उसापासून मिळणार विमानाचे इंधन

उसापासून मिळणार विमानाचे इंधन
उसापासून मिळणार विमानाचे इंधन

पुणे : उसामधील सेल्युलोजचा वापर करून भविष्यात विमानाचे इंधन तयार होऊ शकते, असे संकेत शास्त्रज्ञांनी दिले आहेत.

उसातील विविध घटकांवर संशोधन करण्याचे काम वसंतदादा शुगर इन्स्टिट्यूट (व्हीएसआय) येथे सुरू आहे. शास्त्रज्ञ डॉ. एस. व्ही. पाटील यांच्या म्हणण्यानुसार, ऊस किंवा कोणत्याही सेंद्रिय कृषी पदार्थांच्या अवशेषांमध्ये इग्नोसेल्युलोज असतात. त्यात सेल्युलोज, हेमीसेल्युलोज आणि लिग्निन हे तीन मुख्य घटक असल्याचे आम्ही मानतो. इग्नोसेल्युलोज भिन्न अवस्थांमध्ये वेगवेगळे केल्यास उच्चप्रतीचे इंधन प्राप्त करता येते. 

दुसरीकडे खनिज तेलाची समस्या तीव्र झाल्यास सेल्युलोज आधारित इंधन संशोधनाला आणखी गती येईल, असे साखर उद्योगाचे म्हणणे आहे. ‘मुळात इग्नोसेल्युलोजचे विभाजन करणारी प्रक्रिया अवघड आणि खर्चिक आहे. मात्र, भविष्यात पेट्रोल, इग्नोसेल्युलोज डिझेलची टंचाई वाढत जाणार असल्यामुळे इग्नोसेल्युलोजपासून इंधन मिळवणारे तंत्रज्ञान आवाक्यात येऊ शकते.

ब्राझीलमध्ये एक विमान कंपनी इथेनॉलवर विमान चालवते. मात्र, आपल्याकडील विमानांची यंत्रणा जेट फ्युएल वेगळ्या प्रकारचे स्वीकारते. तथापि, भविष्यात असे बदल होतील आणि खर्चदेखील कमी होत जाईल, असेही डॉ. पाटील यांनी स्पष्ट केले.

कोईमतूर येथे सुरू असलेल्या ऊस परिषदेतदेखील या मुद्द्यावर चर्चा झाली. विस्माचे कार्यकारी संचालक अजित चौगुले म्हणाले, की ऑस्ट्रेलियातील संशोधक रॉबर्ट हेनरी यांनीदेखील विमानाच्या इंधनासाठी उसातील घटकांचा वापर होणार असल्याचे संकेत दिले आहेत. उसापासून २०५० पर्यंत विमानाचे इंधन मिळवणारे तंत्रज्ञान चांगलेच विकसित झालेले असेल, असे या परिषदेत सांगण्यात आले. 

‘साखर कारखान्यांना भविष्यात झपाट्याने प्रक्रिया उद्योगांकडे वळावे लागणार आहे. उसापासून लिग्निन हा घटक वेगळा काढून त्यापासून जैवऊर्जा निर्मिती करणे, सेल्युलोजपासून जैवप्लास्टिकदेखील मिळवता येते. हे सर्व तंत्रज्ञान व्यावसायिक पातळीवर वापरायोग्य करण्यासाठी संशोधन करण्याचे प्रमुख आव्हान शास्त्रज्ञांसमोर आहे, असे साखर कारखानदार उद्योगाचे म्हणणे आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com