agriculture news in marathi, akola district agri expo starts, akola, maharashtra | Agrowon

शेतीला पूरक उद्योगांची जोड आवश्‍यक : पालकमंत्री डॉ. पाटील
टीम अॅग्रोवन
शनिवार, 31 मार्च 2018
अकोला : पूर्वी शेती समृद्ध होती. काळानुरूप त्यात बदल झाला. आगामी काळात शेतीत टिकून राहण्यासाठी शेतकऱ्यांनी शेतीला पूरक उद्योगांची जोड द्यावी, असे आवाहन पालकमंत्री डॉ. रणजित पाटील यांनी केले. 
 
अकोला : पूर्वी शेती समृद्ध होती. काळानुरूप त्यात बदल झाला. आगामी काळात शेतीत टिकून राहण्यासाठी शेतकऱ्यांनी शेतीला पूरक उद्योगांची जोड द्यावी, असे आवाहन पालकमंत्री डॉ. रणजित पाटील यांनी केले. 
 
आत्मा, कृषी विभाग आणि डॉ. पंजाबराव देशमुख कृषी विद्यापीठाच्या संयुक्त विद्यमाने जिल्हा कृषी महोत्सवाचे आयोजन करण्यात आले आहे. या महोत्सवाचे शुक्रवारी (ता.३०) डॉ. पाटील यांच्या हस्ते उद्‌घाटन झाले. या वेळी ते बोलत होते. अध्यक्षस्थानी कुलगुरू डॉ. विलास भाले होते. विभागीय सहसंचालक सुभाष नागरे, जिल्हा परिषद सभापती पुंडलिक अरबट, हरीश अलिमचंदानी, मुख्य कार्यकारी अधिकारी डॉ. एस. रामामूर्ती, जिल्हा अधीक्षक कृषी अधिकारी राजेंद्र निकम, आत्मा प्रकल्प संचालक एस. एल. बाविस्कर, पशू विज्ञान संस्थेचे डॉ. हेमंत बिराडे, कृषी विज्ञान केंद्राचे कार्यक्रम समन्वयक उमेश ठाकरे या वेळी उपस्थित होते.
 
डॉ. पाटील म्हणाले, की सध्या शेतीत एका पिकाच्या भरवशावर राहणे शेतकऱ्यांना शक्‍य नाही. पूरक उद्योगाची शेतीला जोड असल्यास पीक आले नाही तरी कुटुंबाला आधार राहतो. शासन शेतकऱ्यांच्या विकासासाठी सातत्याने विविध योजना आखत आहे. या वर्षी वनशेतीला प्रोत्साहन देण्यात आले. शेतकऱ्यांना आधार देण्यासाठी गोपीनाथ मुुंडे अपघात विमा योजना राबवली जाते. हवामानविषयक सल्ला परिपूर्ण मिळावा, यासाठी मंडळनिहाय केंद्र निर्मिती केली जात आहे. खारपाण पट्ट्यातील गावांच्या विकासासाठी साडेचार हजार कोटींच्या नानाजी देशमुख प्रकल्पाची अंमलबजावणी केली जाणार आहे.
 
शासन विविध प्रकारे कामे करीत आहे. अशा स्थितीत कृषी विभाग, कृषी विज्ञान केंद्र, कृषी विद्यापीठाने जबाबदारी घेत शेतकऱ्यांना जमिनीच्या आरोग्यासाठी प्रवृत्त करावे. प्रत्येक शेतकऱ्याकडे त्याच्या जमिनीची आरोग्य पत्रिका असली तर तो त्यादृष्टीने नियोजन करू शकेल. हे काम प्राधान्याने झाले पाहिजे, असे डॉ. पाटील यांनी सांगितले,
 
कुलगुरू डॉ. भाले म्हणाले, की सध्या शेतकरी पुढे जात आहे. तो उद्योगशील बनला असून शेतीमालावर प्रक्रिया करू लागला आहे. सर्व यंत्रणा मिळून शेतीला आपण पूर्वीसारखे उत्तम बनवूयात. विद्यापीठाने खारपाणपट्ट्यात पीकबदलासाठी पुढाकार घेतला.
 
रब्बीत ज्वारी, बाजरी, करडई घेण्याकडे शेतकऱ्यांना वळविले जात आहे. येत्या हंगामात किमान ५०० शेतकरी रब्बी ज्वारीची लागवड करतील. विद्यापीठाकडे वाण, बियाणे, तंत्रज्ञान उपलब्ध असून ते शेतकऱ्यांपर्यंत पोचविले जाईल. करडई काढण्याचे यंत्र विद्यापीठ तयार करीत आहे. ओल्या हळदीपासून थेट पावडर तयार करण्याचे यंत्र विद्यापीठाने विकसित केले असून, त्याचा फायदा निश्‍चितच शेतकऱ्यांना होणार आहे.
 
एस. एल. बाविस्कर यांनी प्रास्ताविकात कृषी महोत्सवाची संकल्पना मांडली. सुभाष नागरे यांनीही मनोगत व्यक्त करीत कृषी विभागाच्या योजना, उपक्रमांबाबत सविस्तर माहिती दिली.
 
जिल्हा कृषी महोत्सव सोहळ्याच्या उद्‌घाटन कार्यक्रमात खासदार संजय धोत्रे अध्यक्ष होते. मात्र ते आलेच नाहीत. याशिवाय आमदार गोवर्धन शर्मा, रणधीर सावरकर, हरीश पिंपळे, गोपिकिसन बाजोरीया, बळीराम सिरस्कार, प्रकाश भारसाकळे यांच्यापैकीही कुणीच उद्‌घाटनाला उपस्थित राहले नाही. सोहळ्यात खासदार, आमदारांच्या अनुपस्थितीची चर्चा होती. 
 

इतर ताज्या घडामोडी
समुद्राच्या उधाणामुळे पीक नुकसान ...मुंबई  : समुद्र किनाऱ्यावरील शेतीचे तसेच...
‘मग्रारोहयो’त २८ नव्या कामांचा समावेशनागपूर : महात्मा गांधी राष्ट्रीय ग्रामीण...
पुणे जिल्ह्यात तीन लाख जमीन...पुणे   ः जमिनीतील विविध घटकांची माहिती...
पुणे जिल्हा परिषदेत दर रविवारी ‘...पुणे  : स्वयंसहायता समूहाच्या (बचत गट)...
गोदावरी कालव्यांचे लोकसहभागातून...कोपरगाव, जि. नगर ः शंभर वर्षांहुन अधिक आयुर्मांन...
सातारा जिल्ह्यात रब्बीत अवघे नऊ टक्के...सातारा  ः रब्बी हंगामात पीक कर्जाकडे...
महालक्ष्मी सरस प्रदर्शनामुळे  ग्रामीण...मुंबई   ः ॲमेझॉन, फ्लिपकार्टच्या...
सहकारमंत्र्यांनी राजीनामा द्यावा :...सोलापूर  ः उसाची एकरकमी एफआरपी देण्यात साखर...
काँग्रेसमध्ये नवचैतन्य; प्रियंका गांधी...नवी दिल्ली : काँग्रेस अध्यक्ष राहुल गांधी...
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...