agriculture news in Marathi, agrowon, Work of pananchams in Jalgaon district continues | Agrowon

जळगाव जिल्ह्यात पंचनाम्यांचे काम सुरूच
टीम अॅग्रोवन
शुक्रवार, 23 मार्च 2018

जळगाव : जिल्ह्यात शनिवारी (ता. १७) झालेल्या वादळी पावसात सुमारे एक हजार हेक्‍टरवरील पिकांचे नुकसान झाल्याचा अंदाज असून, पंचनामे सुरूच आहे. पंचनाम्यांसह नुकसानीची प्राथमिक माहितीचा आढावा कृषिमंत्री पांडुरंग फुंडकर यांनी जिल्हाधिकारी किशोर राजेनिंबाळकर यांच्याशी दूरध्वनीवरून चर्चा करून घेतल्याची माहिती प्रशासनाने दिली आहे. 

जळगाव : जिल्ह्यात शनिवारी (ता. १७) झालेल्या वादळी पावसात सुमारे एक हजार हेक्‍टरवरील पिकांचे नुकसान झाल्याचा अंदाज असून, पंचनामे सुरूच आहे. पंचनाम्यांसह नुकसानीची प्राथमिक माहितीचा आढावा कृषिमंत्री पांडुरंग फुंडकर यांनी जिल्हाधिकारी किशोर राजेनिंबाळकर यांच्याशी दूरध्वनीवरून चर्चा करून घेतल्याची माहिती प्रशासनाने दिली आहे. 

जिल्ह्यात वादळी पावसात भुसावळ, जामनेर, पाचोरा, जळगाव भागांत वृक्ष उन्मळून पडले. अनेक शेतकऱ्यांचे आंबे, रामफळ आदी डेरेदार वृक्ष जमिनदोस्त होऊन त्यांचे मोठे नुकसान झाले आहे. मका, गहू ही पिके आडवी झाली. पंचनामे कृषी विभागाकडून सुरूच असून, प्राथमिक माहिती प्रशासनाने जारी केली आहे. प्रशासनाने दिलेल्या माहितीनुसार जिल्ह्यातील ४७२ हेक्‍टरवरील पिकांचे नुकसान झाले आहे. त्यात यावल तालुक्‍यात ३६, जामनेरात ४१६ आणि पाचोरा तालुक्‍यात २० हेक्‍टरवरील पिकांचे नुकसान झाल्याचा प्राथमिक अंदाज आहे. यावल व जामनेरात केळीचे मिळून ६५.४० हेक्‍टरवर नुकसान झाल्याचा दावा करण्यात आला आहे. 

परंतु यापेक्षा अधिक नुकसान झाले आहे. ते कृषी विभागाने गृहीत धरलेले नाही. शिवाय कर्मचारी पंचनाम्यांसाठी गावोगावी पोचलेच नाहीत, असा आरोप ग्रामस्थ, शेतकरी करीत आहे. सुमारे एक हजार हेक्‍टरवरील पिकांचे नुकसान जिल्ह्यात झाल्याचे काही जाणकार, कृषितज्ज्ञांचे म्हणणे आहे. २० ते २५ टक्के या स्वरूपात ते आहे. हे नुकसानही कृषी विभागाने गृहीत धरावे, असे शेतकऱ्यांचे म्हणणे आहे. 

मका, दादर, गहू ही पिके लोळली आहे. दादरची कणसे जमीनदोस्त झाल्याने त्यांचा दर्जा खालावला आहे. तर मक्‍याचे पीक अनेक ठिकाणी अर्ध्यापासून मोडले आहे. त्यात मक्‍याची दाणे पक्व होणार नाहीत. त्याचे १०० टक्के नुकसान होईल. फक्त चाराच हाती येईल. तरीही प्रशासन मात्र हे नुकसान गृहीत धरीत नसल्याचे शेतकऱ्यांचे म्हणणे आहे. 

यावल व चोपडा तालुक्‍यांत कांदा बीजोत्पादन व कांदा पिकाचे नुकसान झाले आहे. त्याची माहिती प्राथमिक अहवालात दिसत नाही. यातच प्रशासनाने पंचनामे सुरू ठेवले असून, नेमकी माहिती या आठवड्याच्या अखेरीस समोर येईल, असे संबंधितांचे म्हणणे आहे.

इतर बातम्या
बच्चू कडूंच्या नेतृत्वाखाली एमपीएससी...पुणे : स्पर्धा परीक्षांची तयारी करणाऱ्या...
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
सातपुड्यातील लघू प्रकल्पांमध्ये अल्प...जळगाव : खानदेशात नंदुरबार, धुळे व जळगाव...
नाशिकला पहिल्यांदाच मशिनद्वारे...नाशिक : कांद्याची निर्यात करण्यासाठी कांदा...
तंत्रज्ञान शेतकरी स्नेही व्हायला हवे ः...औरंगाबाद : शेतीतील प्रश्न संपत नाहीत, कालपरत्वे...
प्रात्यक्षिकांनी सुधारित तंत्रज्ञानाचे...जालना : सुधारित तंत्रज्ञानाचा व नवीन वाणाच्या...
हिंगोली जिल्ह्यात एक लाख कुटुंबांना...हिंगोली ः केंद्र शासनाची महत्त्वाकांक्षी आयुष्मान...
परभणीत पीक कर्जवाटप प्रश्नी शेतकरी...परभणी ः जिल्ह्यातील शेतकऱ्यांच्या पीक कर्जवाटप...
म्हैसाळ योजना सुरू करण्यासाठी हालचाली...सांगली ः जिल्ह्यातील ताकारी आणि टेंभू उपसा सिंचन...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...