agriculture news in marathi, Ajit Nawale warns government on milk rate issue in state | Agrowon

आता दूध दरासाठी शेतकऱ्यांचा लाँगमार्च
टीम अॅग्रोवन
रविवार, 6 मे 2018

पुणे : दुधाला प्रतिलिटर २७ रुपये भाव देण्यास सरकार अपयशी ठरल्यास दूध उत्पादक शेतकरी काही दिवसांनंतर मंबईच्या दिशेने विराट लाॅंगमार्च करून मंत्रालयासमोर फुकट दूध वाटतील. त्यातून तयार होणाऱ्या कायदा व सुव्यवस्थेच्या स्थितीला शेतकरी नव्हे तर सरकार जबाबदार राहील, असा इशारा महाराष्ट्र दूध उत्पादक शेतकरी संघर्ष समितीने दिला आहे. 

पुणे : दुधाला प्रतिलिटर २७ रुपये भाव देण्यास सरकार अपयशी ठरल्यास दूध उत्पादक शेतकरी काही दिवसांनंतर मंबईच्या दिशेने विराट लाॅंगमार्च करून मंत्रालयासमोर फुकट दूध वाटतील. त्यातून तयार होणाऱ्या कायदा व सुव्यवस्थेच्या स्थितीला शेतकरी नव्हे तर सरकार जबाबदार राहील, असा इशारा महाराष्ट्र दूध उत्पादक शेतकरी संघर्ष समितीने दिला आहे. 

समितीचे प्रमुख व राज्य किसान सभेचे सरचिटणीस डॉ. अजित नवले यांनी पुण्यात शनिवारी घेतलेल्या पत्रकार परिषदेत ही घोषणा केली. “शहरात ४२ रुपये दराने विकले जाणारे गायीचे दूध शेतकऱ्यांकडून १७ रुपयांनी विकत घेतले जाते आहे. गेल्या दहा महिन्यांपासून सरकारने आदेश देऊनदेखील २७ रुपये भाव दूध संघाकडून शेतकऱ्यांना दिला जात नाही. सरकार बेशरम झाल्यामुळेच आम्ही लाखगंगामधून फुकट दूध वाटा आंदोलनाला सुरवात केली आहे. त्यामुळे दहा दिवसांत सरकारने मागण्या मान्य न केल्यास मंत्रालयासमोर आंदोलन अटळ राहील," असे डॉ. नवले म्हणाले. 

राज्यातील शेतकऱ्यांकडून सव्वा कोटी लिटर्स दुधाचे संकलन केले जाते. राहुरी कृषी विद्यापीठाच्या अभ्यासानुसार एका लिटरसाठी शेतकऱ्याला ३५ रुपये खर्च येतो. साडेतीन फॅटचे दूध शेतकऱ्यांकडून खरेदी करून त्याचे भेसळीने सव्वा दोन कोटी लिटर दूध तयार केले जात आहे. यात प्रक्रियाचालक, मार्केटिंगवाले तसेच भेसळ माफियांकडून मोठ्या प्रमाणात भेसळ केली जाते. हेच भेसळीचे दीड फॅटचे दूध शहरी ग्राहकांना ४२ रुपयांना दिले जात आहे. ग्राहक आणि शेतकरी अशा दोन्ही वर्गाची लूट चालू असताना सरकार बेशरमपणे गप्प बसले आहे. त्यामुळे पुढील आंदोलनाला आता मुख्यमंत्री देवेंद्र फडणवीस आणि दुग्धविकासमंत्री महादेव जानकर हेच जबाबदार असतील, असा इशारा डॉ. नवले यांनी दिला. 

शेतकरी नेते धनंजय धोर्डे म्हणाले की, "गेल्या काही वर्षांपासून दरच मिळत नसल्याने आमच्या मनात चीड असून त्यातून फुकट दूध वाटपाचे आंदोलन सुरू झाले आहे. मात्र, आमचा अंत पाहू नका."  सध्या सुरू असलेल्या फुकट दूध वाटप आंदोलनात सरकारी कार्यालये, भाजपच्या आमदार, खासदारांना फुकट दूध वाटले जाईल. रास्ता रोको केला जाईल. त्यानंतर नगर, औरंगाबाद, पुणे, सातारा, सांगली, कोल्हापूर, सोलापूर, परभणी, बीड भागात दौरा करून दूध उत्पादकांशी संपर्क साधला जाणार आहे. त्यानंतर मंत्रालयाकडे लाॅंगमार्च केला जाईल, असे समितीने घोषित केले आहे. 

