agriculture news in marathi, agrowon, weather, forecast | Agrowon

तुरळक ठिकाणी हलक्‍या सरींचा अंदाज
संदीप नवले
शनिवार, 23 सप्टेंबर 2017

पुणे ः सध्या राज्यात अनेक भागांतील हवेचा दाब 1004 हेप्टापास्कलहून अधिक झाला आहे. पावसाचा अनेक भागांतील जोर कमी झाला आहे. आज (शनिवारी) कोकण, गोव्यात बऱ्याच ठिकाणी, मध्य महाराष्ट्र व विदर्भात काही ठिकाणी, तर मराठवाड्यात तुरळक ठिकाणी हलक्‍या सरी बरसण्याचा अंदाज हवामान विभागाच्या सूत्रांनी दिला आहे.

पुणे ः सध्या राज्यात अनेक भागांतील हवेचा दाब 1004 हेप्टापास्कलहून अधिक झाला आहे. पावसाचा अनेक भागांतील जोर कमी झाला आहे. आज (शनिवारी) कोकण, गोव्यात बऱ्याच ठिकाणी, मध्य महाराष्ट्र व विदर्भात काही ठिकाणी, तर मराठवाड्यात तुरळक ठिकाणी हलक्‍या सरी बरसण्याचा अंदाज हवामान विभागाच्या सूत्रांनी दिला आहे.

शुक्रवारी (ता. 22) राज्यातील अनेक भागांत पावसाने उघडीप दिली. गेल्या आठ दिवसांपासून राज्यातील अनेक भागांत पडत असलेल्या पावसाचा जोर गुरुवारी (ता. 21) काहीसा ओसरला. सायंकाळी कोकण, मध्य महाराष्ट्र मराठवाडा व विदर्भातील काही ठिकाणी ढग भरून आल्याने अनेक ठिकाणी हलका ते मध्यम स्वरूपाचा पाऊस पडला. राज्यातील 34 मंडळांत 70 मिलिमीटरहून अधिक पाऊस झाला.

येत्या मंगळवार (ता. 26) पर्यंत कोकण, गोवा व मध्य महाराष्ट्रात काही ठिकाणी, तर मराठवाडा व विदर्भात तुरळक ठिकाणी पाऊस पडण्याची शक्‍यता आहे. सध्या राज्यातील अनेक भागांत पावसाचा जोर कमी झाला आहे. कोकणातील ठाणे, रायगड, रत्नागिरी जिल्ह्यांतील 29 मंडळांत अतिवृष्टी झाली. मध्य महाराष्ट्रातील नगर, सोलापूर जिल्ह्यातील दोन मंडळांत अतिवृष्टी झाली.

मराठवाड्यात मध्यम स्वरूपाचा पाऊस पडला असून, विदर्भातील चंद्रपूर आणि गडचिरोली जिल्ह्यांतील दोन मंडळांत अतिवृष्टी झाली. त्यामुळे काही ठिकाणी अतिवृष्टीमुळे पिकांचे नुकसान झाले असून, अनेक ठिकाणी पिकांना दिलासा मिळाला आहे. शुक्रवारी (ता.22) विदर्भातील अमरावती जिल्ह्यातील काकड परिसरात हलका ते मध्यम स्वरूपाचा पाऊस पडला.

कोकणात विभागात शुक्रवारी (ता. 22) सकाळपर्यंत ठाण्यातील किन्हवली, बदलापूर मंडळांत अतिवृष्टी झाली. रायगडमधील कर्नाळा, कोपरोळी, जसाई, पाली, अतोने, जांभूळपाडा, पेण, हमरापूर, वाशी, कसू, कामर्ली, रोहा, मुरूड, नांदगाव, बोरळी, श्रीवर्धन, वळवटी, बोरलीपंचटन, म्हसाळा, रत्नागिरीतील चिपळूण, खेर्डी, रामपूर, सावर्डे, शिरगाव, दापोली, अंजर्ला, वाकवली, देव्हरे मंडळांत अतिवृष्टी झाली.

उर्वरित ठाणे, रायगड, रत्नागिरी जिल्ह्यांतील अनेक मंडळांत हलका ते जोरदार स्वरूपाचा पाऊस बरसला. तर सिंधुदुर्ग, पालघर जिल्ह्यात हलक्‍या स्वरूपाचा पाऊस पडला. मध्य महाराष्ट्रातील नगर जिल्ह्यातील अरणगाव, सोलापुरातील नारी मंडळात अतिवृष्टी झाली. तर पुणे, नगर, सोलापूर, सातारा जिल्ह्यांतील अनेक मंडळांत मध्यम ते जोरदार पाऊस पडला. सांगली, कोल्हापूर जिल्ह्यात काही ठिकाणी हलका पाऊस पडला.

खानदेशातील जळगाव जिल्ह्यातील काही मंडळांत हलका पाऊस पडला. उर्वरित भागात ढगाळ हवामान होते. तर धुळे, नंदुरबार जिल्ह्यातही ऊन सावल्याचा खेळ सुरू होता. मराठवाड्यातील औरंगाबाद जिल्ह्यात सर्वदूर पाऊस झाला. तर बीड, लातूर, उस्नानाबाद जिल्ह्यातही अनेक ठिकाणी हलका ते मध्यम स्वरूपाचा पाऊस पडला. तर नांदेड, हिगोलीतील काही मंडळांत हलका पाऊस पडला. जालना आणि परभणी जिल्ह्यांत काही ठिकाणी ढगाळ, तर काही वेळा ऊन पडल्याचे चित्र होते.

