीतगृह याचवर्षी चालू करण्याचा संकल्प महामंडळाने केला आहे. यासाठी वखार महामंडळाने केंद्र शासनाच्या राष्ट्रीय कृषी विकास योजनेतून निधी मिळवला आहे.

पुणे  : महाराष्ट्र राज्य वखार महामंडळाने राज्यात ९ जिल्ह्यांमध्ये व्यावसायिक शीतगृहे उभारण्याचा निर्णय घेतला आहे. विशेष म्हणजे पुण्यातील पहिले शीतगृह याचवर्षी चालू करण्याचा संकल्प महामंडळाने केला आहे. यासाठी वखार महामंडळाने केंद्र शासनाच्या राष्ट्रीय कृषी विकास योजनेतून निधी मिळवला आहे.

महामंडळाचे व्यवस्थापकीय संचालक विलास पाटील यांनी शीतगृह प्रकल्पाला वेग दिला असून, पुण्यातील शीतगृह व्यवस्थापनाची निविदा काही दिवसांत काढली जाणार आहे. "महामंडळाने पनवेलमध्ये पाच हजार टनांचे शीतगृह बांधले. तथापि, नवे तंत्रज्ञान आणि व्यावसायिकांच्या अपेक्षा या प्रकल्पात न आल्यामुळे शीतगृह पूर्ण क्षमतेने चालविले जात नाही. ही समस्या दूर करण्यासाठी आम्ही प्रथम व्यावसायिक संस्थेची निवड करणार आहोत. आधी व्यवस्थापन निवड व नंतर बांधकाम, असे धोरण आता महामंडळाने स्वीकारले आहे, असे सूत्रांनी स्पष्ट केले.

पुण्यात गुलटेकडी भागात अडीच हजार टनांचे नवे शीतगृह उभारणीसाठी महामंडळाकडून साडेबारा कोटींची गुंतवणूक केली जाणार आहे. व्यावसायिकाला हव्या असलेल्या सुविधा आम्ही देणार आहोत. त्यामुळे महामंडळाने केलेली भांडवली गुंतवणूक लवकर वसूल होईल व नफादेखील होईल. याशिवाय शेतकऱ्यांना स्वस्त दरात फळे व भाजीपाला साठवण करण्याची सुविधा मिळेल, असे महामंडळाच्या सूत्रांचे म्हणणे आहे. 

पुण्याप्रमाणेच सांगोला, ओझर, नंदुरबार, इस्लामपूर, इंदापूर, भुसावळ, हिंगोरी, रत्नागिरी आणि मुंबईच्या जवाहरलाल नेहरू पोर्ट ट्रस्ट भागात एक हजार टन क्षमतेचे अत्याधुनिक शीतगृह उभारले 
जाणार आहे. 

महामंडळाकडे सध्या कमी मनुष्यबळ असतानाही विविध प्रकल्पांमध्ये चांगली कामगिरी केली जात आहे. शीतगृहांमध्ये जास्त गुंतवणूक करणे अशक्य असल्यामुळे वखार महामंडळाने केंद्र शासनाच्या राष्ट्रीय कृषी विकास योजनेतून निधी मिळवला आहे. प्रत्येक शीतगृहासाठी पावणेचार कोटींचे अनुदान मिळणार असून, सव्वा कोटी रुपये आर्थिक वाटा महामंडळ उचलणार आहे, असेही सूत्रांनी सांगितले. 

राज्यात शीतसाखळी तयार करण्याचा प्रयत्न 

राज्यातील प्रत्येक भागात शीतगृह तयार करून शेतकऱ्यांना भाजीपाला व फळे साठवणुकीची सुविधा मिळावी, असा प्रयत्न महामंडळाकडून केला जात आहे. निधी आणि मनुष्यबळ अशी दोन्ही आघाड्यांवर अडचणी असतानाही महामंडळाने शीतसाखळी तयार करण्याचा निर्णय घेतला आहे. अन्नधान्याची साठवण क्षमतादेखील गेल्या वर्षभरात वाढविण्यात आली आहे, असे महामंडळाच्या व्यवसाय विकास विभागातून सांगण्यात आले.

इतर ताज्या घडामोडी
औरंगाबादेत हिरवी मिरची ४००० ते ४५००...औरंगाबाद : येथील कृषी उत्पन्न बाजार समितीमध्ये...
पाणीटंचाईमुळे पुणे जिल्ह्यातील ३६...पुणे   : उन्हाच्या झळा वाढत असल्याने...
जनावरांच्या छावणीत बांधली गेली ‘...नगर : दुष्काळ पाचवीलाच पूजलेला, पिण्याचे पाणी...
शिरुर तालुक्यात रानडुकरांकडून उभ्या...रांजणगाव सांडस, जि. पुणे : शिरूर तालुक्‍...
पाथर्डी, पारनेरमध्ये सर्वाधिक टॅंकरने...नगर : जिल्ह्यात पाणीटंचाईचे गंभीर परिणाम...
राजकारणातील प्रस्थापितांची घराणेशाही...नगर  : मुस्लिम समाजाला भीती दाखविण्यासाठी...
सातारा जिल्ह्यात ३३६५ हेक्टरवर उन्हाळी...सातारा  ः जिल्ह्यातील पूर्व भागात तीव्र...
पाणीपुरवठ्यासाठी खानदेशात ५०७ विहिरी...जळगाव : पाणीटंचाई दूर करण्यासाठी खानदेशात सुमारे...
स्ट्रॉबेरी उत्पादनवाढीवर शेतकऱ्यांनी भर...भिलार, जि. सातारा  : स्ट्रॉबेरी महोत्सव हा...
लोकसभा निवडणुकीच्या दुसऱ्या टप्प्यात...मुंबई   ः राज्यात लोकसभा निवडणुकीच्या...
अब्दुल सत्तार यांची हकालपट्टी; तर...जालना ः  पक्षाविरोधात काम केल्यामुळे अब्दुल...
मराठवाड्याचा पाणी प्रश्‍न सोडविणार :...पैठण, जि. औरंगाबाद   : पश्चिम घाटातून...
मोदीजी, महाराष्ट्र तुम्हाला धडा...मुंबई : आमच्या महाराष्ट्राच्या मातीतील...
दुष्काळाच्या हद्दपारीसाठी परदेशातूनही...गोंदवले, जि. सातारा : दुष्काळ हद्दपार करण्यासाठी...
अकोला, वाशीम जिल्ह्यांत तूर, हरभरा...अकोला  : जिल्हा मार्केटिंग फेडरेशनच्या वतीने...
बांबू पिकाला आहे व्यावसायिक मूल्य...बांबू हा पर्यावरणरक्षक आहे. याचबरोबरीने बांबू...
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...