सहकारी दूध संघाला नोटिसा देऊन २७ रुपये भाव देण्याचे सांगितले, पण संघांनी या नोटिसा फेकून दिल्या आहेत. खासगी उद्योगाला चालना देण्याचा सरकारचा प्रयत्न असून परराज्यातील दूध तात्काळ बंद केले पाहिजे, अशी मागणीही संघर्ष समितीने केली. यावेळी शेतकरी नेते धनंजय धोर्डे, विठ्ठल पवार, अनिल देठे, साईनाथ घोरपडे, संतोष वाडेकर, दिगंबर तुरकणे, राजेंद्र तुरकणे, किरण वाबळे, नाथा शिंगाडे उपस्थित होते. 

इतर अॅग्रो विशेष
वृक्ष होऊन जगू यामागील आठवड्यात असाच एक मुलाखतीचा सुंदर, कार्यक्रम...
एकत्र या, निर्यात वाढेलकेंद्रात मोदी सरकार सत्तेत आल्यापासून शेतमाल...
राज्यात कांदा उत्पादकांचा आक्रोश... पुणे ः राज्यातील विविध बाजार समित्यांमध्ये...
रोजगाराच्या शोधात गेलेल्या १२ जणांचा...महागाव, जि. यवतमाळ : कापूस वेचणीसाठी गेलेल्या...
देशभरात ४१४ लाख हेक्टरवर रब्बी पेरणी नवी दिल्ली ः देशात अनेक ठिकाणी दुष्काळी...
संत्रा बाग छाटणी सयंत्र ठरतेय केवळ...नागपूर ः शेतकऱ्यांना पूरक तंत्रज्ञान देण्यात...
होय... सरकीपासून चॉकलेट, कुकीज नागपूर : सरकीपासून ढेप आणि तेल मिळते ही झाली...
पीकपद्धतीनूसार बहुविध यंत्रांचा...हंगामी व वार्षिक नगदी पिके व फळपिके अशा बहुविध...
विदर्भात गारपिटीचा अंदाजपुणे : पूर्वेकडून वाहत असलेल्या उष्ण वाऱ्यांमुळे...
गाळपेर क्षेत्रातून उपलब्ध होणार ३४ लाख...पुणे ः राज्यातील दुष्काळी परिस्थितीच्या...
कपाळावर कंकू नसेल; पण मनगटात ताकद आहे...शेतकरी मोर्चाच्या बॅनरपासून ते पहिल्या रांगेत...
जिवापाड जपलेल्या बागा आता जगवाव्यात कशा?नगर ः पाणी उपलब्ध नसल्याने फळबागा अडचणीत आल्या...
भातपीक करते शेतातून वाहणाऱ्या पाण्याचे...सध्या पाण्याच्या प्रवाहातून येणाऱ्या घटकांमुळे...
'फरदड'मुक्तीसाठी राज्यात २१ हजार...पुणे : राज्यात कपाशीचे उत्पादन घेणाऱ्या २१ हजार...
बोगस मिश्रखत विक्री प्रकरणी कंपनीमालक,...पुणे : शेतकऱ्यांना बोगस मिश्रखताचा पुरवठा...
शेडनेट, पॉलिहाउससाठी एक एकरापर्यंत...पुणे : हरितगृह, पॉलिहाउसला मागणी वाढत असल्याने...
दुष्काळ सहनशील १८ ऊस वाणांची चाचणीनवी दिल्ली ः महाराष्ट्रासाठी कमी पाण्यावर...
कर्जमाफीचे सतरा हजार कोटी शेतकऱ्यांच्या...मुंबई : छत्रपती शिवाजी महाराज शेतकरी सन्मान...
विदर्भात पावसाचा अंदाजपुणे: मध्य महाराष्ट्रात असलेल्या द्रोणीय...
सोलापूरच्या शेतकऱ्याची सांगलीत...सांगली : डाळिंब घ्या... डाळिंब, शंभर रुपयाला चार...