नगर ः भाजपकडून एकीकडे युतीसाठी हात दिला जातो आणि दुसरीकडे पाठीत वार केले जात आहे. त्यामुळे युतीचे (भाजप-शिवसेना) सरकार असे अजिबात म्हणून नका, आम्ही फक्त टेकू दिल्याचे शिवसेना नेते व पर्यावरण मंत्री रामदास कदम यांनी पत्रकार परिषदेत सांगितले.
महापालिकेतील एका जागेच्या पोटनिवडणुकीच्या निकालानंतर शनिवारी (ता. 7) सायंकाळी शिवसेनेच्या दोन पदाधिकाऱ्यांची गोळ्या घालून हत्या करण्यात आली. त्यामुळे मंत्री कदम यांच्यासह परिवहनमंत्री दिवाकर रावते यांनी नगरला भेट दिली. पत्रकारांशी बोलताना मंत्री कदम म्हणाले, "नगर शहरासह जिल्ह्यामध्ये गुन्हेगारी वाढली आहे. मुख्यमंत्र्यांकडे गृहमंत्रीपद असल्याने सारी जबाबदारी त्यांच्यावर जाते. केडगावला झालेला हा प्रकार कॉंग्रेस, राष्ट्रवादी व भाजप यांच्या संगमताने झाला आहे.
फक्त उमेदवार उभा करायचा आणि सगळी मते कॉंग्रेसला द्यायची हा भाजपचा जुनाच फंडा आहे. भाजपकडून एकीकडे युतीसाठी हात दिला जातो आणि दुसरीकडे पाठीत वार केले जात आहे. त्यामुळे युतीचे सरकार असे अजिबात म्हणून नका, आम्ही फक्त टेकू दिला आहे. नगमधील प्रकरणाबाबत सोमवारी (ता. 9) मुख्यमंत्र्यांना भेटून वस्तुस्थिती मांडणार असून सहायक पोलिस अधीक्षक डॉ. अक्षय शिंदे व पोलिस निरिक्षक अभय परमार यांच्या पाठबळाने गुंडगिरी वाढत असल्याने त्यांना निलंबित करण्याची मागणी करणार आहोत.
दरम्यान आमदार संग्राम जगताप, आमदार शिवाजी कर्डीले व आमदार अरुण जगताप यांच्यासह चाळीस लोकांवर गुन्हे दाखल केलेले आहेत. आमदार संग्राम जगताप यांच्यासह चौघांना अटक केली असून त्यांना पाच दिवसांची पोलिस कोठडी दिली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.