सध्या मराठवाड्यात पिके वाढीच्या अवस्थेत आहेत. विदर्भातील चंद्रपूर जिल्ह्यातील गोंडपिंप्री, गडचिरोलीतील चामोर्शी मंडळात अतिवृष्टी झाली. त्यामुळे पिकांचे काही प्रमाणात नुकसान झाले आहे. बुलडाणा आणि अकोला जिल्ह्यांत हलका ते मध्यम स्वरूपाचा पाऊस बरसला. तर वाशीम, अमरावती, यवतमाळ, वर्धा, नागपूर, भंडारा, गोंदिया, चंद्रपूर जिल्ह्यांतील काही मंडळांत हलक्‍या स्वरूपाच्या सरी कोसळल्या.

मंडळनिहाय झालेला पाऊस (मिलिमीटरमध्ये)
ठाणे ः किन्हवली 96.6, बदलापूर 98
रायगड ः कर्नाळा 103, कोपरोळी 98, जसाई 88, पाली 107, अतोने 89, जांभूळपाडा 86, पेण 105, हमरापूर 97, वाशी 138, कसू 965, कामर्ली 86, रोहा 88, मुरूड 82, नांदगाव 78, बोरळी 79, श्रीवर्धन 102, वळवटी 93, बोरलीपंचटन 94.3, म्हसाळा 137.2.
रत्नागिरी ः चिपळूण 120, खेर्डी 118, रामपूर 72, सावर्डे 94, शिरगाव 76, दापोली 104, अंजर्ला 192, वाकवली 89, देव्हरे 88.
नगर ः अरणगाव 77
सोलापूर ः नारी 70
चंद्रपूर ः गोंडपिंप्री 89.4.
गडचिरोली ः चामोर्शी 109

इतर ताज्या घडामोडी
सोलापूर विद्यापीठ उभारणार कृषी पर्यटन...सोलापूर  : सोलापूर विद्यापीठाच्या वतीने हिरज...
नाशिक जिल्ह्यातील सहा धरणे कोरडीनाशिक : जिल्ह्याला एकीकडे पावसाने हुलकावणी...
नाशिक जिल्ह्यात पाणीटंचाईग्रस्त गावांची...नाशिक : मॉन्सूनचे आगमन होऊनही नाशिक विभागातील...
कर्जमाफीचा पुन्हा बॅंकांनाच फायदा ः...सोलापूर ःशेतकऱ्यांना द्यावयाच्या कर्जमाफीचा...
कर्जमाफीच्या याद्या बॅंकेबाहेर लावापरभणी  : छत्रपती शिवाजी महाराज शेतकरी सन्मान...
सोलापूर बाजार समिती निवडणूकीत...सोलापूर ः सोलापूर कृषि उत्पन्न बाजार समितीच्या...
सांगलीतील दुष्काळी भागात दूध संकलन घटलेसांगली : जिल्ह्यातील दुष्काळी भागात शेतीबरोबर...
पुणे विभागात ७० टॅंकरव्दारे पाणीपुरवठापुणे  : मॉन्सून दाखल झाल्यानंतरही समाधानकारक...
परभणी विभागात महाबीजचे ३० हजार हेक्टरवर...परभणी : महाबीजच्या परभणी विभागांतर्गत येणाऱ्या...
मराठवाड्यातील ३२ मध्यम प्रकल्पांतील...औरंगाबाद  : मराठवाड्यातील ३२ मध्यम...
तीन जिल्ह्यांत एक लाख २० हजार हेक्टरवर... नांदेड : नांदेड, परभणी, हिंगोली जिल्ह्यांत...
रत्नागिरीत साडेसहा हजार हेक्‍टरवर भात...रत्नागिरी : समाधानकारक पावसामुळे जिल्ह्यातील ६६६४...
नगरमधील ७ हजारांवर शेतकरी हरभरा...नगर : हरभऱ्याची खरेदी करण्यासाठी सुरू असलेले...
‘जलयुक्त’मुळे भूजल पातळी वाढलीसातारा : राज्य शासनाने जलयुक्त शिवार अभियान...
`पीककर्ज न दिल्यास राष्ट्रीयीकृत...भंडारा : जिल्ह्यातील शेतकऱ्यांना १५ जुलैपर्यंत...
साताऱ्यात ढोबळी मिरची, फ्लॉवर, मेथी...सातारा : येथील कृषी उत्पन्न बाजार समितीत मंगळवारी...
जळगावमधील तूर, हरभरा उत्पादकांना चुकारे...जळगाव : जिल्ह्यात सुमारे ६८ हजार क्विंटल तूर आणि...
बीटी कापसाचे यशापयश२००२ ते २००८ या काळात बीटी कापसाचे उत्पादन मोठ्या...
जीएम तंत्रज्ञान आणि झारीतले शुक्राचार्यशेतकऱ्यांना व देशाच्या अर्थव्यवस्थेला वरदान...
एचटीबीटी कापूस उपटून नष्ट करण्याची...देशात अनधिकृत व बेकायदा लागवड करण्यात आलेल्या...